ଧରାପଡିଲା ଭୁବନେଶ୍ୱରରେ ଦୁଇ ଦୁଇଟି ବ୍ୟାଙ୍କ ଲୁଟର ମାଷ୍ଟରମାଇଣ୍ଡ : ୧୦ ଲକ୍ଷ ସହ ସ୍କୁଟି ଓ ବନ୍ଧୁକ ଜବତ, ସେପ୍ଟେମ୍ବରରେ ହୋଇଥିଲା ଲୁଟ୍
କନକ ନ୍ୟୁଜ ପାଖରେ ନନ୍ଦନବିହାର ସିସିଟିଭ ଫୁଟେଜର ଏକ୍ସକ୍ଲୁସିଭ ଫୁଟେଜ
କନକ ବ୍ୟୁରୋ : ଭୁବନେଶ୍ୱର ବ୍ୟାଙ୍କ ଅଫ ଇଣ୍ଡିଆ ବରିମୁଣ୍ଡ ଶାଖାରୁ ୧୦ ଲକ୍ଷ ଲୁଟ ଘଟଣାର ପର୍ଦ୍ଦାଫାସ ହୋଇଛି । କମିଶନରେଟ ପୁଲିସ କବଜାରେ ଡକାୟତ ଲୁଟେରା ସୌମ୍ୟରଞ୍ଜନ ଜେନା । ସୌମ୍ୟରଞ୍ଜନ ଗିରଫ ହେବା ସହ ତାଠାରୁ ୧୦ ଲକ୍ଷରୁ ଅଧିକ ଟଙ୍କା ଜବତ ହୋଇଛି । ଏହା ସହ ବ୍ୟବହୃତ ବନ୍ଧୁକ ଓ ସ୍କୁଟିକୁ ବି ଜବତ କରିଛି ପୁଲିସ । ସୌମ୍ୟରଞ୍ଜନର ଘର ମଂଚେଶ୍ୱରର ଟାଙ୍ଗିବନ୍ତ ଅଚଂଳ ବୋଲି ଜଣାପଡିଛି । ସେହିଭଳି ସେପେଟମ୍ବର ୭ ତାରିଖରେ ଭୁବନେଶ୍ୱରର ନନ୍ଦନ ବିହାର ଅଂଚଳ ଇଣ୍ଡିଆନ ଓଭରସିଜ ବ୍ୟାଙ୍କରେ ରେ ହୋଇଥିବା ଅନ୍ୟ ଏକ ଲୁଟ ଘଟଣାର ମାଷ୍ଟରମାଇଣ୍ଡ ବି ଏହି ସୌମ୍ୟରଞ୍ଜନ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଗତମାସ ୨୮ ତାରିଖରେ ସୌମ୍ୟରଞ୍ଜନ ଏକାକୀ ଫିଲ୍ମ ଷ୍ଟାଇଲରେ ବ୍ୟାଙ୍କ ଅଫ ଇଣ୍ଡିଆ ବରିମୁଣ୍ଡ ଶାଖାରୁ ବନ୍ଧୁକ ଫୁଟାଇ ଲୁଟ କରିଥିଲା । ସୌମ୍ୟରଞ୍ଜନ ହେଲମେଟ ପିନ୍ଧି ଗାଡିରେ ଆସି ବ୍ୟାଙ୍କ ଭିତରକୁ ଧସେଇ ପଶିଥିଲା । ତାର ଦୁଇ ହାତରେ ଦୁଇଟି ପିସ୍ତଲ ଥିଲା । ଅତର୍କିତ ଗୁଳିମାଡ କରି ସେ ଏହି ଲୁଟ କରିଥିଲା । କନକନ୍ୟୁଜ ହାତରେ ନନ୍ଦନବିହାର ଇଣ୍ଡିଆନ ଓଭରସିଜ ବ୍ୟାଙ୍କର ଏକ୍ସକ୍ଲୁସିଭ ଚିତ୍ର ହସ୍ତଗତ ହୋଇଛି ।