ପାନ୍ କାର୍ଡରେ ଥିବା ୧୦ଟି ନମ୍ବରର ଅର୍ଥ କ’ଣ ? ଏହି ନମ୍ବର ପଛରେ ଲୁଛି ରହିଛି କେଉଁ ତଥ୍ୟ । କ’ଣ ସୂଚାଇଥାଏ ବର୍ଣ୍ଣମାଳା ଓ ସଂଖ୍ୟା ?

କନକ ବ୍ୟୁରୋ : ବ୍ୟାଙ୍କ କାମ ହେଉ କିମ୍ବା ଚାକିରୀ , ଆଜିର ସମୟରେ ପାନ୍ କାର୍ଡ ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଂଟରେ ପରିଣତ ହୋଇଛି । ବିନା ପାନ୍ କାର୍ଡରେ ଆପଣ କୌଣସି ସରକାରୀ କାମ କରିପାରିବେ ନାହିଁ । ପ୍ରମୁଖ ସ୍ଥାନରେ ବ୍ୟବହୃତ ହେଉଥିବା ଏହି ପାନ୍ କାର୍ଡକୁ ଇନକମ୍ ଟ୍ୟାକ୍ସ ଡିପାର୍ଟମେଣ୍ଟ ପକ୍ଷରୁ ପ୍ରଦାନ କରାଯାଇଥାଏ । ପାନ୍ କାର୍ଡ ଆମ ଦୈନନ୍ଦିନ ଜୀବନରେ ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଭାବେ ବ୍ୟବହାର ହେଉଥିବା ବେଳେ ଆପଣ ପାନ୍ କାର୍ଡରେ ଲେଖାଥିବା ୧୦ ଅଙ୍କ ବିଶିଷ୍ଟ ସଂଖ୍ୟାର ଅର୍ଥ ଜାଣିଛନ୍ତି କି? ତେବେ ପାନ୍ କାର୍ଡରେ ଲେଖା ହୋଇଥିବା ଏହି ୧୦ ଅଙ୍କ ବିଶିଷ୍ଟ ସଂଖ୍ୟା ପଛରେ ଅନେକ କିଛି ତଥ୍ୟ ଲୁଚି ରହିଥାଏ । ଏହି ୧୦ ଅଙ୍କରେ ରହିଛି କିଛି ସଂଖ୍ୟା ଏବଂ କିଛି ବର୍ଣ୍ଣମାଳା । ତେବେ କଣ ରହିଛି ଏହି ନମ୍ବର ପଛରେ ଥିବା ରହସ୍ୟ ଆସନ୍ତୁ ଜାଣିବା ।

ପାନ୍ କାର୍ଡ ନମ୍ବର ପ୍ରଦାନ କରିବାରେ ଆୟକର ବିଭାଗ ଏକ ସ୍ୱତନ୍ତ୍ର ପ୍ରକ୍ରିୟା ବ୍ୟବହାର କରିଥାଏ । ଆପଣଙ୍କୁ ପାନ୍ କାର୍ଡରେ ୧୦ ଅଙ୍କ ବିଶିଷ୍ଟ ନମ୍ବର ଦିଆଯାଇଥାଏ । ପ୍ରତ୍ୟେକ ପାନ୍ କାର୍ଡର ଏହି ୧୦ ଅଙ୍କ ବିଶିଷ୍ଟ ନମ୍ବର କିଛି ସଂଖ୍ୟା ଏବଂ ଅକ୍ଷରର ମିଶ୍ରଣରେ ତିଆରି ହୋଇଥାଏ । ଆପଣ ନିଶ୍ଚୟ ଲକ୍ଷ କରିଥିବେ ଆପଣଙ୍କ ପାନ୍ କାର୍ଡର ପ୍ରଥମ ପାଞ୍ଚଟି ଅକ୍ଷର ସର୍ବଦା ବର୍ଣ୍ଣମାଳା, ଏବଂ ପରବର୍ତ୍ତୀ ୪ ଅକ୍ଷର ସଂଖ୍ୟା ଅଟେ ଏବଂ ଶେଷରେ ଏକ ବର୍ଣ୍ଣମାଳା ରହିଥାଏ । ତେବେ କାହିଁକି ପାନ୍ କାର୍ଡରେ ଏପରି ନମ୍ବର ଲେଖାଯାଇଥାଏ । ପାନ୍ କାର୍ଡର ଲେଖାଥିବା ଅକ୍ଷର ଗୁଡିକ କଣ ସୂଚନା ଦେଇଥାଏ? ଆମ ପାନ୍ କାର୍ଡରେ ଲେଖାଯାଇଥିବା ନମ୍ବରରେ ଥିବା ପ୍ରତିଟି ସଂଖ୍ୟାର ଅର୍ଥ ଭିନ୍ନ ଭିନ୍ନ ଅଟେ ।

ଆୟକର ବିଭାଗର ଆଖିରେ ଆପଣ କିଏ ବୋଲି ଏହା ଆପଣଙ୍କ ପାନ୍ କାର୍ଡର ଚତୁର୍ଥ ନମ୍ବର ଏକ ସୂଚକ ରୂପେ କାମ କରିଥାଏ । ଯଦି ଆପଣ ଜଣେ ବ୍ୟକ୍ତି, ତେବେ ଆପଣଙ୍କର ପାନ୍ କାର୍ଡର ଚତୁର୍ଥ ନମ୍ବର ପି ହେବ । ପ୍ରତ୍ୟେକ ଚରିତ୍ରର ଭିନ୍ନ ଭିନ୍ନ ଅର୍ଥ ରହିଛି । ଯଦି ପାନ୍ ରେ ଏଫ୍ ଲେଖାଯାଏ ତେବେ ଏହି ସଙ୍କେତଟି ଏକ ଫାର୍ମରର । ଯଦି ଟି ଏଣ୍ଟର ହୁଏ, ଏହା ଏକ ଟ୍ରଷ୍ଟକୁ ସୂଚାଇ ଥାଏ । ଏଚ୍ ହିନ୍ଦୁ ଅବିଭାଜିତ ପରିବାରକୁ ସୂଚାଉଥିବା ବେଳେ , ଏଲ୍ ଲୋକାଲ, ଜେ ଆର୍ଟିଫିସିଆଲ୍ ଜୁରିଡିକାଲ୍ ପର୍ସନ ଏବଂ ଜି ସରକାରୀ ପାଇଁ ସୂଚିତ କରିଥାଏ । ଏହାବ୍ୟତୀତ ପାନ କାର୍ଡରେ ପ୍ରବେଶ କରିଥିବା ପଞ୍ଚମ ଅକ୍ଷର ହେଉଛି ଆପଣଙ୍କ ଉପନାମର ପ୍ରଥମ ବର୍ଣ୍ଣ । ଯଦି ଆପଣଙ୍କ ଉପନାମ ଶର୍ମା ତେବେ ପାନର ପଞ୍ଚମ ନମ୍ବରର ଚରିତ୍ର ଏସ୍ ହେବ । ଏହିପରି ଭାବେ ଆୟକର ବିଭାଗ ଆପନଙ୍କୁ ଆପଣଙ୍କ ପାନ୍ ନମ୍ବର ପ୍ରଦାନ କରିଥାନ୍ତି ।
ଆର୍ଥିକ କାରବାର ପାଇଁ ପାନ୍ କାର୍ଡ ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଂଟ୍ ଭାବେ କାମ କରିଥାଏ । ପାନ କାର୍ଡରେ ଲେଖାହୋଇଥିବା ପ୍ରତ୍ୟେକଟି ସଂଖ୍ୟା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ସେଥିପାଇଁ ବ୍ୟାଙ୍କ କିମ୍ବା ସରକାରଙ୍କ ପକ୍ଷରୁ ଏହି ନମ୍ବର କାହା ସହ ଶେୟାର କରିବା ନେଇ ବାରଣ କରାଯାଇଥାଏ ।