ରାଜ୍ୟଗୋଷ୍ଠି କ୍ରୀଡାରେ ପଦକ ପକା କଲେ ମେରିକମ୍ : ୪୫ରୁ ୪୮ କିଲୋଗ୍ରାମ ମହିଳା ବର୍ଗ ବକ୍ସିଂ ଫାଇନାଲରେ ୫ଥରର ବିଶ୍ୱ ଚାମ୍ପିୟନ
କନକ ବ୍ୟୁରୋ : ଅଷ୍ଟ୍ରେଲିଆରେ ଚାଲିଥିବା ରାଜ୍ୟଗୋଷ୍ଠୀ କ୍ରୀଡା ବକ୍ସିଂରେ ଆଉ ଏକ ପଦକ ପକ୍କା କରିଛନ୍ତି ବକ୍ସର ମେରୀ କମ୍ । ପାଂଚ ଥରର ବିଶ୍ୱ ଚାମ୍ପିୟନ ମେରୀ କମ୍ ୪୫ରୁ ୪୮ କିଲୋଗ୍ରାମ ବର୍ଗର ଫାଇନାଲରେ ପ୍ରବେଶ କରିଛନ୍ତି । ସେମିରେ ସେ ଶ୍ରୀଲଙ୍କାର ଅନୁଷା ଦିଲରଖୀଙ୍କୁ ୫-୦ରେ ହରାଇଛନ୍ତି । ଏହି ମୁକାବିଲାରେ ମେରୀ ଜବରଦସ୍ତ ପ୍ରଦର୍ଶନ କରିଥିଲେ । ମୁକାବିଲା ଏକ ତରଫା ହୋଇଥିଲା । ଲଣ୍ଡନ ଅଲମ୍ପିକ୍ସରେ ବ୍ରୋଞ୍ଜ ଜିତିଥିବା ମେରୀ ରାଜ୍ୟଗୋଷ୍ଠୀ କ୍ରୀଡାରେ କୌଣସି ବି ପଦକ ଜିତିନାହାନ୍ତି । ଫାଇନାଲକୁ ଯିବା ସହିତ ମେରୀ ଭାରତ ପାଇଁ ଆଉ ପଦକ ପକ୍କା କରିଛନ୍ତି । ୩୫ ବର୍ଷିୟା ମେରୀ କମଙ୍କ ଏହା ହେଉଛି ଶେଷ ରାଜ୍ୟଗୋଷ୍ଠୀ କ୍ରୀଡା । ୧୪ ତାରିଖରେ ମେରୀ କମ୍ ଫାଇନାଲ ଖେଳିବେ । ନର୍ଥ ଆୟରଲ୍ୟାଣ୍ଡର ୨୨ ବର୍ଷିୟ କ୍ରିଷ୍ଣନା ଓହାରାଙ୍କ ସହ ମେରୀ କମଙ୍କ ମୁକାବିଲା ହେବ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ରାଜ୍ୟଗୋଷ୍ଠୀ କ୍ରୀଡାର ୫୦ ମିଟର ଏୟାର ପିସ୍ତଲ ବର୍ଗରେ ଓମ ମିଥରୱାଲ ଭାରତକୁ ବ୍ରୋଞ୍ଜ ପଦକ ଦେଇଛନ୍ତି । ଏହାପୂର୍ବରୁ ୧୦ ମିଟର ଏୟାର ପିସ୍ତଲ ବର୍ଗରେ ମଧ୍ୟ ସେ ବ୍ରୋଞ୍ଜ ପଦକ ଜିତିଥିଲେ । ଏହା ସହ ଭାରତର ପଦକ ସଂଖ୍ୟା ୨୨ରେ ପଂହଚିଛି । ପଦକ ତାଲିକାରେ ଅଷ୍ଟ୍ରେଲିଆ ପ୍ରଥମ ସ୍ଥାନରେ ଥିବାବେଳେ ୧୧ ସ୍ୱର୍ଣ୍ଣ ସହ ୨୨ ପଦକ ଜିତି ଭାରତ ତୃତୀୟ ସ୍ଥାନରେ ଅଛି ।