କନକ ବ୍ୟୁରୋ: ସଙ୍କଟଦେଇ ଗତି କରୁଥିବା ଆଦାନୀ ଗ୍ରୁପ ପାଇଁ ଭଲ ଖବର ଆସିଛି । ମରିସସର ରେଗୁଲେଟର ଫାଇନାନସିଆଲ ସର୍ଭିସ କମିଶନ ଆଦାନୀ ଗ୍ରୁପକୁ କ୍ଲିନଚିଟ୍ ଦେଇଛନ୍ତି । ଫାଇନାନସିଆଲ ସର୍ଭିସ କମିଶନ କହିଛନ୍ତି ଯେ, ଆଦାନୀ ଗ୍ରୁପ ସମୂହ ସହ ଜଡିତ ଥିବା ୩୮ କମ୍ପାନୀ ଏବଂ ୧୧ ଗ୍ରୁପର ଟଙ୍କାରେ କୌଣସି ବେଆଇନ କାମ ହୋଇନାହିଁ । ଆମେରିକା ରିସର୍ଚ୍ଚ ଫାର୍ମ ହିଣ୍ଡନବର୍ଗ ଜାନୁଆରୀ ୨୪ରେ ପ୍ରକାଶ କରିଥିବା ରିପୋର୍ଟରେ ଦାବି କରିଥିଲା ଯେ, ଗୌତମ ଆଦାନୀ ନିଜ ସହ ସମ୍ପୃକ୍ତ ଥିବା କମ୍ପାନୀର ସେୟାର ମୂଲ୍ୟରେ ଗଡବଡ କରିଛନ୍ତି । ଏଥିପାଇଁ ସେମାନେ ମରିସସରେ ଥିବା ବେନାମୀ କମ୍ପାନୀର ବ୍ୟବହାର କରିଛନ୍ତି ।

Advertisment

ମରିସସର ବଜାର ନିୟାମକ କହିଛି ଯେ, ଆଭ୍ୟନ୍ତରୀଣ ରିପୋର୍ଟକୁ ବର୍ତ୍ତମାନ ସୁଦ୍ଧା ଭାରତୀୟ ପ୍ରତିପକ୍ଷଙ୍କୁ ପ୍ରଦାନ କରାଯାଇନାହିଁ । ବର୍ତ୍ତମାନ ସୁଦ୍ଧା ଭାରତୀୟ ବଜାର ନିୟାମକ ସେବି ଆଦାନୀ ସମୂହ ଏବଂ ମରିସସର ଦୁଇ କମ୍ପାନୀ ଫର୍ମୋ-ଗ୍ରେଟ ଇଣ୍ଟରନ୍ୟାସନାଲ ଟସ୍କର ଫଣ୍ଡ ଏବଂ ଆୟୁଷ୍ମାନ ଲିମିଟେଡ ମଧ୍ୟରେ ଥିବା ସମ୍ପର୍କର ଯାଞ୍ଚ କରିବା ଆରମ୍ଭ କରିଛି । ନିକଟରେ ରଦ୍ଦ ହୋଇଥିବା ଆଦାନୀ ଏଣ୍ଟରପ୍ରାଇଜେସର ଏଫପିଓରେ ପ୍ରମୁଖ ନିବେଶକ ଭାବେ ଭାଗ ନେଇଥିଲେ ।