ଆଜିଠାରୁ ବିଡିଏ, ବିଏମସି ଓ ବିଏସସିଏଲ ପାଇଁ ସାଇକେଲ ଦିବସ । କମିଶନରଙ୍କ ନିର୍ଦ୍ଦେଶ ପରେ ବିନା ମଟର ଯାନରେ ଅଫିସ ଆସିବେ କର୍ମଚାରୀ
ସେପଟେ ମୋ ସାଇକେଲ ଯୋଜନା ଫସର ଫାଟିଲା; ପାଣିରେ ପଡିଲା ୪ କୋଟି ୮୦ ଲକ୍ଷ ଟଙ୍କା
କନକ ବ୍ୟୁରୋ: ଏବେ ପ୍ରତି ଶୁକ୍ରବାର ହେବ ସାଇକେଲ୍ ବାର । ବିଏମସି, ବିଡିଏ, ଭୁବନେଶ୍ୱର ସ୍ମାର୍ଟସିଟି ଲିମିଟେଡ୍ ବା ବିଏସସିଏଲରେ କର୍ମଚାରୀମାନଙ୍କୁ ଏବେ ଶୁକ୍ରବାର ଦିନ ସାଇକେଲରେ ଆସିବା ବାଧ୍ୟତାମୂଳକ କରାଯାଇଛି । ଆଜିଠାରୁ କାର୍ଯ୍ୟକାରୀ ହେଉଛି ଏହି ନିର୍ଦ୍ଦେଶ । ପ୍ରଦୂଷଣ ରୋକିବା ପାଇଁ ଏଭଳି ପ୍ରୟାସକୁ ସ୍ୱାଗତ କରାଯାଉଛି । ହେଲେ ବର୍ଷେ ତଳେ ଭୁବନେଶ୍ୱରରେ ଆରମ୍ଭ ହୋଇଥିବା “ମୋ ସାଇକେଲ୍’’ ଯୋଜନା ଫସର ଫାଟି ଯାଇଛି । ଅଧିକାଂଶ ସାଇକେଲ ଗାଏବ ହୋଇଯାଇଛି । ଯାହା କିଛି ଅଛି ବାକି ରହିଛି ସେଥିରୁ ଅଧା ଅଚଳ ହୋଇପଡିଛି ।
Kanak News is now on WhatsApp
Join and get latest news updates delivered to you via WhatsApp
୨୦୧୮ ନଭେମ୍ବର ୨୬ ତାରିଖ । ଭୁବନେଶ୍ୱରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭାରମ୍ଭ କରିଥିଲେ “ମୋ ସାଇକେଲ୍’ ଯୋଜନା । ଏଥିପାଇଁ ଆସିଥିଲା ୨,୦୦୦ ସାଇକେଲ୍ । ସ୍କାର୍ଟ ସିଟି ପରିବହନ ପାଇଁ କାମ କରୁଥିବା “କ୍ୟାପିଟାଲ୍ ରିଜିଅନ୍ ଅର୍ବାନ୍ ଟ୍ରାନ୍ସପୋର୍ଟ’ ବା “କ୍ରୁଟ୍’ ଆରମ୍ଭ କରିଥିଲା ଏହି ବ୍ୟବସ୍ଥା । ଏହି ସାଇକେଲ୍ ଚଳାଇବା ପାଇଁ ଲୋକେ “ମୋ ସାଇକେଲ୍’ ଆପ୍ ଡାଉନଲୋଡ୍ କରୁଥିଲେ । ଆଉ ଦୈନିକ ବା ମାସିକ ଦେୟ ଦେଇ ସାଇକେଲ୍ ଚଳାଉଥିଲେ । ପ୍ରଥମ ପ୍ରଥମେ ଖୁବ୍ ଭଲରେ ଚାଲିଥିଲା “ମୋ ସାଇକେଲ’ ।
ତେବେ ଆରଟିଆଇରୁ ମିଳିଥିବା ଏହି ତଥ୍ୟରେ କ୍ରୁଟ୍ ଦର୍ଶାଇଥିଲା, ମୋ ସାଇକେଲ୍ ପାଇଁ ୪ କୋଟି ୮୦ ଲକ୍ଷ ଟଙ୍କା ବ୍ୟୟ କରାଯାଇଛି । ମୋ ସାଇକେଲ୍ ଯୋଜନା ପାଇଁ ତିନିଟି ଘରୋଇ ସଂସ୍ଥାକୁ ଏହି ଟଙ୍କା ଦିଆଯାଇଛି । ୨,୦୦୦ ସାଇକେଲ୍ କିଣା ହେବା ସହ ଭୁବନେଶ୍ୱରରେ ୨୭୯ଟି ସାଇକେଲ୍ ଷ୍ଟେସନ୍ ତିଆରି ହୋଇଛି ।