ସୁନା ଗହଣା ଉପରେ ହଲମାର୍କ ବାଧ୍ୟତା ମୂଳକ ହେବା ପରେ ଘରେ ରହିଥିବା ବିନା ହଲମାର୍କ ସୁନାକୁ ନେଇ ଚିନ୍ତାରେ ଲୋକେ । ଜାଣନ୍ତୁ ଏହାକୁ ନେଇ କ’ଣ ରହିଛି ସରକାରଙ୍କ ନିମୟ
କନକ ବ୍ୟୁରୋ : ସରକାର ସୁନାର କ୍ରୟ ଓ ବିକ୍ରୟ ଉପରେ ହଲମାର୍କିଂ ବାଧ୍ୟତା ମୂଳକ କରିବା ପରେ ଘରେ ରହିଥିବା ବିନା ହଲମାର୍କ ସୁନା ଗହଣାକୁ ନେଇ ଚିନ୍ତାରେ ଲୋକେ । ଏହାକୁ ବିକ୍ରି କରିବା ଠାରୁ ପୁଣି ସୁନା ବନ୍ଧକ ଋଣ ପର୍ଯ୍ୟନ୍ତ ଏହାକୁ କେମିତି ବ୍ୟବହାର କରିବେ ତାହାକୁ ନେଇ ଲୋକମାନଙ୍କ ମନରେ ଦ୍ୱନ୍ଦ ଦେଖା ଦେଇକ୍ତି । ଏନେଇ ବିନା ହଲମାର୍କ ଗହଣା ଓ ସୁନା ଉପରେ ସରକାର ଏଭଳି କିଛି ନିୟମ ଜାରି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାର ସୁନା ଗହଣା ଠାରୁ ପୁଣି ସୁନାର କ୍ରୟ ବିକ୍ରୟ ନେଇ ନୂଆ ଗାଇଡ ଲାଇନ୍ ଜାରି କରିସାରିଛନ୍ତି । ସରକାରଙ୍କ ଗାଇଡ ଲାଇନ ମୁତାବକ ବିନା ହଲମାର୍କରେ ସୁନା ବା ସୁନା ଗହଣା ବିକ୍ରି କରି ପାରିବେ ନାହିଁ ଗହଣା ଦୋକାନୀ । ଏଭଳି ସ୍ଥଳେ ଲୋକଙ୍କ ମନରେ ପ୍ରଶ୍ନ ଉଠୁଛି ଯେ ସେମାନଙ୍କ ନିକଟରେ ଥିବା ସୁନା ଗହଣା ବା ସୁନାକୁ ସେମାନେ କିଭଳି ବିକ୍ରି କରିପାରିବେ । ଏହାସହ ସେମାନେ ଭାବୁଛନ୍ତି କି ବିନା ହଲମାର୍କରେ ଥିବା ଗହଣାକୁ ସେମାନେ କିଭଳି ଭାବେ ହଲମାର୍କିଂ କରିପାରିବେ ।
କହିରଖୁ କି ଭାରତୀୟ ମାନେ ବହୁତ ସୁନା ପ୍ରିୟ । ସେମାନେ ପ୍ରତି ପର୍ବପର୍ବାଣୀ ଓ ବାହାଘର ଆଦିରେ ସୁନା କିଣିବାକୁ ଚେଷ୍ଟା କରିଥାନ୍ତି । ହେଲେ ସରକାର ହଠାତ୍ ସୁନା ହଲମାର୍କିଂ ନିୟମ ଲାଗୁ କରିବା ପରେ ଏହାକୁ ନେଇ ଲୋକମାନଙ୍କ ମନରେ ଅନେକ ପ୍ରଶ୍ନ ଉଠୁଛି ।
ଲୋକ ମାନଙ୍କ ମନରେ ଉଠୁଥିବା ଏଭଳି ପ୍ରଶ୍ନକୁ ନେଇ ସରକାର ସ୍ପଷ୍ଟ କରିଛନ୍ତି କି, ଗହଣା ଦୋକାନୀ ବା ସୁନା ବ୍ୟବସାୟୀମାନେ ଗ୍ରାହକମାନଙ୍କ ଠାରୁ ବିନା ହଲମାର୍କିଂରେ ସୁନା କିମ୍ବା ସୁନାର ଗହଣା କିଣିପାରିବେ । ଅର୍ଥାତ ଲୋକମାନଙ୍କ ପାଖରେ ଥିବା ସୁନା କିମ୍ବା ସୁନା ଗହଣା ବିକ୍ରି କରିବା ବେଳେ ସରକାରଙ୍କ ହଲମାର୍କିଂ ନିୟମ ଲାଗୁ ହେବ ନାହିଁ । ହେଲେ ସାରା ଦେଶର ୨୫୬ ଜିଲ୍ଲାରେ ଜୁନ ୧୬ ତାରିଖ ଠାରୁ ଗହଣା ବ୍ୟବସାୟୀ ମାନେ କେବଳ ହଲମାର୍କିଂ ସୁନା ଗହଣା ବିକ୍ରି କରିପାରିବେ ।
ଅନ୍ୟପଟେ ଗ୍ରାହକମାନଙ୍କ ଠାରୁ ସୁନା ବ୍ୟବସାୟୀ ବା ଗହଣା ଦୋକାନୀ ମାନେ ବିନା ହଲମାର୍କିଂ ସୁନା ବା ସୁନାର ଗହଣା କିଣି ତାକୁ ପୁଣି ନିୟମ ମୁତାବକ ହଲମାର୍କିଂ କରିପାରିବେ ।