ଗଣତନ୍ତ୍ର ଦିବସରେ ମାଓ ପୋଷ୍ଟର, ନିୟମଗିରି ପାହାଡ ନିକଟରେ ଲାଗିଲା ପୋଷ୍ଟର।

କନକ ବ୍ୟୁରୋ: ସାରା ଦେଶ ପାଳୁଛି ୭୪ ତମ ସାଧାରଣତନ୍ତ୍ର ଦିବସ । ସବୁଠି ଫର ଫର ହୋଇଉଡୁଛି ଲାଲତ୍ରିରଙ୍ଗା । ହେଲେ ସାଧାରଣତନ୍ତ୍ର ଦିବସରେ ଗଣତନ୍ତ୍ରକୁ ବିରୋଧ କରିଛନ୍ତି ଲାଲବାହିନୀ । ମାଓ ପୋଷ୍ଟର ଲଗାଇ ନିଜର ସ୍ଥିତି ଜାହିର କରିଛି । ରାୟଗଡା କଲ୍ୟାଣସିଂହପୁର ବ୍ଲକ ନିୟମଗିରି ପାହାଡ ନିକଟ ମାଓ ପ୍ରବଣ ଅଞ୍ଚଳ । ଏହା ନିକଟରେ ପାର୍ସୋଲି ପଞ୍ଚାୟତର ବିଭିନ୍ନ ସ୍ଥାନରେ ମାଓ ପୋଷ୍ଟର ଲଗାଯାଇଛି । ଗଣତନ୍ତ୍ରକୁ ବିରୋଧ କରିବା ସହିତ ଭାରତ ଆଇନକୁ ବ୍ରିଟିଶ ଆଇନ୍ ଓ କଳା ଆଇନ୍ ବୋଲି ଉଲ୍ଲେଖ କରାଯାଇଛି । ଏହା ମାଧ୍ୟମରେ ଲୋକଙ୍କୁ ଦମନ କରାଯାଉଥିବା ଦର୍ଶାଇଛନ୍ତି ମାଓବାଦୀ ।

ଫମ୍ପା ଗଣତନ୍ତ୍ର କେବଳ କବେଳ ଧନୀକଙ୍କ ପାଇଁ ହୋଇଥିବା ବେଳେ ଗରିବଙ୍କ ପାଇଁ କିଛି ନାହିଁ । ତେଣୁ ଜାନୁଆରୀ ୨୬କୁ କଳାଦିବସ ଭାବେ ପାଳନ କରିବାକୁ ଆହ୍ୱାନ ଦେଇଛନ୍ତି ମାଓବାଦୀ । ଫାସୀବାଦି ଶାସନକୁ ବିରୋଧ କରନ୍ତୁ, ନିରୀହ ଡଙ୍ଗରିଆ ମାନେ ସଚେତନ ହୋଇ ନିଜର ଜଳ, ଜଙ୍ଗଲକୁ ରକ୍ଷା କରିବାକୁ ପୋଷ୍ଟରରେ ଉଲ୍ଲେଖ ରହିଛି ।