ମୁଖ୍ୟ ଚିକିତ୍ସାଧିକାରୀଙ୍କ ପାଦତଳେ ପଡି କାହିଁକି ଗୁହାରୀ କଲେ ଏହି ବୃଦ୍ଧ, ଜାଣନ୍ତୁ ପୁରା ଘଟଣା
କନକ ବ୍ୟୁରୋ : ୟୁପିର ଅନେକ ଜିଲ୍ଲାରେ ଏବେ ରହସ୍ୟମୟ ଜ୍ୱର ସମସ୍ତଙ୍କ ପାଇଁ ଚିନ୍ତାର କାରଣ ପାଲଟିଛି । ଏହି ଜ୍ୱର ଏବେ ମଥୁରାର ଅନେକ ଗାଁରେ ବ୍ୟାପି ସାରିଛି । ଏହି ଜ୍ୱର ଫଳରେ ମଥୁରାରେ ୧୩ ଜଣ ଲୋକଙ୍କର ଜୀବନ ବି ଯାଇ ସାରିଲାଣି । ମୃତ୍ୟୁବରଣ କରିଥିବା ୧୩ ଜଣଙ୍କ ମଧ୍ୟରୁ ୧୦ ଜଣ ଶିଶୁ ରହିଛନ୍ତି । ଛୋଟ ପିଲାମାନଙ୍କର ଏଭଳି ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ଲୋକମାନେ ଗାଁ ଛାଡି ବାହାରକୁ ପଳାଉଥିବା ବି ଦେଖିବାକୁ ମିଳିଛି । ହେଲେ ଯେଉଁମାନେ ଗାଁରେ ଅଛନ୍ତି ସେମାନେ ସେମାନଙ୍କ ପିଲାଙ୍କୁ କିଭଳି ସୁରକ୍ଷା ଦେବେ ସେନେଇ ଚିନ୍ତାରେ ଥିବା ବେଳେ ଏହାରି ମଧ୍ୟରେ ଏକ ବିଚିତ୍ର ଚିତ୍ର ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଏଭଳି ସ୍ଥିତିର ଅନୁଧ୍ୟାନ ପାଇଁ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଗାଁରେ ପହଂଚିଥିବା ବେଳେ ଯାହା ଘଟିଲା ତାହା ଆପଣମାନଙ୍କୁ ପୁଣିଥରେ ଭାବିବାକୁ ବାଧ୍ୟ କରିବ । ଏକ ଭାଇରାଲ ଭିଡିଓରେ ଦେଖିବାକୁ ମିଳିଛି କି ନିଜ ପିଲାମାନଙ୍କୁ ବଞ୍ଚାଇଦେବାକୁ ଜଣେ ବୟସ୍କ ବ୍ୟକ୍ତି ଚିକିତ୍ସା ଅଧିକାରୀଙ୍କ ପାଦତଳେ ପଡି ଗୁହାରୀ କରୁଛନ୍ତି ।
ସେପଟେ ମୁଖ୍ୟ ଚିକିତ୍ସା ଅଧିକ।।ରରୀ ରଚନା ଗୁପ୍ତା ଗାଁରେ ମେଡିକାଲ କ୍ୟାମ୍ପ ଲଗାଇବାକୁ ଚେଷ୍ଟା କରିଛନ୍ତି । ଗାଁର ମୁଖ୍ୟ ନରେନ୍ଦ୍ର ଚୌହାନ କହିଛନ୍ତି କି ଏବେ ଏହି ଗାଁରେ ୧୫୦ ରୁ ଅଧିକ ପିଲା ଏହି ରହସ୍ୟମୟ ଜ୍ୱରରେ ଆକ୍ରାନ୍ତ ହୋଇଛନ୍ତି । ଗାଁର ଅଧାରୁ ଅଧିକ ମହିଳା ଓ ପୁରୁଷମାନେ ସେମାନଙ୍କ ପିଲାଙ୍କୁ ଧରି ମେଡିକାଲରେ ଅଛନ୍ତି । ଅନ୍ୟପଟେ କିଛି ଲୋକ ସେମାନଙ୍କ ପରିବାର ସହ ଗାଁ ଛାଡି ଅନ୍ୟଆଡେ ପଳାଇ ଯାଇଛନ୍ତି । ଲୋକମାନେ ସରକାରଙ୍କ ସ୍ୱାସ୍ଥ୍ୟସେବାକୁ ନେଇ ସନ୍ତୁଷ୍ଟ ନଥିବା କଥା ଗାଁ ମୁଖିଆ କହିଛନ୍ତି ।