କନକ ବ୍ୟୁରୋ : ଓଡ଼ିଶାରେ ବିଜେପି କାହାକୁ ମୁଖ୍ୟମନ୍ତ୍ରୀ ଆସନରେ ବସାଇବ ତାହାକୁ ନେଇ ଚର୍ଚ୍ଚା ଓ ଆଲୋଚନା ଥମିନଥିବା ବେଳେ ଦଳର ରାଜ୍ୟ ସଭାପତି ମନମୋହନ ସାମଲ କହିଛନ୍ତି, ଆଉ ମାତ୍ର କେଇ ଘଣ୍ଟାର ଅପେକ୍ଷା ତାହା ପରେ ସବୁ ସ୍ପଷ୍ଟ ହୋଇଯିବ । ୧୧ ତାରିଖରେ ପର୍ଯ୍ୟବେକ୍ଷକ ପହଞ୍ଚିବା ସହ ବିଧାୟକ ଦଳ ବୈଠକରେ ଯୋଗ ଦେବେ । ବିଧାୟକ ଦଳ ବୈଠକରେ ମୁଖ୍ୟମନ୍ତ୍ରୀଙ୍କ ନାଁରେ ମୋହର ବାଜିବ ।
୧୨ ତାରିଖ ଅପରାହ୍ନ ୨ଟା ୧୦ ମିନିଟରେ ପ୍ରଧାନମନ୍ତ୍ରୀ ମୋଦୀ ଭୁବନେଶ୍ୱରରେ ପହଞ୍ଚିବେ । ସନ୍ଧ୍ୟା ପ୍ରାୟ ୫ଟାରେ ଓଡ଼ିଶାର ବିଜେପି ମୁଖ୍ୟମନ୍ତ୍ରୀ ଶପଥ ନେବେ । କେନ୍ଦ୍ରମନ୍ତ୍ରୀ, ଏକାଧିକ ମୁଖ୍ୟମନ୍ତ୍ରୀ ଏବଂ ଓଡ଼ିଶାର ଗର୍ବ ଗୌରବଙ୍କ ଉପସ୍ଥିତିରେ ଓଡ଼ିଶାର ମୁଖ୍ୟମନ୍ତ୍ରୀ ଶପଥ ନେବେ । ନିଜ ନାଁ ମୁଖ୍ୟମନ୍ତ୍ରୀ ରେସରେ ଥିବା ନେଇ ମନମୋହନ କହିଛନ୍ତି, ସେଭଳି ଚର୍ଚ୍ଚା ଓ ଆଲୋଚନା କରିବା ଉଚିତ୍ ନୁହେଁ । ଯିଏ ବି ମୁଖ୍ୟମନ୍ତ୍ରୀ ହେବ ଓଡ଼ିଆ ଲୋକ ହେବ । ବିଧାୟକ ଦଳ ବୈଠକରେ ନିଷ୍ପତ୍ତି ହେବ । ସଂସଦୀୟ ବୋର୍ଡରେ ଅନେକ ଅନୁଭବୀ ନେତା ରହିଛନ୍ତି ସେମାନେ ଏନେଇ ନିଷ୍ପତ୍ତି ନେବେ । ଦଳର ସଭାପତି ହିସାବରେ ଯେଉଁ ଦାୟିତ୍ୱ ମୋତେ ମିଳିଥିଲା, ତାହାକୁ ମୁଁ ପୂରା କରିଛି । ସମସ୍ତଙ୍କୁ ସାଙ୍ଗରେ ନେଇ କାମ କରିବାକୁ ଦାୟିତ୍ୱ ମିଳିଥିଲା ତାହାକୁ ସୂଚାରୁ ରୂପେ ତୁଲାଇଛି । ଏବେ ସଂସଦୀୟ ବୋର୍ଡ ତାହାର ଦାୟିତ୍ୱ ନିର୍ବାହ କରିବ ।
ଓଡ଼ିଆ ଲୋକ ମୁଖ୍ୟମନ୍ତ୍ରୀ ହେବେ, ସଂସଦୀୟ ବୋର୍ଡର ଅନୁଭବୀ ନେତା ନୀତିଗତ ନିଷ୍ପତ୍ତି ନେବେ । ମନମୋହନ କହିଲେ କଣ ରହିଛି ବିଜେପିର ମୁଖ୍ୟମନ୍ତ୍ରୀ ବାଛିବା ରଣନୀତି?
![ଓଡ଼ିଆ ଲୋକ ମୁଖ୍ୟମନ୍ତ୍ରୀ ହେବେ, ସଂସଦୀୟ ବୋର୍ଡର ଅନୁଭବୀ ନେତା ନୀତିଗତ ନିଷ୍ପତ୍ତି ନେବେ । ମନମୋହନ କହିଲେ କଣ ରହିଛି ବିଜେପିର ମୁଖ୍ୟମନ୍ତ୍ରୀ ବାଛିବା ରଣନୀତି?](https://img-cdn.thepublive.com/fit-in/1280x720/filters:format(webp)/kanak/media/post_attachments/wp-content/uploads/2024/06/Screen-Shot-2024-06-10-at-3.04.38-PM.png)