ମାଓବାଦୀକୁ ଘାରିଛି କରୋନା ଭୟ! ଛତିଶଗଡ ବିଜାପୁରରେ ମାଓନେତ୍ରୀଙ୍କୁ ଦଳରୁ ବିଦା କଲା ସଙ୍ଗଠନ: ଜଙ୍ଗଲରୁ ଗିରଫ କଲେ ଯବାନ
କନକ ବ୍ୟୁରୋ: ମାଓବାଦୀଙ୍କୁ ଘାରିଛି କୋରୋନା ଭୟ । କରୋନା ସନ୍ଦେହ ଯୋଗୁ ଛତିଶଗଡ ବିଜାପୁର ଜିଲ୍ଲାରେ ଜଣେ ମାଓ ନେତ୍ରୀ ଙ୍କୁ ଦଳରୁ ବିଦା କରିଛି ମାଓ ସଙ୍ଗଠନ । ମାଓ ନେତ୍ରୀ ସୁମିତ୍ରା ଚେପା ୨୦୧୦ ମସିହାରେ ମାଓ ସଙ୍ଗଠନରେ ଯୋଗ ଦେଇ ଛତିଶଗଡ ଦଣ୍ଢକାରଣ୍ୟ ମାଓ ସଙ୍ଗଠନରେ କାମ କରୁ ଥିଲେ । ତେବେ ଗତ କିଛି ଦିନ ଧରି ସୁମିତ୍ରା ଥଣ୍ଡା, କାଶ ଓ ଜ୍ୱର ରେ ପୀଡିତ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ଆଉ ମାଓ ନେତ୍ରୀ ସମୁତ୍ରାଙ୍କୁ କୋରୋନା ହୋଇ ଥିବା ସନ୍ଦେହ କରି ମାଓ ସଙ୍ଗଠନ ପକ୍ଷରୁ ତାଙ୍କୁ ଘରକୁ ପଠେଇ ଦିଆଯାଇଛି । ଘରକୁ ଫେରିବା ଲାଗି ମାଓ ନେତ୍ରୀ ସମିତ୍ରା ଚାପା ବିଜାପୁର ମୋଦକପାଲ ଜଙ୍ଗଲ ନିକଟରେ ଅପେକ୍ଷା କରୁ ଥିବା ସମୟରେ ଡିଆରଜି ତାଙ୍କୁ କାବୁ କରିଛନ୍ତିି । ସୁମିତ୍ରାଙ୍କ କୋରୋନା ନମୁନା ସଂଗ୍ରହ କରାଯାଇଥିବା ବେଳେ ତାଙ୍କୁ ସଙ୍ଗରୋଧରେ ରଖାଯାଇଛି । କ୍ୱାରେଂଟିନ ସରିବା ପରେ ସୁମିତ୍ରାଙ୍କୁ ପଚରା ଉଚରା କରାଯାଇ ପରବର୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।