ମାଓବାଦୀଙ୍କ କବଜାରେ ଏବେ ବି ଅଛନ୍ତି ଯବାନ : ଯବାନଙ୍କୁ ମୁକ୍ତ କରିବା ପାଇଁ ମଧ୍ୟସ୍ଥି ନିୟୋଜନ କରିବାକୁ ସରକାରଙ୍କୁ ଜଣାଇଲା ମାଓବାଦୀ ସଂଗଠନ
ଛତିଶଗଡ ଡିଜି କହିଲେ, କବଜାରେ ଥିବା ଯବାନଙ୍କୁ ଖୋଜିବା ଲାଗି ଚାଲିଛି ଅପରେସନ
କନକ ବ୍ୟୁରୋ : ଛତିଶଗଡ ବିଜାପୁରରେ ମାଓବାଦୀଙ୍କ ନରସଂହାର ଘଟଣାର ୪ଦିନ ପରେ ମଙ୍ଗଳବାର ମାଓବାଦୀମାନେ ସ୍ପଷ୍ଟ କରିଛନ୍ତି ଯେ ଜଣେ ମହିଳା ମାଓବାଦୀଙ୍କ ସମେତ ୫ଜଣ ମାଓବାଦୀଙ୍କ ମୃତ୍ୟୁ ହୋଇଛି । ତେବେ କବଜାରେ ରହିଥିବା ଯବାନଙ୍କୁ ମୁକ୍ତ କରିବା ପାଇଁ ସରକାର ମଧ୍ୟସ୍ଥି ନିୟୋଜନ କରନ୍ତୁ ବୋଲି ମାଓବାଦୀମାନେ ଜଣାଇଛନ୍ତି । ତାଙ୍କୁ ଉଦ୍ଧାର କରିବା ପାଇଁ ଏବେ ଚାଲିଛି ସର୍ଚ୍ଚ ଅପରେସନ । ଲାଲବାହିନୀ ତାଙ୍କୁ ଅପହରଣ କରିନେଇଥିବା ଗଣମାଧ୍ୟମରୁ ଜାଣିଥିବା କହିଛନ୍ତି ବସ୍ତର ଆଇଜି ପି. ସୁନ୍ଦରରାଜ ।
Kanak News is now on WhatsApp
Join and get latest news updates delivered to you via WhatsApp
କାରଣ ବିଜାପୁର ଜୋନାଗୁଡା ଜଙ୍ଗଲରେ ନକ୍ସଲଙ୍କ ନରସଂହାର ପରେ ସିଆର୍ପିଏଫ୍ ଯବାନ ରାକେଶୋର ସିଂ ମନହସଙ୍କ ପତା ମିଳୁନାହିଁ । ଛତିଶଗଡର ବିଜାପୁରରେ ମାଓବାଦୀମାନେ ରକ୍ତର ହୋଲି ଖେଳିବା ପରେ, ସାରା ଦେଶ ଦୋହଲି ଯାଇଛି । ଆଉ ଏକ ବଡ ସମସ୍ୟା ହେଉଛି, ଜଣେ ଯବାନ ସେମାନଙ୍କ କବଜାରେ ଅଛନ୍ତି ।