ଆଜି ଶେଷ ହେଉଛି ମନମୋହନ ସିଂହଙ୍କ ୩୩ ବର୍ଷର ସଂସଦୀୟ ଇଂନିସ୍ । ୫୪ ସାଂସଦ ସମେତ ୯ କେନ୍ଦ୍ରମନ୍ତ୍ରୀଙ୍କ ସରୁଛି କାର୍ଯ୍ୟକାଳ
କନକ ବ୍ୟୁରୋ: ଆଜି ଶେଷ ହେଉଛି ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ୩୩ ବର୍ଷର ସଂସଦୀୟ ଇଂନିସ୍ । ମଙ୍ଗଳବାର ଓ ଆଜିକୁ ମିଶାଇ ୫୪ ଜଣ ସାଂସଦଙ୍କ ସମେତ ୯ ଜଣ କେନ୍ଦ୍ରମନ୍ତ୍ରୀଙ୍କ କାର୍ଯ୍ୟକାଳ ଶେଷ ହେଉଛି । ଗତକାଲି ୪୯ ଜଣ ରାଜ୍ୟସଭା ସାଂସଦ ଅବସର ନେଇଥିବା ବେଳେ ଆଜି ଆଉ ୫ ଜଣ ଅବସର ଗ୍ରହଣ କରିବେ । ଏହି ତାଲିକାରେ ଅଛନ୍ତି ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ । ପୂର୍ବତନ ପ୍ରଧାନମନ୍ତ୍ରୀ ସିଂହ ରାଜ୍ୟସଭାରେ ତାଙ୍କର ୩୩ ବର୍ଷର ସଂସଦୀୟ ଇନିଂସ ଶେଷ କରିଥିବା ବେଳେ ଦଳର ପୂର୍ବତନ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ପ୍ରଥମ ଥର ପାଇଁ ରାଜ୍ୟସଭାରେ ପ୍ରବେଶ କରିବେ ।
Kanak News is now on WhatsApp
Join and get latest news updates delivered to you via WhatsApp
ଅର୍ଥନୀତିରେ ଅନେକ ସାହାସିକ ସଂସ୍କାର ଆଣିଥିବା ସିଂହ ୧୯୯୧ ଅକ୍ଟୋବରରେ ପ୍ରଥମ ଥର ପାଇଁ ଗୃହର ସଦସ୍ୟ ହୋଇଥିଲେ । ସେ ୧୯୯୧ରୁ ୧୯୯୬ ପର୍ଯ୍ୟନ୍ତ ନରସିଂହ ରାଓ ସରକାରରେ ଅର୍ଥମନ୍ତ୍ରୀ ଏବଂ ୨୦୦୪ରୁ ୨୦୧୪ ପର୍ଯ୍ୟନ୍ତ ପ୍ରଧାନମନ୍ତ୍ରୀ ଥିଲେ । ୯୧ ବର୍ଷୀୟ ସିଂହଙ୍କ କାର୍ଯ୍ୟକାଳ ଆଜି ଅର୍ଥାତ ଏପ୍ରିଲ ୩ରେ ଶେଷ ହେବା ପରେ ଖାଲି ହେବାକୁ ଥିବା ଏହି ଆସନ ପୂରଣ କରି ସୋନିଆ ଗାନ୍ଧୀ ରାଜସ୍ଥାନରୁ ପ୍ରଥମ ଥର ପାଇଁ ରାଜ୍ୟସଭାକୁ ପ୍ରବେଶ କରିବେ । ସେପଟେ କେନ୍ଦ୍ରମନ୍ତ୍ରୀ ଅଶ୍ୱନୀ ବୈଷ୍ନବ ରାଜ୍ୟସଭାକୁ ଦ୍ୱିତୀୟ ଥର ପାଇଁ ନିର୍ବାଚିତ ହୋଇଛନ୍ତି । ସେହିପରି ଧର୍ମେନ୍ଦ୍ର୍ର ପ୍ରଧାନ ୨ ଥର ରାଜ୍ୟସଭାକୁ ନିର୍ବାଚିତ ହୋଇଥିଲେ । ତାଙ୍କ କାର୍ଯ୍ୟକାଳ ଶେଷ ହୋଇଛି । ସେ ଏଥର ସମ୍ବଲପୁର ଲୋକସଭା ଆସନ ପାଇଁ ପ୍ରାର୍ଥୀ ହୋଇଛନ୍ତି । ସେହିପରି ଅବସର ଗ୍ରହଣ କରିଥିବା ରାଜ୍ୟସଭା ସାଂସଦ ଲୋକସଭା ପ୍ରାର୍ଥୀ ହୋଇଛନ୍ତି ।