କଳାହାଣ୍ଡି ଗୁଣ୍ଡୁରି ସଂରକ୍ଷିତ ଜଙ୍ଗଲରେ ମାଓ ଶିବିର ଠାବ । ସୁରକ୍ଷା ବାହିନୀଙ୍କ ଚଢାଉ ପରେ ଛତ୍ରଭଙ୍ଗ ଦେଲେ ମାଓବାଦୀ । କ୍ୟାମ୍ପରୁ ବିପୁଳ ବିସ୍ଫୋରକ ଜବତ ।
କନକ ବ୍ୟୁରୋ: କଳାହାଣ୍ଡି ଜିଲ୍ଲା ଗୁଣ୍ଡୁରି ସଂରକ୍ଷିତ ଜଙ୍ଗଲରୁ ବିପୁଳ ପରିମାଣର ମାଓ ସାମଗ୍ରୀ ଜବତ । ଗତ ୧୪ ତାରିଖରେ ସଦର ଥାନା ଅନ୍ତର୍ଗତ ମନସ୍କା ଗାଁ ନିକଟରେ ଥିବା ଗୁଣ୍ଡୁରି ସଂରକ୍ଷିତ ଜଙ୍ଗଲ ଓ ଯୁଗସାଇପାଟଣାରେ ମାଓବାଦୀଙ୍କ ଗତିବିଧି ସୂଚନା ମିଳିଥିଲା । ଏହାପରେ ଏସପି, ସିଆରପିଏଫ କମାଣ୍ଡାଣ୍ଟ ପଙ୍କଜ ଚୌଧୁରୀଙ୍କ ନେତୃତ୍ୱରେ ଜଙ୍ଗଲରେ ଥିବା ମାଓବାଦୀଙ୍କ ଶିବିର ଉପରେ ଚଢାଉ କରାଯାଇଥିଲା । ପୋଲିସର ଚଢାଉ ପରେ ମାଓବାଦୀମନେ ଛତ୍ରଭଙ୍ଗ ଦେଇ ଫେରାର ହୋଇଯାଇଥିଲେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ମାଓ ଶିବିରରୁ ୫୮ ରାଉଣ୍ଡ ଗୁଳି, ମାଓବାଦୀଙ୍କ ପୋଷାକ, ୧୦ଟି ଡିଟୋନେଟର, ହେଣ୍ଡଗ୍ରେନେଡ, ୫୦୦ ଗ୍ରାମ ଗନ ପାଉଡର, ଜେଲେଟିନ ଷ୍ଟିକ, ଇଲେକ୍ଟ୍ରି ତାର, କୁରାଢି ଭଳି ବହୁ ମାଓସାମଗ୍ରୀ ଜବତ ହୋଇଛି । ଏହା ସହିତ ଏକ ମାଓ ପୋଷ୍ଟର ମଧ୍ୟ ମିଳିଛି ଯେଉଁଥିରେ ଟାପରଙ୍ଗ ଜଙ୍ଗଲରେ ପୋଲିସ ଗୁଳି ମୃତ୍ୟୁ ବରଣ କରିଥିବା ତିନି ମାଓବାଦୀଙ୍କ ମୃତ୍ୟୁର ପ୍ରତିଶୋଧ ନେବାକୁ ଆହ୍ୱାନ ଦିଆଯାଇଛି । ଗାଁଗୁଡିକରେ ଥିବା ପୋଲିସ ଇନଫର୍ମରଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଷ୍ଟରରେ ଉଲ୍ଲେଖ ରହିଛି ।