ମାସ୍କ ଓ ହେଲମେଟ ଚେକିଂବେଳେ ପୋଲିସ ମାଡରେ ଯୁବକ ଗୁରୁତର : ବାରିପଦା ପୋଲିସର ଜଣେ କନେଷ୍ଟବଳ ଠେଙ୍ଗାରେ ଆକ୍ରମଣ କରିଥିବା ଅଭିଯୋଗ
ଥାନା ଅଧିକାରୀ କହିଲେ, ନିଆଯିବ କାର୍ଯ୍ୟାନୁଷ୍ଠାନ, ଯୋଗାଇ ଦିଆଯିବ ଚିକିତ୍ସା ସେବା
କନକ ବ୍ୟୁରୋ : ମାସ୍କ ଓ ହେଲମେଟ ଚେକିଂ ସମୟରେ ଯୁବକଙ୍କୁ ପୋଲିସର ଆକ୍ରମଣ ଅଭିଯୋଗ । ଏପରିକି ପୋଲିସ ମାଡରେ ଯୁବକଙ୍କର ଆଖି ନଷ୍ଟ ହେବାକୁ ବସିଥିବା ଅଭିଯୋଗ ହୋଇଛି । ଅଭିଯୋଗ ଅନୁଯାୟୀ ଗତକାଲି ବାରିପଦା ସହର ପାଲବଣି ଗୋଲେଇ ନିକଟରେ ୧୦ଟା ସମୟରେ ମାସ୍କ ଏବଂ ହେଲମେଟ ଚେକିଂ କରୁଥିଲା ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ଏହି ସମୟରେ ବାରିପଦା ସହରର ୱାର୍ଡ ନଂ ୨୫ ଅଂଚଳରେ ରହୁଥିବା ଜଣେ ଦିନ ମଜୁରିଆଙ୍କ ପୁଅ ସିପୁ ଦାସ ଔଷଧ ଆଣିବାକୁ ପାଖ ଦୋକାନକୁ ଯାଉଥିବାବେଳେ ପୋଲିସ ହାବୁଡରେ ପଡିଥିଲେ । ପୋଲିସ ତାଙ୍କୁ ଅଟକ ରଖିଥିଲା । ତାପରେ ଜଣେ କନେଷ୍ଟବଳ ଆସି ତାଙ୍କ ମୁଣ୍ଡକୁ ଏକ ଠେଙ୍ଗାରେ ଆକ୍ରମଣ କରିଥିଲେ । ଆଉ ଠେଙ୍ଗାଟି ତାଙ୍କ ଆଖିରେ ଖୁବଜୋରରେ ବାଜିଥିଲା ।
ଘଟଣାସ୍ଥଳରେ ତାଙ୍କ ଆଖିରୁ ରକ୍ତ ମଧ୍ୟ ବାହାରିଥିବା ଆକ୍ରମଣର ଶିକାର ଯୁବକ କହିଛନ୍ତି । ଏନେଇ ଥାନା ଅଧିକାରୀ କହିଛନ୍ତି, ଡ୍ୟୁଟି ସମୟରେ ଏଭଳି କାଣ୍ଡ ଘଟାଇଥିବା କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଏସପିଙ୍କ ସହ ଆଲୋଚନା କରିଛନ୍ତି । ଏବଂ ଆହତ ଯୁବକଙ୍କୁ ସମସ୍ତ ପ୍ରକାର ଚିକିତ୍ସା ସୁବିଧା ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି ।