ପୁଲୱାମା ଆକ୍ରମଣ ନୁହଁ ବରଂ ଏହି କାରଣରୁ ୟୁଏନ୍ ମସୁଦ୍ ଅଜହରକୁ ଘୋଷିତ କଲା ଅର୍ନ୍ତରାଷ୍ଟ୍ରୀୟ ଆତଙ୍କବାଦୀ ।
ଏକ ଦଶକର ପ୍ରୟାସ ପରେ ଆତଙ୍କବାଦୀ ସଂଗଠନ ଜୈସ୍-ଏ-ମହମ୍ମଦର ପ୍ରତିଷ୍ଠାତା ମସୁଦ୍ ଆଝାରକୁ ୟୁଏନଏସସି ବିଶ୍ୱ ଆତଙ୍କବାଦୀ ରୁପେ ଘୋଷଣା କରିସାରିଛି । ଖାସ୍ କଥା ହେଉଛି କି ଭାରତ ମସୁଦକୁ ପୁଲୱାମା ଆକ୍ରମଣ ପରେ ବିଶ୍ୱ ଆତଙ୍କୀ ଭାବେ ଘୋଷଣା କରାଯିବା କଥା କହିଥିଲେ ହେଁ ୟୁଏନ୍ ୱେବସାଇଟରେ ଏହାର କୌଣସି ପ୍ରତିକ୍ରିୟା ରଖାଯାଇନାହିଁ । ୧୪ ଫେବୃୟାରୀ ୨୦୧୯ ରେ ହୋଇଥିବା ଏହି ଆକ୍ରମଣରେ ୪୦ ଜଣ ଯବାନ ସହିଦ୍ ହୋଇଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ପୁଲୱାମା ଆକ୍ରମଣ ପରେ ଆମେରିକା,ବ୍ରିଟେନ୍ ,ଫ୍ରାନ୍ସ ପକ୍ଷରୁ ଯେଉଁ ପ୍ରସ୍ତାବ ଦିଆଯାଇଥିଲା ସେଥିରେ ପୁଲୱାମା ଆକ୍ରମଣର ବିଷୟରେ କୁହାଯାଇଥିଲା । କିନ୍ତୁ ଏଥିରେ ଚୀନ୍ କୁ ଆପତ୍ତି ଥିଲା । ଭାରତ,ଚୀନ୍ ଏବଂ ପାକ୍ ମଧ୍ୟରେ ଏନେଇ ବଚଡା ହୋଇଥିଲା । ପରେ ପୁଲୱାମା ସଂନ୍ଦର୍ଭ ହଟାଇବା ପରେ ଚୀନ୍ ନିଜ ଭିଟୋ ପାୱାରକୁ ହଟାଇଥିଲା । ତେବେ ମସୁଦ୍ ଉପରେ ଚୀନ୍ ୪ ଥର ଭିଟୋ ପାୱାର ଲଗାଇଛି । ଭାରତୀୟ ସୂତ୍ରରୁ ଜାଣିବାକୁ ମିଳିଛି ଯେ ସମୁଦ୍ ଉପରେ ବିଶ୍ୱ ଆତଙ୍କୀ ଘୋଷଣା କରିବାରେ ଭାରତ ୧୦ ବର୍ଷ ହେଲା ପ୍ରୟାସ କରିଆସୁଥିଲା । ସଂଯୁକ୍ତ ରାଷ୍ଟ୍ରରେ ଭାରତର ରାଜଦୁତ ସେୟଦ୍ ଅକବରୁଦ୍ଦୀନ୍ ଗଣମାଧ୍ୟମକୁ କହିଥିଲେ ଏହା କୁଟନୀତିକ ଏବଂ ସମସ୍ତଙ୍କ ମିଳିତ ପ୍ର୍ରଚେଷ୍ଟାରେ ମସୁଦ୍ କୁ ଅର୍ନ୍ତରାଷ୍ଟ୍ରୀୟ ଆତଙ୍କବାଦୀର ମାନ୍ୟତା ଦିଆଯାଇଛି ।