ମନୀଷ ସିସୋଦିଆଙ୍କ ଜାମିନ ଆବେଦନ ହାଇକୋର୍ଟରେ ରଦ୍ଦ, ସୁପ୍ରିମକୋର୍ଟରେ ଆବେଦନ କରିବେ ସିସୋଦିଆ
କନକ ବ୍ୟୁରୋ : ଦିଲ୍ଲୀ ଅବକାରୀ ନୀତି ମାମଲାରେ ଦିଲ୍ଲୀ ହାଇକୋର୍ଟ ଆମ୍ ଆଦମୀ ପାର୍ଟିର ନେତା ମନୀଷ ସିସୋଦିଆଙ୍କୁ ଦିଲ୍ଲୀ ହାଇକୋର୍ଟରୁ ବଡ ଝଟକା ଲାଗିଛି । ସିସୋଦିଆଙ୍କ ତରଫରୁ ଜାମିନ ପାଇଁ ଦିଲ୍ଲୀ ହାଇକୋର୍ଟରେ ହୋଇଥିବା ଆବେଦନକୁ କୋର୍ଟ ଆଜି ଖାରଜ କରିଦେଇଛନ୍ତି । ପୂର୍ବ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ତଳ କୋର୍ଟର ରାୟ ବିରୋଧରେ ହାଇକୋର୍ଟରେ ଆବେଦନ କରିଥିଲେ । ହେଲେ ଦିଲ୍ଲୀ ହାଇକୋର୍ଟ ମଧ୍ୟ ଆଜି ଏହି ଜାମିନ ଆବେଦନକୁ ଖାରଜ କରିଦେଇଛନ୍ତି । କୋର୍ଟ କହିଛନ୍ତି କି ସିସୋଦିଆଙ୍କ ବିରୋଧରେ ଗମ୍ଭୀର ଅଭିଯୋଗ ରହିଛି ତେଣୁ ଜାମିନ ଦିଆଗଲେ ସେ ସାକ୍ଷୀମାନଙ୍କୁ ପ୍ରଭାବିତ କରିପାରନ୍ତି । ଏହି ଆଧାରରେ ଦିଲ୍ଲୀ ହାଇକୋର୍ଟ ସିସୋଦିଆଙ୍କ ଜାମିନ ଆବେଦନକୁ ଖାରଜ କରିଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆମ୍ ଆଦମୀ ପାର୍ଟି ତରଫରୁ ଦିଲ୍ଲୀ ଅବକାରୀ ଦୁର୍ନୀତି ମାମଲା ସହ ଜଡିତ ଅର୍ଥ ହେରଫେର ମାମଲାରେ ଶୁଣାଣି ପୂର୍ବରୁ ଦିଲ୍ଲୀ ପୋଲିସ ଉପରେ ଗମ୍ଭୀର ଅଭିଯୋଗ ଅଣାଯାଇଥିଲା । ଦଳ ତରଫରୁ କୁହାଯାଇଥିଲା କି ଦିଲ୍ଲୀ ପୋଲିସ ସିସୋଦିଆଙ୍କ ଉପରେ ବର୍ବରୋଚିତ ଆଚରଣ ଦେଖାଉଛି । ଏହାସହ ଦିଲ୍ଲୀ ପୋଲିସ ମନୀଷ ସିସୋଦିଆଙ୍କୁ ଶାରୀରିକ ଯନ୍ତ୍ରଣା ଦେଉଥିବାର ଏକ ଭିଡିଓ ମଧ୍ୟ ଆପ୍ ପକ୍ଷରୁ ଜାରି କରାଯାଇଥିଲା ।
ଏହି ଅଭିଯୋଗ ଉପରେ ଦିଲ୍ଲୀ ପୋଲିସ କହିଥିଲା କି ଏହା ପୋଲିସ ବିରୋଧରେ ଏକ ମନଗଢା ଅପପ୍ରଚାର । ନ୍ୟାୟିକ ହେପାଜତରେ ବନ୍ଦ ଥିବା ଜଣେ ଅଭିଯୁକ୍ତ ଗଣମାଧ୍ୟମକୁ ବୟାନ ଦେବା ଆଇନ ବିରୋଧୀ ବୋଲି ଦିଲ୍ଲୀ ପୋଲିସ କହିଛି ।