ସ୍ଥାନାନ୍ତର ହେବନାହିଁ ଭୁବନେଶ୍ୱରର ଅନ୍ୟତମ ଐତିହ୍ୟ । ମାଷ୍ଟରକ୍ୟାଂଟିନ୍ ଛକରୁ ହଟିବନି ଘୋଡ଼ା ।
କନକ ବ୍ୟୁରୋ: ବହୁ ବାଦବିବାଦ ଓ ବିଭିନ୍ନ ସଙ୍ଗଠନର ଦୃଢ ପ୍ରତିବାଦ ପରେ ବଦଳିଲା ନିଷ୍ପତି । ଭୁବନେଶ୍ୱର ମାଷ୍ଟର କ୍ୟାଂଟିନ ଛକରୁ ହଟିବନି ଘୋଡା । ସରକାରୀ ସ୍ତରରେ ଏ ନେଇ ଆଲୋଚନା କରାଯାଇଛି । ସ୍ମାର୍ଟ ସିଟି ପ୍ରକଳ୍ପ କାରଣରୁ ଘୋଡା ହଟାଇବା ଆବଶ୍ୟକ ପଡୁଛି ଜାଣିବା ପରେ ମୁଖ୍ୟମନ୍ତ୍ରୀ ଅସନ୍ତୋଷ ପ୍ରକାଶ କରିିଥିଲେ । ଏହା ପରେ ଏକ ଉଚ୍ଚସ୍ତରୀୟ ବୈଠକରେ ଘୋଡା ନହଟାଇବା ପାଇଁ ନିଷ୍ପତି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସ୍ମାର୍ଟ ଜନପଥର ବିକାଶ ପାଇଁ ମାଷ୍ଟରକ୍ୟାଂଟିନ ଘୋଡା ରାଜଭବନ ସାମ୍ନାକୁ ଉଠାଇନେବାକୁ ଗତମାସରେ ନିଷ୍ପତି ହେବା ପରେ ଏହା ବିରୋଧରେ ଚାରିଆଡୁ ବିରୋଧ ହୋଇଥିଲା । କୁହାଯାଇଥିଲା ମାସକ ଭିତରେ ଏହାକୁ ସ୍ଥାନାନ୍ତର କରାଯିବ । ଏବେ ପ୍ରଶ୍ନ ଉଠୁଛି, ଯଦି ଘୋଡାକୁ ନ ଘୁଂଚାଇ ପ୍ରକଳ୍ପ ସମ୍ଭବ ଥିଲା , ତା ହେଲେ ଏହି ନିଷ୍ପତି ପୂର୍ବରୁ କାହିଁକି ନିଆଗଲାନାହିଁ । କାହିଁକି ବିବାଦକୁ ଆଗକୁ ବଢାଗଲା ।
ନିଷ୍ପତି ବଦଳିବା ପରେ ବର୍ତମାନ ଘୋଡ଼ା ଥିବା ସ୍ଥାନକୁ ଆକର୍ଷଣୀୟ ଡିଜାଇନ୍ କରାଯିବ, ଯେପରି ଏହା ଓଡ଼ିଶାର ଏକ ସ୍ମାରକୀ ଭଳି ପ୍ରତିଫଳିତ ହେବ । ଏହାର ରି-ଆଲାଇନମେଂଟ ହେବ । ଏପରିକି ଡିଜାଇନରେ କୌଣସି ପରିବର୍ତନ ହେବ ନାହିଁ । ଓଡ଼ିଶାର ଅସ୍ମିତା ସହ ଏହି ଘୋଡା ଯୋଡି ହୋଇଯାଇଥିବାରୁ ସ୍ମାର୍ଟ ସିଟିର ଅନ୍ୟତମ ଆକର୍ଷଣୀୟ ପ୍ରକଳ୍ପ ତାଲିକାରେ ରହିବ ଏହି କଳିଙ୍ଗ ଘୋଡା ।
ରାଜ୍ୟ ସରକାରଙ୍କ ସରକାରୀ ସନ୍ତକ ଭାବେ ବ୍ୟବହୃତ ଏହି ଘୋଡା କୋଣାର୍କ ସୂର୍ଯ୍ୟ ମନ୍ଦିରର ଘୋଡା ଢାଂଚାରେ ନିର୍ମାଣ ହୋଇଥିଲା । ଏହି ଘୋଡା ୧୯୮୮ ମସିହାରେ ମାଷ୍ଟରକ୍ୟାଂଟିନରେ ସ୍ଥାପନ କରାଯାଇଥିଲା