କନକ ବ୍ୟୁରୋ : ରାଜ୍ୟରେ ବନ୍ଦ ହୋଇଗଲା ଧାନ ମଣ୍ଡି । ଆଉ ଧାନ ବିକି ପାରିବେନି ଚାଷୀ । ଯୋଗାଣ ମନ୍ତ୍ରୀଙ୍କ ଜିଲ୍ଲାରେ ୧୨ ହଜାର ଚାଷୀ ଧାନ ବିକି ପାରିନାହାନ୍ତି । କେବଳ ସେତିକି ନୁହେଁ, ୫ ହଜାର ଟୋକନର ମଧ୍ୟ ଅବଧି ଶେଷ ହୋଇଯାଇଛି । ତେବେ ବିଧାନସଭାରେ ମନ୍ତ୍ରୀ କହିଥିଲେ, ସବୁ ଚାଷୀଙ୍କଠାରୁ ଧାନ କିଣାଯିବ । ଏଥିପାଇଁ ମାର୍ଚ୍ଚ ୩୧ ଯାଏଁ ଅବଧି ବୃଦ୍ଧି କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଏହି ଅବଧି ଶେଷ ହୋଇଥିଲେ ମଧ୍ୟ ଟୋକନ ପାଇଥିବା ଚାଷୀଙ୍କଠାରୁ ଧାନ କିଣାଯାଇନଥିବା ଅଭିଯୋଗ କରିଛନ୍ତି ବିଜେପି ବିଧାୟକ ପ୍ରଦୀପ ପୁରୋହିତ । ଏପରିକି କେନ୍ଦ୍ର ସରକାରଙ୍କ ଦ୍ୱାରା ଧାର୍ଯ୍ୟ ଦରରେ ଚାଷୀଙ୍କଠାରୁ ଧାନ କିଣା ଯାଇନଥିବା ସେ ଅଭିଯୋଗ ବାଢିଛନ୍ତି । ତେଣୁ ଏହାର ତଦନ୍ତ ଦାବି କରିଛନ୍ତି ବିଜେପି ବିଧାୟକ । ଅନ୍ୟପକ୍ଷରେ ବିଜେଡି କହିଛି ଏଥର ୧୮ ପ୍ରତିଶତ ଅଧିକ ଧାନ କିଣାଯାଇଛି । ମଣ୍ଡି ସମସ୍ୟାକୁ ନେଇ ବିଧାନସଭାରେ ଆଲୋଚନା କରିବାକୁ ସେ ପ୍ରସ୍ତାବ ଦେଇଛନ୍ତି ।