ମନୀଷ ଅନୁରାଗ ହତ୍ୟା ମାମଲା । ତମାଣ୍ଡୋ ଥାନା ଆଇଆଇସିଙ୍କ ବଦଳି ।
କନକ ବ୍ୟୁରୋ: ବହୁଚର୍ଚ୍ଚିତ ମନୀଷ ଅନୁରାଗ ହତ୍ୟା ମାମଲା ପରେ ବଦଳିଛନ୍ତି ତମାଣ୍ଡୋ ଥାନା ଆଇଆଇସି । ଥାନା ଆଇଆଇସିଙ୍କୁ ବଦଳି କରି ଏବେ ଡିସିପି ଅଫିସକୁ ଅଣାଯାଇଛି । ଏନେଇ ଭୁବନେଶ୍ୱର ଡିସିପି ଉମାଶଙ୍କର ଦାଶ ଗଣମାଧ୍ୟମକୁ ସୂଚନା ଦେଇଛନ୍ତି । ଏଥିସହିତ ବେଆଇନ୍ ଭାବେ ସାଉଥ୍ ସିଟି ବାର୍ ଚାଲୁଥିଲା ଓ କୋଭିଡ୍ ନିୟମ ଉଲ୍ଲଘଂନ କରି ବାର୍ ଚାଲିଥିଲା ବୋଲି ଡିସିପି ଏହି ମାମଲାରେ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ବରିଷ୍ଠ ସାମ୍ବାଦିକ ନବୀନ ଦାସଙ୍କ ପୁଅ ମନୀଷ ଅନୁରାଗଙ୍କ ମୃତଦେହ ଏକ ପୋଖରୀରୁ ଠାବ କରାଯାଇଥିଲା । ଏହାପରେ ଏହା ମୃତ୍ୟୁ ନା ହତ୍ୟା ତାକୁ ନେଇ ଛାନଭିନ୍ ଆରମ୍ଭ ହୋଇଥିଲା । ପୋଲିସ ଏହି ଘଟଣାରେ ବିଭିନ୍ନ ଦିଗରୁ ଯାଞ୍ଚ କରିବା ପରେ ମନୀଷଙ୍କ ସାଙ୍ଗକୁ ଗିରଫ କରିଥିଲା । ଏହି ମାମଲାରେ ଏବେ ମନୀଷଙ୍କ ୩ ଜଣ ସାଙ୍ଗକୁ ଗିରଫ କରାଯାଇଛି । ତେବେ ଏହାରି ଭିତରେ ଏବେ ତମାଣ୍ଡୋ ଥାନା ଆଇଆଇସିଙ୍କୁ ବଦଳି କରାଯିବା ସହିତ ତାଙ୍କୁ ଡିସିପି ଅଫିସକୁ ଅଣାଯାଇଛି । ଅନ୍ୟପଟେ ଏହି ଘଟଣାରେ ଚର୍ଚ୍ଚାକୁ ଆସିଥିବା ସାଉଥ୍ ସିଟି ବାର ବିନା ଲାଇସେନ୍ସରେ ଚାଲୁଥିଲା । କୋଭିଡ୍ ନିୟମ ଉଲ୍ଲଂଘନ କରି ବେଆଇନ୍ ଭାବେ ଏହା ଚାଲୁଥିବା ନେଇ ଡିସିପି ଗଣମାଧ୍ୟମକୁ ସୂଚନା ଦେଇଛନ୍ତି । ତା ସହିତ ଏହି ମାମଲାରେ କନେଷ୍ଟବଳ ପ୍ରସନ୍ନ ବେହେରା ଓ ହୋଟେଲ ମାଲିକଙ୍କୁ ପୋଲିସ ଅଟକ ରଖିଥିବା କୁହାଯାଇଛି ।
ମନୀଷ ଅନୁରାଗ ହତ୍ୟା ମାମଲା
ତମାଣ୍ଡୋ ଥାନା ଆଇଆଇସିଙ୍କୁ ଡିସିପି ଅଫିସକୁ ବଦଳି#ManishAnuragDeath #KanakNews pic.twitter.com/hjpRI7TqSz— Kanak News (@kanak_news) October 22, 2021