କନକ ବ୍ୟୁରୋ : ମୌସୁମୀ ସକ୍ରିୟ ଥିବା ବେଳେ ବଙ୍ଗୋପସାଗରରେ ଯେତେ ସବୁ ଲଘୁଚାପ ସୃଷ୍ଟି ହେଉଛି, ସେଥି ମଧ୍ୟରୁ ଅଧିକାଂଶ ଓଡ଼ିଶାକୁ କ୍ଷତିଗ୍ରସ୍ତ କରୁଛି। ଗତ କିଛି ବର୍ଷର ପରିସଂଖ୍ୟାନ (ଫାଇଲିନ୍, ହୁଡହୁଡ୍, ତିତଲି ଏବଂ ଏବେ ଫନି ବ୍ୟତୀତ ପ୍ରତି ବର୍ଷ ଗୋଟିଏ ଦୁଇଟି ବାତ୍ୟା ଓଡ଼ିଶା ଉପକୂଳରେ ଘଷି ହୋଇ ଆଗକୁ ବଢୁଛି)। ସୂଚାଇ ଦେଉଛି ଯେ ବାତ୍ୟା କ୍ଷେତ୍ରରେ ମଧ୍ୟ ଅନୁରୂପ ପରିସ୍ଥିତି ସୃଷ୍ଟି ହେଲାଣି। ପାଣିପାଗ ବିଶେଷଜ୍ଞମାନଙ୍କର ମତରେ ବାତ୍ୟା ଓ ଲଘୁଚାପ କ୍ଷେତ୍ରରେ ଅତି ସମ୍ବେଦନଶୀଳ ରାଜ୍ୟ ବା ପ୍ରବେଶ ଦ୍ବାର ଭାବେ ଓଡ଼ିଶାକୁ ବିଚାର କରାଯାଇପାରେ।
/kanak/media/post_attachments/wp-content/uploads/2019/05/Screen-Shot-2019-05-09-at-1.00.49-PM.png)
/kanak/media/post_attachments/wp-content/uploads/2019/05/Brahmagiri1.png)
/kanak/media/post_attachments/wp-content/uploads/2019/05/Screen-Shot-2019-05-08-at-9.45.57-AM.png)
ସମୁଦ୍ରର ଏହି ଉତ୍ତାପ, ବାୟୁମଣ୍ଡଳର ସ୍ଥିତି, ଆର୍ଦ୍ରତା, ମାଡେନ୍-ଜୁଲିଆନ୍ ଓସିଲେସନ୍ ( ନିୟମିତ ବ୍ୟବଧାନରେ ଅତ୍ୟଧିକ ବାଦଲ ସୃଷ୍ଟି) ଆଦି କାରଣରୁ ବିଷୁବ ରେଖା ନିକଟବର୍ତୀ ତଥା ଆଣ୍ଡାମାନ ନିକୋବର ଅଞ୍ଚଳରେ ବାରମ୍ବାର ଲଘୁଚାପ ସୃଷ୍ଟି ହୋଇଛି , ଏହା ଆଗକୁ ବଢିବା ବେଳେ ତାକୁ ଯଥେଷ୍ଟ ବଳ ମିଳୁଛି, ଯାହା ଫଳରେ ବାରମ୍ବାର ବାତ୍ୟା ସଂଘଟିତ ହେଉଛି।
ତେବେ ବାତ୍ୟାର ଗତି ନିର୍ଣ୍ଣୟ ପଛର ବଡ଼ କାରଣ ହେଉଛି, ପୃଥିବୀର ଘୂର୍ଣ୍ଣନ ଓ ପବନର ଗତି। ପୃଥିବୀ ପଶ୍ଚିମରୁ ପୂର୍ବକୁ ଘୂରୁଛି। ଏଣୁ ସଂଘଟିତ ବାତ୍ୟା ସିଧା ଗତି କରିବା ପରିବର୍ତେ ପୂର୍ବ ଉପକୂଳ ଆଡକୁ ଠେଲି ହୋଇଯାଉଛି । ଏହି ବାତ୍ୟା ଯଦି ଉତ୍ତର ପଶ୍ଚିମ ଦିଗକୁ ଢଳିଲା, ତେବେ ଓଡ଼ିଶା ଉପକୂଳ ଛୁଇଁବ ବା ମାଡ଼ ହେବ। ଅନ୍ୟଥା ପଶ୍ଚିମ-ଉତ୍ତର ପଶ୍ଚିମ ଦିଗକୁ ଗତି କଲେ, ତାହା ଆନ୍ଧ୍ର ଉପକୂଳ ଛୁଇଁବ। ଅନ୍ୟଥା ସିଧା ଗତି କଲେ ଏହା ତାମିଲନାଡୁ ସ୍ପର୍ଶ କରିବ। ଏହା ହିଁ ଓଡ଼ିଶା ଉପକୂଳକୁ ଅଧିକ ବାତ୍ୟା ଟାଣି ଆଣିବାର ଏକ ପ୍ରମୁଖ କାରଣ ବୋଲି କହୁଛନ୍ତି ବେଜ୍ଞାନିକ। ‘ଫନି’ କ୍ଷେତ୍ରରେ ମଧ୍ୟ ଅନୁରୂପ ଭାବେ ବାୟୁମଣ୍ଡଳର ୫ରୁ ୧୨ କିଲୋମିଟର ମଧ୍ୟର ସ୍ଥିତି ଏହାକୁ ଅଧିକ ଶକ୍ତିଶାଳୀ କରିବା ସହିତ ଓଡ଼ିଶା ଉପକୂଳକୁ ଟାଣି ଆଣିବାରେ ସହାୟକ ହୋଇଥିଲା ।
ସେହିପରି ମୌସୁମୀ ସମୟରେ ମଧ୍ୟ ଦେଖାଯାଇଛି ।ଯେ ଦକ୍ଷିଣ ଚୀନ ସାଗରରେ ସୃଷ୍ଟି ହେଉଥିବା ବାତ୍ୟା ପୂରାପୂରି ଭାବେ ଦୁର୍ବଳ ହୋଇପାରୁନାହିଁ ଓ ଏହା ଥାଇଲାଣ୍ଡ ବା ଭିଏତନାମ ଦେଇ ଆଗକୁ ବଢିବା ବେଳେ ବଙ୍ଗୋପସାଗରରେ ଅବପାତ ଅବସ୍ଥାରେ ବା ଲଘୁଚାପ ସ୍ଥିତିରେ ପହଞ୍ଚୁଛି। ସେଠାରେ ବଳ ପାଇ ଏହା ଅଧିକ ଶକ୍ତିଶାଳୀ ହେଉଛି ଏବଂ ଉତ୍ତର ପଶ୍ଚିମ ଦିଗରେ ଗତି କରି ଓଡ଼ିଶା ଉପକୂଳରେ ମାଡ଼ ହେଉଛି । ମୌସୁମୀ ସମୟରେ ସୃଷ୍ଟି ହେଉଥିବା ଲଘୁଚାପ ମଧ୍ୟରୁ ପାଖାପାଖି ୭୫ ପ୍ରତିଶତ ଓଡ଼ିଶା ଉପକୂଳ ଛୁଉଁଛି। ଏଥିରୁ ଅେନକ ବନ୍ୟା କରାଇ ବିପର୍ୟ୍ୟୟ ଘଟାଉଛି େବାଲି ପାଣିପାଗ ବିଜ୍ଞାନୀ କହୁଛନ୍ତି ।