ଧାମନଗରରେ ଜମୁଛି ପ୍ରଚାର । ଗାଁ ଗାଁ ବୁଲି ଦଳୀୟ ପ୍ରାର୍ଥୀଙ୍କ ପାଇଁ ଭୋଟ୍ ମାଗୁଛନ୍ତି ନେତା ମନ୍ତ୍ରୀ 

କନକ ବ୍ୟୁରୋ : ଧାମନଗରରେ ଜମୁଛି ପ୍ରଚାର । ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରୁଛନ୍ତି ନେତ. ମନ୍ତ୍ରୀ । ଆଜି ଦ୍ୱିତୀୟ ଦିନରେ ବି ବିଜେପିର ପ୍ରଚାର ମଙ୍ଗ ସମ୍ଭାଳିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଗାଁ ଗାଁ ବୁଲି ଦଳୀୟ ପ୍ରାର୍ଥୀ ସୂରଜଙ୍କ ପାଇଁ ମାଗୁଛନ୍ତି ଭୋଟ୍ । ତିହିଡି ବ୍ଲକର ପାଳିଆ ବଜାର, ଗୁଆମାଳ ଓ ବୋଡକରେ ବୁଲି ପ୍ରଚାର କରୁଛନ୍ତି ଧର୍ମେନ୍ଦ୍ର ।

ସେପଟେ ବିଜେଡି ପ୍ରାର୍ଥୀଙ୍କୁ ବହୁମତ ଦେଇ ଜିତାଇବାକୁ ଲାଗି ପଡ଼ିଛନ୍ତି ଦଳର ହେବିୱେଟ୍ । ବିଜେଡି ମଧ୍ୟ ଧାମନଗରରେ ଜୋରଦାର ପ୍ରଚାର ଆରମ୍ଭ କରିଦେଇଛି । ଧାମନଗର ଗାଦି ହାତେଇବା ପାଇଁ ପ୍ରଚାର ମଙ୍ଗ ଧରିଛନ୍ତି ବଡ ବଡ ହେବିୱେଟ୍ । ଡୋର ଟୁ ଡୋର କ୍ୟାମ୍ପେନ କରି ଭୋଟ ହାତେଇବାକୁ ଜୋରଦାର ପ୍ରୟାସ ଚାଲିଛି । ପ୍ରଚାରରୁ ବାଦ ପଡିନାହାନ୍ତି କଂଗ୍ରେସ ଓ ସ୍ୱାଧୀନ ପ୍ରାର୍ଥୀ ରାଜୁ ଦାସ । କଂଗ୍ରେସ ବି ଦଳୀୟ କର୍ମୀଙ୍କୁ ଧାମନଗରରେ ପ୍ରଚାର କରୁଥିବାବେଳେ ସ୍ୱାଧୀନ ପ୍ରାର୍ଥୀ ଭାବେ ନିର୍ବାଚନ ଲଢୁଥିବା ରାଜୁ ଦାସ ତାଙ୍କ ସମର୍ଥଙ୍କ ସହ ଘରକୁ ଘର ବୁଲି ଭୋଟ ଭିକ୍ଷା କରୁଛନ୍ତି ।