କରୋନା କଟକଣା ଭିତରେ ଶ୍ରମିକଙ୍କ ସ୍ଥାନାନ୍ତରଣ ମାମଲାରେ କେନ୍ଦ୍ରକୁ ରିପୋର୍ଟ ମାଗିଲେ ସୁପ୍ରିମକୋର୍ଟ : କହିଲେ କଣ ନେଇଛ ପଦକ୍ଷେପ, ମଙ୍ଗଳବାର ସୁଦ୍ଧା ଦିଅ ରିପୋର୍ଟ
କନକ ବ୍ୟୁରୋ: କରୋନା ମୁକାବିଲା ପାଇଁ ଦେଶବ୍ୟାପି ଲକଡାଉନ ଚାଲିଥିବାବେେଳେ ବହୁ ସଂଖ୍ୟାରେ ଶ୍ରମିକଙ୍କ ସ୍ଥାନାନ୍ତର ନେଇ କେନ୍ଦ୍ରକୁ ରିପୋର୍ଟ ମାଗିଛନ୍ତି ସୁପ୍ରିମକୋର୍ଟ । ଏତେ ସଂଖ୍ୟାରେ ଶ୍ରମିକ ସ୍ଥାନାନ୍ତରଣ ରୋକିବାକୁ ରାଜ୍ୟ ସରକାର କଣ ପଦକ୍ଷେପ ନେଇଛନ୍ତି ସେ ନେଇ ମଙ୍ଗଳବାର ଭିତରେ ରିପୋର୍ଟ ଦେବାକୁ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୁପ୍ରିମକୋର୍ଟରେ ଆବେଦନ କରାଯାଇଥିବା ଜନସ୍ୱାର୍ଥ ମାମଲାରେ ଭିଡିଓ କନଫରେନ୍ସିଂ ମାଧ୍ୟମରେ ଶୁଣାଣି କରି ମୁଖ୍ୟ ବିଚାରପତି ଜଷ୍ଟିସ୍ ଏସ. ଏ. ବୋବଡେ ଓ ଏଲ ନାଗେଶ୍ୱର ରାଓ ଏହି ରିପୋର୍ଟ ତଲବ କରିଛନ୍ତିି । ଲକଡାଉନ ଲାଗୁ ହେବା ପରେ ସାରା ଦେଶରୁ ହଜାର ହଜାର ଶ୍ରମିକ ଗାଁକୁ ଯିବା ଏକ ନୂଆ ସଂକଟ ଭାବେ ଉଭା ହୋଇଛି । ଏହାକୁ ନେଇ ଆଇନଜୀବୀ ଆଲୋକ ଶ୍ରୀବାସ୍ତବ ସୁପ୍ରିମକୋର୍ଟରେ ଏକ ଜନସ୍ୱାର୍ଥ ମାମଲା ରୁଜୁ କରିଥିଲେ ।