ରହସ୍ୟ ଘେରରେ ମନୀଷ ଅନୁରାଗଙ୍କ ମୃତ୍ୟୁ : ପୋଷ୍ଟମର୍ଟମ ରିପୋର୍ଟକୁ ଅପେକ୍ଷା
କିଛି ଲୋକଙ୍କୁ ପଚରାଉଚରା କରିଥିବା ନେଇ ସୂଚନା; ପୋଖରୀରେ ବୁଡ଼ିବା ପୂର୍ବରୁ ହୋଇଥିଲା କି ମୃତ୍ୟୁ
କନକ ବ୍ୟୁରୋ : ରହସ୍ୟ ଘେରରେ ମନୀଷ ଅନୁରାଗଙ୍କ ମୃତ୍ୟୁର କାରଣ । ରବିବାରଦିନ ପାତ୍ରପଡାରୁ ମନୀଷଙ୍କ ମୃତଦେହ ମିଳିବା ପରେ ୩୬ ଘଂଟାରୁ ଅଧିକ ସମୟ ବିତିଗଲାଣି । କିନ୍ତୁ ଏଯାଏଁ ମୃତ୍ୟୁର ରହସ୍ୟ ଉପରୁ ପରଦା ହଟିପାରିନାହିଁ । ପୁଲିସ ଏହି ଘଟଣାରେ କିଛି ଜଣଙ୍କୁ ପଚରାଉଚରା କରିଥିବା ସୂଚନା ମିଳିଛି । ମନୀଷଙ୍କୁ ଯେଉଁ ହୋଟେଲରେ ଦେଖାଯାଇଥିଲା, ସେହି ହୋଟେଲକୁ ସିଲ କରାଯାଇଛି । ଏବେ ସମସ୍ତଙ୍କ ନଜର ରହିଛି ମନୀଷଙ୍କ ପୋଷ୍ଟମର୍ଟମ ରିପୋର୍ଟ ଉପରେ । ରବିବାରଦିନ ବରିଷ୍ଠ ସାମ୍ବାଦିକ ନବୀନ ଦାସଙ୍କ ପୁଅ ମନୀଷ ଅନୁରାଗଙ୍କ ମୃତଦେହ ପାତ୍ରପଡାର ଏକ ପୋଖରୀରୁ ଉଦ୍ଧାର କରାଯାଇଥିଲା । ମୃତ୍ୟୁର ପ୍ରକୃତ କାରଣ ଏ ଯାଏଁ ଅସ୍ପଷ୍ଟ ହୋଇ ରହିଛି । ତେବେ ପୋଷ୍ଟମର୍ଟମ୍ କରିଥିବା ଡାକ୍ତରଙ୍କ ତଥ୍ୟ ଆଧାରରେ କିଛି ଗଣମାଧ୍ୟମ ପ୍ରକାଶ କରିଛନ୍ତି, ପାଣିରେ ପଡିବା ପୂର୍ବରୁ ତାଙ୍କର ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଗୁଡୁର ପରିବାର ଲୋକଙ୍କ କହିବା ଅନୁଯାୟୀ, ଶନିବାର ବିଳମ୍ବିତ ରାତିରେ ଗୁଡୁକୁ କିଛି ଲୋକ ଅପହରଣ କରିନେଇଛନ୍ତି ବୋଲି ଗୁଡୁ ହିଁ ଫୋନ କରି ଜଣାଇଥିଲା ଏବଂ କିଛି ଟଙ୍କା ପଠାଇବାକୁ କହିଥିଲା । ତେଣୁ ପରିବାର ଲୋକେ ଗୁଡୁଙ୍କ ଆକାଉଣ୍ଟ୍କୁ କିଛି ଟଙ୍କା ପଠାଇଥିଲେ । ଉକ୍ତ ଟଙ୍କା ଗୁଡୁ ଆକାଉଣ୍ଟ୍କୁ ଆସିବା ପରେ କେଉଁଠିକୁ ଯାଇଥିଲା, ପ୍ରଥମେ ସେନେଇ ଖୋଳତାଡ଼ ଆରମ୍ଭ କରିଥିଲା ପୁଲିସ । ବ୍ୟାଙ୍କ ଆକାଉଣ୍ଟ୍ର ତଥ୍ୟ ଛାନ୍ଭିନ୍ କରିବା ପରେ ଜଣାପଡ଼ିଥିଲା ଯେ ଗୁଡୁ ପାତ୍ରପଡ଼ାସ୍ଥିତ ହୋଟେଲ୍ ସାଉଥ୍ ସିଟି ବାର୍କୁ ଟଙ୍କା ଟ୍ରାନ୍ସଫର କରିଥିଲେ । ଏହାପରେ ପୁଲିସ ହୋଟେଲ୍ରେ ପହଞ୍ଚି ବାର୍ ମାଲିକ ଓ କର୍ମଚାରୀଙ୍କୁ ପଚରାଉଚରା କରିଥିଲା । ସେଠାରେ ଥିବା ସିସି କ୍ୟାମେରା ଯାଞ୍ଚରୁ ଜଣାପଡ଼ିଥିଲା ଯେ ଗୁଡୁ ଏକ କାର୍ରେ ଗୁଡୁ ଦୁଇଜଣ ଯୁବକଙ୍କ ସହିତ ବିଳମ୍ବିତ ରାତିରେ ବାର୍ ଭିତରକୁ ଯାଉଛନ୍ତି ।
ସେଠାରେ କିଛି ସମୟ ରହିବା ପରେ ସେମାନେ ଅଲଗା ଅଲଗା ହେଉଛନ୍ତି। ଗୁଡୁଙ୍କ ସହ ଯାଇଥିବା ଜଣେ ଯୁବକ କାର୍ରେ କେଉଁ ଆଡ଼େ ପଳାଇଥିବା ବେଳେ ଅନ୍ୟ ଏକ ଯୁବକଙ୍କ ସହ ଗୁଡୁ ବାଇକ୍ରେ ୧୬ନଂ ଜାତୀୟ ରାଜପଥ ଆଡ଼କୁ ଯାଇଛନ୍ତି । ଏନ୍ଏଚ୍ ପାଖରେ ପୂର୍ବରୁ ଥିବା ଉପସ୍ଥିତ ଥିବା ଅନ୍ୟ ୨ଜଣ ଯୁବକଙ୍କ ସହ ପରେ ଗୁଡୁ ଅନ୍ୟଆଡ଼େ ଯାଉଛନ୍ତି । ତେବେ ଏନ୍ଏଚ୍ରୁ ଏହି ୨ଜଣଙ୍କ ସହ ଗୁଡୁ କେଉଁଆଡ଼କୁ ଯାଇଥିଲେ ଏବଂ ସେ ୨ଯୁବକ କିଏ ଜାଣିବା ଲାଗି ପୁଲିସ ବର୍ତ୍ତମାନ ସେମାନଙ୍କୁ ଖୋଜୁଥିବା ଜଣାପଡ଼ିଛି ।