ଜମୁଛି ଶୀତଳଷଷ୍ଠୀ । ଆଜି ବିଭିନ୍ନ ପଡାରେ ଶିବ-ପାର୍ବତୀଙ୍କ ବିବାହ । ରାତି ୧୧ଟା ପରେ ଆରମ୍ଭ ହେବ ବିବାହ ଉତ୍ସବ । ବଡ଼ି ଭୋରରେ ପଡିବ ହାତଗଣ୍ଠି, ଆସନ୍ତାକାଲି ଯୁଗଳ ମୂର୍ତ୍ତି ଦର୍ଶନ ।
କନକ ବ୍ୟୁରୋ: କରୋନା କଟକଣା ଭିତରେ ପାଳନ ହେଉଛି ଶୀତଳଷଷ୍ଠୀ । ଆଜି ବିଭିନ୍ନ ପଡାରେ ଶିବ-ପାର୍ବତୀଙ୍କ ବିବାହ ଅନୁଷ୍ଠିତ ହେଉଛି । ରାତି ୧୧ଟା ପରେ ଆରମ୍ଭ ହେବ ବାହାଘର ଏବଂ ବ୍ରହ୍ମ ମୁହୁର୍ତରେ ପଡିବ ହାତଗଣ୍ଠି । ନନ୍ଦପଡା ବାବା ବାଲୁଙ୍କେଶ୍ୱରଙ୍କର ମନ୍ଦିର ପରିସରରେ ଥିବା କଲ୍ୟାଣମଣ୍ଡପରେ ଏହି ବାହାଘର ଅନୁଷ୍ଠିତ ହେବ ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଝାଡୁଆପଡା ଲୋକନାଥ ବାବାଙ୍କର କଲ୍ୟାଣ ମଣ୍ଡପ, ମୋଦିପଡା ଯେଗେଶ୍ୱର ବାବାଙ୍କର ମନ୍ଦିର ପରିସରରେ ରାତି ୧୧ଟା ପରେ ବିବାହ କାର୍ଯ୍ୟ ଆରମ୍ଭ ହେବାକୁ ଥିବା ବେଳେ ବ୍ରହ୍ମ ମୁହୁର୍ତରେ ପଡିବ ହାତଗଣ୍ଠି । କରୋନା କଟକଣା ଯୋଗୁଁ କମ ଲୋକଙ୍କୁ ନେଇ ବିବାହ କାଯ୍ୟ ଅନୁଷ୍ଠିତ ହେବାରୁ ଥିବା ବେଳେ ପ୍ରଥମ ଥର ପାଇଁ ବଡବଜାର ସିତଳେସ୍ୱର ବାବାଙ୍କର ବାହାଘର ରାତି ୯ଟାରୁ ଆରମ୍ଭ ହେବ ।
ତେବେ ଆସନ୍ତାକାଲି ବେଦିରେ ଯୁଗଳ ମୂର୍ତି ଦର୍ଶନ ଦେବେ ମାତା ପାର୍ବତୀ ଓ ଶିବ । ବଡ କଥା ହେଲା କରୋନା କଟକଣା ଯୋଗୁଁ ବିନା ବାଣ ବାଜା ଏବଂ ବର ଯାତ୍ରୀ ରେ ହେବ ବାହାଘର । ବାହାଘରରେ ଅଳ୍ପ କିଛି ଲୋକଙ୍କୁ ସାମିଲ କରିବାକୁ ନିଷ୍ପତି ହୋଇଛି ।