ରାତି ପାହିଲେ ଦେଶ ପାଳିବ ଗଣତନ୍ତ୍ର ଦିବସ । ଛାତିରେ ଗୁଳି ଖାଇଥିବା ସହିଦଙ୍କ ପରିବାର ଆଜି ବି ଅବହେଳିତ । ବଳିଦାନ ଦେଇଥିବା ବୀର ପୁଅଙ୍କୁ ଝୁରୁଛି ପରିବାର ।
କନକ ବ୍ୟୁରୋ: ରାତିପାହିଲେ ଦେଶ ପାଳିବ ୭୧ ତମ ସାଧାରଣତନ୍ତ୍ର ଦିବସ । ଅନେକ ସ୍ୱାଧିନତା ସଂଗ୍ରାମୀ ଓ ଯବାନଙ୍କ ବଳିଦାନ ପାଇଁ ଦିବସ ପାଳନ କରୁଛୁ ଦିବସ । ହେଲେ ଏଥିରେ ବଳିଦାନ ଦେଇ ରଷ୍ଟ୍ରପତିଙ୍କଠାରୁ ସମ୍ମାନ ଜନକ ମରୋଣତର ସୌର୍ଯ୍ୟ ଚକ୍ର ପୁରସ୍କାର ପାଇଥିବା ଯବାନଙ୍କ ପରିବାର ଏବେ ଅବହେଳିତ ।
Kanak News is now on WhatsApp
Join and get latest news updates delivered to you via WhatsApp
୧୯୯୦, ଅକ୍ଟୋବର ୨୩
ଆତଙ୍କୀଙ୍କ ଗୁଳିର ଶିକାର ହୋଇଥିଲେ ସମ୍ବଲପୁରର ଦୁର୍ଗାଚରଣ
ଦେଶ ମାତୃକା ପାଇଁ ଲଢେଇ କରି ବଳିଦାନ ଦେଇଥିଲେ ଦୁର୍ଗାଚରଣ ଓରାମ୍ । ୧୪-ବିହାର ରେଜିମେଂଟରେ କାର୍ଯ୍ୟରତ ଥିଲେ ଦୁର୍ଗାଚରଣ ଓରାମ୍ । ଆତଙ୍କବାଦୀଙ୍କ ବିରୋଧରେ ତାଙ୍କର ବୀରତ୍ୱ ପାଇଁ ତାଙ୍କୁ ମରୋଣତ୍ତର ସୌର୍ଯ ଚକ୍ର ସମ୍ମାନରେ ସମ୍ମାନିତ କରିଥିଲେ ରାଷ୍ଟ୍ରପତି । ସାଧାରଣତନ୍ତ୍ର ଦିବସ ପାଇଁ ଚାରିଆଡେ ପ୍ରସ୍ତୁତି ଚାଲିଥିବା ବେଳେ ସ୍ୱାମୀଙ୍କୁ ମନେପକାଇ ଲୁହ ଝରାଉଛନ୍ତି ସହିଦଙ୍କ ପତ୍ନୀ । ଏକମାତ୍ର ଝିଅ ୫ ବର୍ଷର ହୋଇଥିବା ବେଳେ ବାପା ସହିଦ ହୋଇଯାଇଥିଲେ । ତେଣୁ ବାପାଙ୍କ ଅସଲ ଚେହେରା ମନେ ନଥିଲେ ବି ବାପାଙ୍କ ବର୍ଦି ପିନ୍ଧା ଫଟୋକୁ ଦେଖି ବାପାଙ୍କ ପାଇଁ ସେ ଗର୍ବ କରନ୍ତି ।
ଜୁନ ୧୭, ୨୦୧୯
ପୁଲୱାମା ଆତଙ୍କୀ ଆକ୍ରମଣରେ ସହିଦ ଅଜିତ ସାହୁ
ପୁଅକୁ ହରାଇବା ଦୁଃଖ ତ କେହି କେବେ ଭୁଲି ପାରେ ନାହିଁ । ସହିଦ ଅଜିତଙ୍କୁ ମନେ ପକାଇ ଲୁହ ଗଡାଉଛନ୍ତି ପରିବାର । ଢେଙ୍କାନାଳ କାମାକ୍ଷାନଗର ବ୍ଲକ ବଡସୋଆଳ ଗାଁର ସନ୍ତୋଷ କୁମାର ସାହୁଙ୍କ ସାନ ପୁଅ ଅଜିତ୍ । ପୁଅ ସେନାରେ ଯୋଗ ଦେବା ପରେ ପରିବାରରେ ଅନେକ ଆଶା ଭରସା ଥିଲା । ହେଲେ ଜୁନ୍ ୧୭ ତାରିଖରେ ଘରକୁ ଆସିଥିବା ଖବର ସବୁ କିଛି ଓଲଟପାଲଟ କରିଦେଲା । ପୁଅକୁ ହରାଇ ମାଆ ଆଖିରୁ ଲୁହ ସୁଖୁନଥିବା ବେଳେ ଅଜିତ୍ ସହିଦ ହେବା ପରେ ଘରକୁ ଅନ୍ଧାର ମାଡି ଆସିଛି ବୋଲି କୁହନ୍ତି ବାପା । ସହିଦଙ୍କ ବଳିଦାନକୁ ମନେ ପକାଇ ଦେଶ ପାଳୁଛି ସାଧାରଣତନ୍ତ୍ର ଓ ସ୍ୱାଧିନତା ଦିବସ । ହେଲେ ଏବେ ବି ବହୁ ସହିଦଙ୍କ ପରିବାରର ସମସ୍ୟା ଭିତରେ ଗତି କରୁଥିବା କ୍ଷୋଭର ସହ କୁହନ୍ତି ।