କନକ ବ୍ୟୁରୋ : ବରିଷ୍ଠ ସାମ୍ବାଦିକ ନବୀନ ଦାସଙ୍କ ପୁଅ ମନୀଷ ଅନୁରାଗ ମୃତ୍ୟୁ ଘଟଣାରେ ସେହି ସାଉଥ ସିଟି ହୋଟେଲ ପୁଣି ଚର୍ଚ୍ଚାକୁ ଆସିଛି । ଆଜି ସେହି ହୋଟେଲ ଭିତରର ଦୃଶ୍ୟ କ୍ୟାମେରାରେ କଏଦ ହୋଇଛି । ମନୀଷ ଓ ତାଙ୍କ ସାଙ୍ଗମାନେ ବାରରେ ବସି ଥିବା ବେଳେ, ଏପଟେ କେମିତି ନୃତ୍ୟାଙ୍ଗନାଙ୍କ ଉପରେ ଟଙ୍କା ଫୋପଡା ଯାଉଥିଲା, ସେ ସମ୍ପର୍କିତ କିଛି ଦୃଶ୍ୟ ସାମ୍ନାକୁ ଆସିଛି । ଏଥିସହ ହୋଟେଲ ସହ ସମ୍ପର୍କିତ ହାବିଲଦାର ଓ କନେଷ୍ଟବଳ ମହାସଂଘର ସଭାପତି ପ୍ରସନ୍ନ ବେହେରାଙ୍କୁ ଅଟକ ରଖିଛି ପୋଲିସ । ସେପଟେ ତମାଣ୍ଡୋ ଥାନା ଆଇଆଇସିଙ୍କୁ ବଦଳି କରାଯାଇଥିବା ନେଇ ସୂଚନା ଦେଇଛନ୍ତି ଭୁବନେଶ୍ୱର ଡ଼ିସିପି ।
ସାଉଥ ସିଟି ବାରରେ ଯେତେବେଳେ କମିଶନରେଟ୍ ପୋଲିସ୍ ଚଢ଼ାଉ କରିଥିଲା, ଦେଖିବାକୁ ମିଳିଥିଲା କଛିି ରୋଚକ ଦୃଶ୍ୟ । ଚଟାଣ ଉପରେ ବିଛେଇ ହୋଇ ପଡ଼ିଥିଲା ବିଡ଼ା ବିଡ଼ା ନୋଟ୍ । ଅବଶ୍ୟ ଏସବୁ ନକଲି ନୋଟ୍ । ବାର ଭିତରେ ନାଚ ବେଳେ ଉତ୍ସାହିତ ଗ୍ରାହକ ଏହି ନୋଟ୍ ଉଡ଼ାଇ ଥାନ୍ତି । ମନୀଷ ମୃତ୍ୟୁ ମାମଲାରେ ସାମ୍ନାକୁ ଆସିଥିଲା ସାଉଥ ସିଟି ବାର । ମୃତ୍ୟୁ ଦିନ ରାତିରେ ଏହି ବାରରେ ପାର୍ଟି କରିଥିଲେ ମନୀଷ । ଏହାପରେ ବିଲ୍ ପେମେଂଟକୁ ନେଇ ବିବାଦ ହୋଇଥିଲା ଓ ଏହି ବିବାଦକୁ ନେଇ ମନୀଷଙ୍କ ଜୀବନ ଯାଇଥିଲା । ଏହାପରେ ହୋଟେଲକୁ ସିଲ୍ କରିଦେଇଥିଲା ପୋଲିସ୍ ।
Kanak News is now on WhatsApp
Join and get latest news updates delivered to you via WhatsApp
ସେପ୍ଟମ୍ବର ୩୦ ତାରିଖରୁ ବାର ଲାଇସେନ୍ସ ଅବଧି ସରିଛି କିନ୍ତୁ ବେଆଇନ ଭାବେ ସାରା ରାତି ବାର ଚାଲିଥିଲା, ଆଉ ମଦର ଆସର ଜମୁଥିଲା ସେପଟେ ମନୀଷ ଅନୁରାଗ ମୃତ୍ୟୁ ମାମଲାରେ କନେଷ୍ଟବଳ ପ୍ରସନ୍ନ ବେହେରାଙ୍କୁ ନିଲମ୍ବନ କରାଯାଇଛି । ଭାଇଙ୍କ ନାଁରେ ବାର ଲାଇସେନ୍ସ ଆଣି ବେଆଇନ କାରବାର ଚଳାଇଥିଲେ ପ୍ରସନ୍ନ । ପ୍ରସନ୍ନଙ୍କ ସହ ସାଉଥ ସିଟି ହୋଟେଲ ମାଲିକ ପ୍ରଦ୍ୟୁମ୍ନ ଜେନାଙ୍କୁ ପୋଲିସ କବଜାକୁ ନେଇଛି । ତମାଣ୍ଡୋ ଥାନା ଆଇଆଇସିଙ୍କୁ ମଧ୍ୟ ବଦଳି କରାଯାଇଥିବା ନେଇ ସୂଚନା ଦେଇଛନ୍ତି ଭୁବନେଶ୍ୱର ଡ଼ିସିପି ।
ସେପଟେ ମନିଷ ଅନୁରାଗଙ୍କ ହତ୍ୟାକାଣ୍ଡ ମାମଲାରେ ଗିରଫ ଅଭିଯୁକ୍ତଙ୍କର ଲାଏ ଡିଟେକସନ୍ ଟେଷ୍ଟ କରିବା ପାଇଁ ଯୋଜନା କରୁଛି କମିଶନରେଟ୍ ପୁଲିସ । ତିନି ଅଭିଯୁକ୍ତଙ୍କ ୪ ଦିନିଆ ରିମାଣ୍ଡ ଅବଧି ଶେଷ ପରେ ସେମାନଙ୍କୁ ଜେଲକୁ ପଠାଇ ଦିଆଯାଇଛି । ଆବଶ୍ୟକ ପଡିଲେ, ଅଧିକ ତଥ୍ୟ ପାଇଁ ଅଭିଯୁକ୍ତଙ୍କୁ ପୁଣିଥରେ ରିମାଣ୍ଡରେ ଆଣିପାରେ ପୁଲିସ ।