କନକ ବ୍ୟୁରୋ : ଦେଶରେ କରୋନା ସଂକ୍ରମଣ ଏବେ ପ୍ରତିଦିନ ପୁରୁଣା ରେକର୍ଡ ଭାଙ୍ଗୁଛି । ସଂକ୍ରମିତ ସଂଖ୍ୟା ଠାର ମୃତ୍ୟୁହାର , ଏବେ ଆମେରିକାକୁ ଟକ୍କର ଦେଉଛି ଭାରତ । ଏହାରି ମଧ୍ୟରେ ଦେଶର ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ବି ଦେଶରେ ଏଭଳି ସ୍ଥିତିକୁ ନେଇ ଚିନ୍ତା ପ୍ରକଟ କରିଛନ୍ତି । ଏନେଇ ସେ ଏକ ଚିଠି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଲେଖିଛନ୍ତି । ଏହି ଚିଠିରେ ସେ କରୋନା ବିରୋଧରେ ଲଢେଇ କରିବାର କିଛି ତରିକା ବତାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଚିଠିରେ ଶ୍ରୀ ସିଂ ବିଶେଷ ଭାବେ ଟିକାକରଣକୁ ଦ୍ରୁତ କରିବାକୁ ପରାମର୍ଶ ଦେଇଛନ୍ତି । ଏହାସହ ସେ କହିଛନ୍ତି କି ସରକାରଙ୍କୁ ସାର୍ବଜନୀନ କରିବାକୁ ପଡିବ କି, ଆଗାମୀ ୬ ମାସ ପାଇଁ ସେ କେତୋଟି ଟିକା କମ୍ପାନୀକୁ କେତେ ସଂଖ୍ୟାର ଡୋଜ ପାଇଁ ଆଦେଶ ଦେଇଛନ୍ତି । ଏହା କହିବାକୁ ଯାଇ ସେ କହିଛନ୍ତି କି ଆଗାମୀ ୬ ମାସ ମଧ୍ୟରେ ଦେଶର ଅଧିକାଂଶ ଲୋକଙ୍କୁ ଟିକାକରଣ କରିବା ଦରକାର । ଏନେଇ ପର୍ଯ୍ୟାପ୍ତ ପରିମାଣ ଟିକାର ଆବଶ୍ୟକତା ରହିଛି । ଅନ୍ୟପଟେ ସେ କହିଛନ୍ତି କି, ସରକାର ଏହା ବି ସାର୍ବଜନୀନ କରିବା ଦରକାର ଟିକାର ଡୋଜ ରାଜ୍ୟ ମାନଙ୍କୁ କେଉଁ ପାରଦର୍ଶିତା ଆଧାରରେ ଯୋଗାଇ ଦିଆଯାଉଛି । ‘ଆମେ କେତେ ଲୋକଙ୍କୁ ଟିକା ଦେଲେ ତାହାକୁ ନଜର ନରଖି ଆମେ କେତେ ପ୍ରତିଶତ ଲୋକଙ୍କୁ ଟିକା ଦେଲେ ତାହା ଉପରେ ଗୁରୁତ୍ୱ ଦେବାର ଆବଶ୍ୟକତା ରହିଛି ’ ।
Former PM Dr Manmohan Singh writes PM Narendra Modi, “The key to our fight against COVID19 must be ramping up the vaccination effort. We must resist the temptation to look at the absolute numbers being vaccinated, and focus instead on the percentage of the population vaccinated” pic.twitter.com/OiDXnngIJ8
— ANI (@ANI) April 18, 2021
ଅନ୍ୟପଟେ ଫ୍ରଣ୍ଟ ଲାଇନ୍ କରୋନା ଯୋଦ୍ଧାଙ୍କୁ ବିଭିନ୍ନ ଶ୍ରେଣୀରେ ବିଭକ୍ତ କରି ସେମାନଙ୍କୁ ଛୁଟି ଦିଆଯିବା ଦରକାର । ଯାହା ଦ୍ୱାରା ସେମାନେ ବି ଟିକା ନେଇପାରିବେ ।
ମନମୋହନ ସିଂ ତାଙ୍କ ଚିଠିରେ ଛଲ୍ଲେଖ କରିଛନ୍ତି କି ଭାରତ ବିଶ୍ୱର ସବୁଠାରୁ ଅଧିକ ଟିକା ଉତ୍ପାଦନ କରିବାରେ ସକ୍ଷମ ହୋଇଛି । ତେଣୁ ଏହାକୁ ଆହୁରି ଦୃତଗତିରେ ବୃଦ୍ଧି କରିବାକୁ ଟିକା ନିର୍ମାତା କମ୍ପାନୀ ମାନଙ୍କୁ ସରକାରଙ୍କ ତରଫରୁ ଅର୍ଥ ଠାରୁ ଆରମ୍ଭ କରି ଅନ୍ୟ ସବୁ ସୁବିଧା ସୁଯୋଗ ବିନା ଦ୍ୱିଧାରେ ଯୋଗାଇଦେବାର ଆବଶ୍ୟକତା ରହିଛି ।
ଅନ୍ୟପଟେ ବିଦେଶରେ ଯେଉଁ ଟିକାକୁ ଅନୁମତି ମିଳିଛି ସେହି ସବୁ ଟିକାକୁ ଭାରତରେ ଟ୍ରାଏଲ ପାଇଁ ଅନୁମତି ଦିଆଯିବାର ଆବଶ୍ୟକତା ରହିଛି । ଯେଉଁ ଟିକା ଭାରତରେ ଟ୍ରାଏଲ ପରୀକ୍ଷାରେ ପାସ୍ କରିବ ସେହି କମ୍ପାନୀ ମାନଙ୍କ ସହିତ ତୁରନ୍ତ ଚୁକ୍ତି କରି ସେମାନଙ୍କ ଠାର ଟିକା ଆଣିଲେ ଭାରତୀୟ କମ୍ପାନୀ ଉପରେ ଚାପ କମିବ ।