କନକ ବ୍ୟୁରୋ : ନୟାଗଡ଼ ଜିଲ୍ଲାର ୧୩ଟି ଥାନା ଅଧୀନରେ ହଜାର ହଜାର ବାଇକ୍ ସମେତ ଅନ୍ୟାନ୍ୟ ଚାରିଚକିଆ ଯାନ ପଡ଼ିରହିଛି। ଏହି ସବୁ ଗାଡ଼ିର ପ୍ରକୃତ ମାଲିକ ନିଜ ଗାଡ଼ି ନପାଇ ହନ୍ତସନ୍ତ ହେଉଥିବା ବେଳେ ବିଭିନ୍ନ ଥାନାରେ ଅଭିଯୋଗ ମଧ୍ୟ କରିଛନ୍ତି। କିନ୍ତୁ ପୁଲିସ୍ ଅନେକ ସମୟରେ ଚୋରି ଗାଡ଼ି ଉଦ୍ଧାର କରିଥିବା ବେଳେ, ଏସବୁକୁ ଫେରାଇବା ନେଇ ପଦକ୍ଷେପ ଗ୍ରହଣ କରିବାର ଆବଶ୍ୟକତା ରହିଛି ବୋଲି ମତପ୍ରକାଶ ପାଇଛି। ଫଳରେ ଜିଲ୍ଲାରେ ବିଭିନ୍ନ ଥାନାରେ ଏଭଳି ଶହ ଶହ ସଂଖ୍ୟାରେ ଯାନବାହାନ ପଡ଼ି ରହି ଖତ ଖାଉଛି।
/kanak/media/post_attachments/wp-content/uploads/2019/03/hindustan-available-vehicles-vehicles-difficult-botanical-enforcement_786ac09c-ccb3-11e8-a159-d4219452a912.jpg)
କେବଳ ନୟାଗଡ଼ ଜିଲ୍ଲା ନୁହେଁ, ସାରା ରାଜ୍ୟରେ ଏହି ଭଳି ସ୍ଥିତି ଦେଖାଦେଇଛି। ଗତବର୍ଷ କମିସନରେଟ୍ ପୁଲିସ ଚୋରା ଗାଡ଼ିଗୁଡ଼ିକ ଫେରାଇବା ନେଇ ସ୍ବତନ୍ତ୍ର ମେଳାର ଆୟୋଜନ କରି ବେଶ୍ ସଫଳତା ପାଇଥିଲା। ଯଦି ନୟାଗଡ଼ ସମେତ ସବୁ ଜିଲ୍ଲାରେ ଏହିଭଳି ବ୍ୟବସ୍ଥା କରାଯାନ୍ତା, ତେବେ ଗାଡ଼ିର ପ୍ରକୃତ ମାଲିକମାନେ ଉପକୃତ ହୋଇପାରନ୍ତେ।