ପ୍ରଧାନମନ୍ତ୍ରୀଙ୍କୁ ଟାର୍ଗେଟ କଲେ ମଲ୍ଲିକାର୍ଜୁନ ଖଡଗେ । କହିଲେ, ମନ୍ କି ବାତରେ ପ୍ରଧାନମନ୍ତ୍ରୀ କାହିଁକି କହିଲେ ନାହିଁ ମଣିପୁର କଥା ?

କନକ ବ୍ୟୁରୋ : ମଣିପୁରରେ ଲାଗି ରହିଥିବା ହିଂସାକୁ ନେଇ କଂଗ୍ରେସ ଲଗାତର ଭାବେ କେନ୍ଦ୍ର ସରକାରଙ୍କୁ ଟାର୍ଗେଟ କରିବାରେ ଲାଗିଛି । କଂଗ୍ରେସ ବିଶେଷ ଭାବେ ମଣିପୁର ହିଂସା ଘଟଣାରେ କାହିଁକି ପ୍ରଧାନମନ୍ତ୍ରୀ ଚୁପ ରହିଛନ୍ତି ତାହା ଉପରେ ପ୍ରଶ୍ନ କରୁଛି । ଏହି କ୍ରମରେ ରବିବାର ଦିନ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଟ୍ୱିଟ କରି ପ୍ରଧାନମନ୍ତ୍ରୀଙ୍କୁ ଘେରି ଛନ୍ତି । ସେ ପ୍ରଶ୍ନ କରିଛନ୍ତି କି ପ୍ରଧାନମନ୍ତ୍ରୀଙ୍କ ମନ୍ କି ବାତରେ ପ୍ରଥମେ ମଣିପୁର ହିଂସା ସ୍ଥାନ ପାଇବା ଉଚିତ ଥିଲା । ହେଲେ ମଣିପୁର ହିଂସା ବ୍ୟତୀତ ପ୍ରଧାନମନ୍ତ୍ରୀ ଲୋକମାନଙ୍କୁ ଯେଭଳି ମନ୍ କି ବାତ ଶୁଣାଇଲେ ସେଥିରୁ ଅନୁମାନ କରାଯାଉଛି କି, ମଣିପୁର ଭାରତର ଏକ ଅଂଶ ନୁହେଁ ।

କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ମଣିପୁର ହିଂସାକୁ ନେଇ ଚିନ୍ତା ବ୍ୟକ୍ତ କରିବା ସହ ଟ୍ୱିଟରରେ ଲେଖିଛନ୍ତି କି, ସୀବାବର୍ତ୍ତି ରାଜ୍ୟ ମଣିପୁରର ସ୍ଥିତି ଅନିଶ୍ଚିନ୍ତ ଓ ଅତ୍ୟାଧ୍ଚଳ ସମ୍ବେଦନଶୀଳ । ହେଲେ ମନ୍ କି ବାତରେ ପ୍ରଧାନମନ୍ତ୍ରୀ ମଣିପୁର ହିଂସା ଉପରେ ପଦୁଟିଏ ନକହିବା ନେଇ ସେ ପ୍ରଧାନମନ୍ତ୍ରୀଙ୍କୁ ଘେରିଛନ୍ତି । ଏହାସହ ମଣିପୁର ହିଂସାକୁ ନେଇ ଗୃହମନ୍ତ୍ରୀ ବାରମ୍ବାର ବୈଠକ କରୁଥିବା ବେଳେ ପ୍ରଧାନମନ୍ତ୍ରୀ ଗୋଟିଏ ବି ବୈଠକରେ କାହିଁକି ଅଧ୍ୟକ୍ଷତା କଲେ ନାହିଁ ତାହା ଉପରେ ସେ ପ୍ରଶ୍ନ ଉଠାଇଛନ୍ତି ।

.@narendramodi ji,

Your ‘ ’ should have first included ‘ ’, but in vain.

The situation in the border state is precarious and deeply disturbing.

▫️You have not spoken a word.
▫️You have not chaired a single meeting.
▫️You have…

— Mallikarjun Kharge (@kharge) June 18, 2023

ସେପଟେ ମଣିପୁର ହିଂସାକୁ ନେଇ ୧୦ଟି ବିରୋଧୀଦଳର ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବାକୁ ଜୁନ ୧୦ ତାରିଖରୁ ଚିଠି ଲେଖିଛନ୍ତି । ହେଲେ ଏନେଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରୁ କୌଣସି ଉତ୍ତର ମିଳିନାହିଁ ।