ଶ୍ରମିକଙ୍କ ପାଇଁ ଅର୍ଥମନ୍ତ୍ରୀଙ୍କ ବଡ ଘୋଷଣା । ପ୍ରବାସୀ ଶ୍ରମିକଙ୍କୁ ମନରେଗାରେ ମିଳିବ କାମ, ୫୦% ପର୍ଯ୍ୟନ୍ତ ବଢିଲା ରେଜିଷ୍ଟେସନ । ଦୈନିକ ମଜୁରୀ ୧୮୨ରୁ ୨୦୨କୁ ବୃଦ୍ଧି
କନକ ବ୍ୟୁରୋ: ଦ୍ୱିତୀୟ କିସ୍ତିର ଆର୍ଥିକ ପ୍ୟାକେଜ ଘୋଷଣା କରିଛନ୍ତି କେନ୍ଦ୍ର ଅର୍ଥମନ୍ତ୍ରୀ ।ଆଜି ଅର୍ଥମନ୍ତ୍ରୀ ନିର୍ମଳା ସୀତାରମଣ ରିଲିଫ ପ୍ୟାକେଜରେ ଚାଷୀ ଏବଂ ପ୍ରବାସୀ ଶ୍ରମିକଙ୍କୁ ବେଶ୍ ଗୁରୁତ୍ୱ ଦେଇଛନ୍ତି । ତେବେ ପ୍ରବାସୀ ଶ୍ରମିକଙ୍କୁ ନେଇ ସ୍ୱତନ୍ତ୍ର ପ୍ୟାକେଜ ଘୋଷଣା କରି ଅର୍ଥମନ୍ତ୍ରୀ କହିଛନ୍ତି ଯେ, ବହୁ ସଂଖ୍ୟାରେ ପ୍ରବାସୀ ଶ୍ରମିକ ସେମାନଙ୍କ ରାଜ୍ୟକୁ ଫେରିବାରେ ସରକାର ସାହାଯ୍ୟ କରିବେ। ପ୍ରବାସୀ ଶ୍ରମିକମାନଙ୍କୁ ଗଘଜଋଏଇ ଅଧୀନରେ କାମ ଦଆଯିବ । ଆଉ ଏହାର ପଂଜିକରଣ ୫୦ ପ୍ରତିଶତ ବୃଦ୍ଧି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନିର୍ମଳା ଆହୁରୀ ମଧ୍ୟ କହିଛନ୍ତି ଯେ, ଗତକାଲି ପର୍ଯ୍ୟନ୍ତ ୬.୭ ଲକ୍ଷ ଗ୍ରାମ ପଞ୍ଚାୟତରେ ୬.୭ କୋଟି ଲୋକଙ୍କୁ କାମ ଦିଆଯାଇଛି। ଗତ ବର୍ଷ ମେ ମାସ ତୁଳନାରେ ଏଥର ୪ ରୁ ୭ ପ୍ରତିଶତ ଅଧିକ ଲୋକ ପଞ୍ଜୀକୃତ ହୋଇଛନ୍ତି। ଏହିପରି, ଗତ ବର୍ଷ ତୁଳନାରେ ଶ୍ରମିକଙ୍କ ବେତନ ମଧ୍ୟ ବୃଦ୍ଧି ପାଇଛି। ଗତ ବର୍ଷ ଦୈନିକ ମଜୁରୀ ୧୮୨ ଟଙ୍କା ଧାର୍ଯ୍ୟ କରାଯାଇଥିଲା ମାତ୍ର ଚଳିତ ବର୍ଷ ଏହାକୁ ୨୦୨ଟଙ୍କାକୁ ବୃଦ୍ଧି କରିଦିଆଯାଇଛି ।
ସେହିଭଳି ସର୍ବନିମ୍ନ ମଜୁରୀ ତଥା ପାରିଶ୍ରମିକ ତଥା ବେତନ ଅଧିକାର ସମସ୍ତ କର୍ମଚାରୀଙ୍କୁ ଦେବାକୁ ପ୍ରସ୍ତାବ ଯୋଜନା । ଫଳରେ ସର୍ବନିମ୍ନ ୱେଜ କ୍ଷେତ୍ରୀୟ ଅସମାନତା ଶେଷ କରିବାକୁ ଯୋଜନା ରଖାଯାଇଛି । ସେହିପରି ନିଯୁକ୍ତି ପତ୍ର ମଧ୍ୟ ପ୍ରଦାନ କରାଯିବ । ସେହିଭଳି ସହରାଂଚଳ ଗରିବଙ୍କୁ ୧୧ ହଜାର କୋଟି ଟଙ୍କାର ସରକାରୀ ସହାୟତା ମିଳିବ । ସରହରାଂଚଳ ଗରିବଙ୍କ ପାଇଁ ରାଜ୍ୟ ସରକାର ରିଲିଫ ପାଣ୍ଠି ବ୍ୟବହାର କରିବାକୁ ଅନୁମତି ମିଳିଲା । ଯାହାଦ୍ୱାରା ସେମାନଙ୍କର ଖାଇବା ଏବଂ ରହିବା ବ୍ୟବସ୍ଥା କରାଯିବ । ଏଥିପାଇଁ କେନ୍ଦ୍ରରୁ ଟଙ୍କା ପ୍ରଦାନ କରାଯାଇଥାଏ । ସହରାଂଚଳରେ ରହୁଥିବା ବାସହରା ଲୋକଙ୍କୁ ସେଲଟର ହୋମରେ ତିନି ଓଳା ଖାଇକାକୁ ସଂପୂର୍ଣ୍ଣ ରୂପେ କ୍ରେନ୍ଦ୍ର ସରକାରଙ୍କ ଟଙ୍କାରୁ ଦିଆଯାଉଛି ।