କରୋନାରେ ଏବେ କମ ରୋଗୀ ଯାଉଛନ୍ତି ହସପିଟାଲ୍ । ହେଲେ ଭେଣ୍ଟିଲେଟର ଓ ଆଇସିୟୁରେ ଅଛନ୍ତି ଅଧିକ ରୋଗୀ । ୩୩ ପ୍ରତିଶତ ଆଇସିୟୁ ଭର୍ତ୍ତି
କନକ ବ୍ୟୁରୋ: ରାଜ୍ୟରେ କରୋନା ସଂକ୍ରମଣ କମିବାରେ ଲାଗିଛି । ସଂକ୍ରମଣ କମିବା ପରେ ସ୍ୱାଭାବିକ ଭାବେ ହସ୍ପିଟାଲ ଉପରେ ଚାପ କମିଛି । ହେଲେ ହସ୍ପିଟାଲରେ ଥିବା ଅଧିକାଂଶ ଆକ୍ରାନ୍ତଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହେବା ଚିନ୍ତା ବଢାଇ ଦେଇଛି । ମେଡିକାଲରେ ଭର୍ତି ମୋଟ ଆକ୍ରାନ୍ତଙ୍କ ମଧ୍ୟରୁ ୪୩ ପ୍ରତିଶତ ରୋଗୀ ଆଇସିୟୁ ଓ ଭେଂଟିଲେଟରରେ ଅଛନ୍ତି । ଏପଟେ ଭୁବନେଶ୍ୱରରେ ଦୈନିକ ୨୦ରୁ ୨୫ ଜଣ ଆକ୍ରାନ୍ତ ହସ୍ପିଟାଲକୁ ଯାଉଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ସଂକ୍ରମଣର ଗ୍ରାଫ ତଳମୁହାଁ ହୋଇଛି । କିନ୍ତୁ ଆକ୍ରାନ୍ତ ହୋଇ ହସ୍ପିଟାଲରେ ଥିବା ଅଧିକାଂଶ ରୋଗୀଙ୍କ ଅବସ୍ଥା ଗୁରୁତର ହେବା ଚିନ୍ତା ବଢାଇ ଦେଇଛି ।
ଶଯ୍ୟା ଶଯ୍ୟା ସଂଖ୍ୟା ରୋଗୀ ଭର୍ତି ଶତକଡା ହାର
ସାଧାରଣ ଶଯ୍ୟା ୧୧,୪୩୫ ୧,୨୮୯ ୧୧.୨୭%
ଆଇସିୟୁ/ଏଚଡିୟୁ ୪୭୩୫ ୧,୫୬୨ ୩୨.୯୯%
ଭେଂଟିଲେଟର ୧୩୫୫ ୩,୮୪ ୨୮.୩୪%
ସିସିସି/ସିସିଏଚ ୨୮.୬୪୭ ୧,୬୬୫ ୫.୮୧%
ମୋଟ ଶଯ୍ୟା ୯୭,୪୦୩ ୪,୫୧୬ ୪.୬୪%
ରାଜ୍ୟରେ ଏବେ ୪ ହଜାର ୫୧୬ ଜଣ ରୋଗୀ ହସ୍ପିଟାଲରେ ରହି ଚିକିତ୍ସିତ ହେଉଛନ୍ତି । ଆଉ ଚକିତ କଲା ଭଳି କଥା ହେଉଛି, ୧୫୬୨ ଜଣ ରୋଗୀ ଆଇସିୟୁରେ ଅଛନ୍ତି । ଯାହା ମୋଟ ଆଇସିୟୁର ଶଯ୍ୟାର ୩୨ ଦଶମିକ ୯୯ ପ୍ରତିଶତ । ସେହିପରି ଭେଂଟିରରେ ୩୮୪ ଆକ୍ରାନ୍ତ ରହିଛନ୍ତି । ଯାହା ମୋଟ ଭେଂଟିଲେଟରର ୨୮.୩୪ ପ୍ରତିଶତ । ମେଡିକାଲରେ ଭର୍ତି ହୋଇଥିବା କରୋନା ସଂକ୍ରମିତଙ୍କ ମଧ୍ୟରୁ ଅଧିକାଂଶ ଆକ୍ରାନ୍ତ ଭେଂଟିଲେଟର ଓ ଆଇସିୟୁରେ ରହିବା ଚିନ୍ତା ବଢାଇ ଦେଇଛି ।
ହସ୍ପିଟାଲରେ ରହି ଚିକିତ୍ସିତ ହେଉଥିବା ୪ହଜାର ୫୧୬ ଆକ୍ରାନ୍ତଙ୍କ ମଧ୍ୟରୁ ୧ହଜାର୯୪୬ ଜଣ ଆଇସିୟୁ ଓ ଭେଂଟିଲେଟରରେ ରହି ଚିକିତ୍ସିତ ହେଉଛନ୍ତ୍ି । ହସ୍ପିଟାଲରେ ଥିବା ସଂକ୍ରମିତଙ୍କ ମଧ୍ୟରୁ ୪୩ ପ୍ରତିଶତ ରୋଗୀ ଆଇସିୟୁ ଓ ଭେଂଟିଲେଟରରେ ରହିବା ଚିନ୍ତାଜନକ ଖବର । ଗୋଟିଏ ପଟେ ସଂକ୍ରମଣ କମୁଛି, ସଂକ୍ରମଣ ହାର ମଧ୍ୟ ୩ ପ୍ରତିଶତ ତଳକୁ ଖସିିଛି । କିନ୍ତୁ ଅନେକ ଗୁରୁତର ରୋଗୀ ଆଇସିୟୁ ଓ ଭେଂଟିଲେଟରରେ ଅଛନ୍ତି ।
ରାଜ୍ୟରେ ୯୭,୪୦୩ କରୋନା ବେଡ ରହିଥିବା ବେଳେ ମାତ୍ର ୪ ଦଶମିକ ୬୪ ଶଯ୍ୟାରେ ଆକ୍ରାନ୍ତ ଚିକିତ୍ସିତ ହେଉଛନ୍ତି । ସଂକ୍ରମଣ କମିବା ପରେ ହସ୍ପିଟାଲ ଉପରେ ମଧ୍ୟ ଚାପ କମିଛି ।