ପାକିସ୍ତାନ ଓ ବାଂଲାଦେଶରେ ରାମଙ୍କ ନାମରେ କେତେ ସହର, ଗ୍ରାମ , ରାସ୍ତା ଅଛି ?

ନିକଟ ଅତୀତରେ ଅଯୋଧ୍ୟାରେ ଥିବା ମହାନ ରାମ ମନ୍ଦିରରେ ଭଗବାନ ରାମଙ୍କ ମୂର୍ତ୍ତି ସ୍ଥାପିତ  କରାଯାଇଥିଲା । ଏହାପରେ ପରେ ରାମଙ୍କ ନାମ ପୁଣି ଚର୍ଚ୍ଚାକୁ ଆସିବାକୁ ଲାଗିଛି । ଆମ ଦେଶରେ ତ ରାମଙ୍କ ନାମରେ ଅନେକ ସ୍ଥାନ ଅଛି ଆଜି ଆସନ୍ତୁ ଜାଣିବା ଆମ ପଡୋଶୀ ପାକିସ୍ତାନ ଓ ବାଂଲାଦେଶରେ ପ୍ରଭୁ ରାମଙ୍କ ନାମରେ କେତେ ସହର, ଗ୍ରାମ ଓ ରାସ୍ତା ନାମିତ ଅଛି ।

ପାକିସ୍ତାନର ସେହି ସ୍ଥାନର ନାମ ବଦଳା ଯାଇଛି ଯେଉଁଠାରେ ପ୍ରସିଦ୍ଧ ରାମନଗର ଯୁଦ୍ଧ ହୋଇଥିଲା ।

କରାଚିର ଏକ ପ୍ରସିଦ୍ଧ ରାସ୍ତାର ନାମ ‘ରାମଚନ୍ଦ୍ର ଟେମ୍ପଲ ରୋଡ’ ପ୍ରଭୁ ରାମଙ୍କ ନାମରେ ନାମିତ ହେଇଛି ।

ବାଂଲାଦେଶର ଅନେକ ସ୍ଥାନ ରାମଙ୍କ ନାମରେ ନାମିତ ହୋଇଛି ଏବଂ ଅନେକ ସ୍ଥାନ ହିନ୍ଦୁ ଦେବତା ଏବଂ ଦେବୀଙ୍କ ନାମରେ ନାମିତ ହୋଇଛି ।

ଏକଦା ଭାରତୀୟ ଉପମହାଦେଶର ଅନେକ ସ୍ଥାନ ହିନ୍ଦୁ ଦେବୀ ଦେବତା ଏବଂ ରାମଙ୍କ ନାମରେ ନାମିତ ହୋଇଥିଲା, କିନ୍ତୁ ସ୍ୱାଧୀନତା ପରଠାରୁ ପାକିସ୍ତାନ ଏବଂ ବାଂଲାଦେଶରେ ଅନେକ ଗୁଡିଏ ସ୍ଥାନର ନାମ ପରିବର୍ତ୍ତନ କରାଯାଇଛି । ଆପଣ ଆଶ୍ଚର୍ଯ୍ୟ ହୋଇପାରନ୍ତି ଯେ ପାକିସ୍ତାନ ଏବଂ ବାଂଲାଦେଶର ଏବେ ମଧ୍ୟ ଅନେକ ସ୍ଥାନ ରାମଙ୍କ ନାମରେ ନାମିତ ହୋଇ ରହିଛି । ଯଦିଓ ପାକିସ୍ତାନରେ ଅନେକ ଗୁଡିଏ ଜାଗାରେ ନାମ ପରିବର୍ତ୍ତନ କରାଯାଇଛି ।

ପାକିସ୍ତାନର ଚେନାବ ନଦୀ କୂଳରେ ‘ରସୁଲ ନଗର’ ନାମରେ ଏକ ଛୋଟ ସହର ଅବସ୍ଥିତ । ଏହା ପଞ୍ଜାବର ୱାଜିରାବାଦ ଜିଲ୍ଲାରେ ଅଛି । ବିଭାଜନ ଏବଂ ସ୍ୱାଧୀନତା ପରେ ମଧ୍ୟ ଏହି ସହରର ନାମ ଦୀର୍ଘ ଦିନ ଧରି ‘ରାମନଗର’ ଥିଲା । ଏହା କୃଷକମାନଙ୍କର ଏକ ଛୋଟ ସୁନ୍ଦର ସହର ଥିଲା । ଯେତେବେଳେ ବିଭାଜନ ଆରମ୍ଭ ହେଲା, ଏଠାରୁ ଅଧିକାଂଶ ଶିଖ ଏବଂ ହିନ୍ଦୁ ଭାରତକୁ ପଳାୟନ କଲେ । ୫୦ ଦଶକରେ ଏହି ସ୍ଥାନର ନାମ ପରିବର୍ତ୍ତନ କରାଯାଇଥିଲା ।

ପ୍ରସିଦ୍ଧ ‘ରାମନଗର’ ଯୁଦ୍ଧ ଏଠାରେ ହୋଇଥିଲା

ବର୍ତ୍ତମାନ ଏହାର ନାମ ହେଉଛି ‘ରସୁଲ ନଗର’ ।  ଏହି ସ୍ଥାନଟି ମଧ୍ୟ ସ୍ବତନ୍ତ୍ର କାରଣ ଏଠାରେ ୧୮ ନଭେମ୍ବର ୧୮୪୮ ରେ ବ୍ରିଟିଶ ଏବଂ ଶିଖମାନଙ୍କ ମଧ୍ୟରେ ଏକ ବଡ଼ ଯୁଦ୍ଧ ହୋଇଥିଲା ଯାହାକୁ ରାମନଗର ଯୁଦ୍ଧ କୁହାଯାଏ । ଏକଦା ଏହା ପଞ୍ଜାବର ପୂର୍ବତନ ଶାସକ ରଞ୍ଜିତ ସିଂଙ୍କ ଶାସନ କାଳରେ ଖାସ୍ ବଜାରର କେନ୍ଦ୍ର ଥିଲା । ସେ ପଞ୍ଜାବର ସିଂହ ଭାବରେ ମଧ୍ୟ ଜଣାଶୁଣା ଥିଲେ । ସେ ପଞ୍ଜାବର ଶାସକ ଥିବା ସମୟରେ ଚେନାବ ନଦୀ କୂଳରେ ବେଳେବେଳେ ସମୟ ଅତିବାହିତ କରିଥିଲେ । ଆଜିର ରସୁଲ ନଗର ସେହି ସମୟରେ ଅନେକ ଜିନିଷର ମୁଖ୍ୟ ବଜାର ଥିଲା ।

ନଭେମ୍ବର ୧୮୪୮ ରେ ଯେତେବେଳେ ଶିଖ୍ ଏବଂ ବ୍ରିଟିଶମାନଙ୍କ ମଧ୍ୟରେ ରାମନଗର ଯୁଦ୍ଧ ହୋଇଥିଲା, ସେତେବେଳେ ଶିଖମାନେ ବ୍ରିଟିଶମାନଙ୍କ ଦ୍ୱାରା ଆଶ୍ଚର୍ଯ୍ୟଜନକ ଆକ୍ରମଣର ପ୍ରୟାସକୁ ବିଫଳ  କରି ଦେଇଥିଲେ  କିନ୍ତୁ ଏହା ପରର ଯୁଦ୍ଧରେ ଶିଖମାନେ ହାରିଗଲେ । ଏହା ପରେ ଆଉ ଏକ ଯୁଦ୍ଧ ମଧ୍ୟ ହେଇଥିଲା। ଯେଉଁଥିରେ ଶିଖମାନେ ବିଜୟ ଲାଭ କରିଥିଲେ । ଏହା ସେ ସମୟରେ ଏକ ଖୁବ ବଡ କଥା ଥିଲା । ଶିଖମାନେ ବହୁତ ସାହସର ସହିତ ଲଢେଇ କରିଥିଲେ । ଯେଉଁ ସ୍ଥାନରେ ରାମନଗରର ଏହି ଯୁଦ୍ଧ ହୋଇଥିଲା, ତାହା ବର୍ତ୍ତମାନ ରସୁଲପୁର ।  ସ୍ଥାନୀୟ ଲୋକମାନେ ହୁଏତ ପ୍ରଭୁ ରାମଙ୍କ ନାମରେ ନିର୍ମିତ ଏହି ସହରର ପ୍ରକୃତ ନାମକୁ ଭୁଲି ଯାଇଥିବେ, କିନ୍ତୁ ଏହି ଯୁଦ୍ଧ ଏବଂ ସ୍ଥାନ ଶିଖମାନଙ୍କ ଇତିହାସରେ ରାମନଗର ଭାବରେ ସବୁଦିନ ପାଇଁ ଅବିସ୍ମରଣୀୟ ହୋଇ ରହିବ ।

ଅନେକ ସ୍ଥାନର ନାମ ବଦଳା ଯାଇଛି

ବିଭାଜନ ପରେ ଖୁବ ଶୀଘ୍ର ପାକିସ୍ତାନରେ ନାମ ପରିବର୍ତ୍ତନ କରିବାର ପରମ୍ପରା ଆରମ୍ଭ ହୋଇଥିଲା । ବିଭାଜନ ପରେ ଧର୍ମ ଆଧାରରେ ନବ ଗଠିତ ପାକିସ୍ତାନ ଭାରତୀୟ ଐତିହ୍ୟଠାରୁ ନିଜକୁ ଦୂରେଇ ରଖିବାକୁ ଚେଷ୍ଟା କଲା । ତା’ପରେ ପାକିସ୍ତାନ ଏକ ମୁସଲମାନ ଦେଶର ପରିଚୟ ସୃଷ୍ଟି କରିବାକୁ ଚେଷ୍ଟା କଲା ଯାହା ପଡୋଶୀ ଦକ୍ଷିଣ ଏସୀୟ ଦେଶ ଅପେକ୍ଷା ଆରବ ଦେଶମାନଙ୍କ ନିକଟତର ଥିଲା ।

କରାଚିରେ ଏକ ‘ରାମଚନ୍ଦ୍ର ଟେମ୍ପଲ ରୋଡ଼’ ନାମରେ ଏକ ରାସ୍ତା ଅଛି ।

ଉଲ୍ଲେଖଥାଉ କି, ଏକ ‘ରାମଚନ୍ଦ୍ର ଟେମ୍ପଲ ରୋଡ଼’ ରାସ୍ତା କରାଚିରେ ଏବେ ବି ଅକ୍ଷୁର୍ଣ୍ଣ ରହିଛି । ଏହି ରାସ୍ତା କରାଚିର ରାମ ମନ୍ଦିର ଆଡକୁ ଯାଏ, ତେଣୁ ଏହାର ନାମ ଏକ ‘ରାମଚନ୍ଦ୍ର ଟେମ୍ପଲ ରୋଡ଼’ । ସେହିଭଳି, ଅଟାରାମ ପ୍ରୀତମଦାସ ରୋଡ, ବାଲୁଚିସ୍ତାନର ହିଙ୍ଗଲାଜ ଏବଂ ଖାଇବର ପାଖ୍ଟନଖୱାର ହରିପୁର ପ୍ରଦେଶର ଅନେକ ନାମ ଅଛି । ଲାହୋରରେ ଅନେକ ସ୍ଥାନ ଅଛି ଯେଉଁଥିରେ ହିନ୍ଦୁ କିମ୍ବା ଶିଖ ନାମ ଥିଲା, ଯାହାକୁ ପରିବର୍ତ୍ତନ କରାଯାଇଥିଲା | କୃଷ୍ଣ ନଗର ପରି ଲାହୋରର ଏକ ଅଞ୍ଚଳ ଥିଲା । ଏହାର ନାମ ଇସଲାମପୁରରେ ପରିବର୍ତ୍ତିତ ହେଲା । ଜୈନ ମଣ୍ଡିର ଛକକୁ ବାବ୍ରି ମସଜିଦ୍ ଚଛକ ଭାବରେ ପରିବର୍ତ୍ତନ କରାଯାଇଥିଲା | ବାଲୁଚିସ୍ତାନରେ “ହିନ୍ଦୁ ବାଗ” ନାମକୁ ବର୍ତ୍ତମାନ “ମୁସଲିମ ବାଗ” କୁହାଯାଏ ।

ଲାହୋର ନିକଟରେ ଏବେ ମଧ୍ୟ ରାମପୁର ନାମରେ ଏକ ସହର ଅଛି ।

ବାଂଲାଦେଶର କିଛି ସ୍ଥାନର ନାମ ଏବେ ବି ରାମନଗର ଅଛି ।

ନେପାଳର ରାମନଗର ନାମକ ଅତିକମରେ ୯ ଟି  ସ୍ଥାନ ଅଛି ।