ମାନସଙ୍କ ହତ୍ୟା ଦିନଠୁ ଶର୍ମିଷ୍ଠା ଗିରଫ ପର୍ଯ୍ୟନ୍ତ, କିଛି ଏପରି ଥିବା ପୂରା ଘଟଣାକ୍ରମ । 

କନକ ବ୍ୟୁରୋ : ପ୍ରାୟ ଦେଢ ମାସ ପରେ ଗିରଫ ହେଲେ ମୁଖ୍ୟ କାର୍ପଟଦାର ଶର୍ମିଷ୍ଠା ରାଉତ । କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟା ମାମଲାକୁ ନେଇ ପ୍ରାୟ ଦେଢ ମାସ ହେବ ବିବାଦ ଲାଗିରହିଥିଲା । ହତ୍ୟାକାଣ୍ଡ ଘଟଣା ସାମ୍ନାକୁ ଆସିବା, ପରେ ଜଣେ ପରେ ଜଣେ ଗିରଫ ହେବା ଆଉ ଶର୍ମିଷ୍ଠା ରାଉତ ଫେରାର ହେବା, ଆଉ ଆଜି ପୋଲିସ ତାଙ୍କୁ ଗିରଫ କରିବା, ମାମଲାକୁ ଦେଢ ମାସ ବିତିଯାଇଛି । ତେବେ ଆସନ୍ତୁ ଜାଣିବା କେମିତି ଥିବା ପୂରା ଘଟଣାକ୍ରମ

- ୭ ଫେବ୍ରୁଆରୀ ୨୦୨୨ରେ ମାନସଙ୍କୁ ଅପହରଣ କରାଗଲା

- ଚାନ୍ଦବାଲି ପଳାଶପୁର ନିକଟରୁ କରାଯାଇଥିଲା ଅପହରଣ

- ଶର୍ମିଷ୍ଠାଙ୍କ ହ୍ୟୁଣ୍ଡାଇ କାରରେ ଜବରଦସ୍ତ ଅପହରଣ କରାଯାଇଥିଲା

- କାରରେ ମାନସଙ୍କୁ ନିସ୍ତୁକ ମାଡ ମରାଯାଇଥିଲା

- ଅପହରଣ ପୂର୍ବରୁ ଚିପ୍ କୁଆଡେ ଗଲା କହି ମାନସଙ୍କୁ ଚାପୁଡା ମାରିଥିଲେ ଶର୍ମିଷ୍ଠା

- ଅପହରଣ କରି ମାନସଙ୍କୁ ଭୁବନେଶ୍ୱର ଉପକଣ୍ଠ ଦୟାଲ ଆଶ୍ରମକୁ ଅଣାଯାଇଥିଲା

- ଆଶ୍ରମରେ ମଧ୍ୟ ତାଙ୍କୁ ଏକ କୋଠରୀରେ ପୁରାଇ ମାଡ ମରାଯାଇଥିଲା

- ୧୪ ଫେବ୍ରୁଆରୀରେ ମାନସଙ୍କ ପରିବାର ଲୋକ ଚାନ୍ଦବାଲି ଥାନରେ ନିଖୋଜ ଏତଲା ଦେଇଥିଲେ

- ଦୁଇ ଥର ଶର୍ମିଷ୍ଠାଙ୍କୁ ଥାନାକୁ ଡାକି ପଚରାଉଚରା କରି ଛାଡି ଦେଇଥିଲା ଚାନ୍ଦବାଲି ପୋଲିସ

- ପ୍ରଥମେ ୩ ଅଭିଯୁକ୍ତଙ୍କୁ ଗିରଫ କରିବା ପରେ ୧୨ ମାର୍ଚ୍ଚରେ ମାଟି ତଳେ ପୋତା ଯାଇଥିବା ମାନସଙ୍କ ମୃତଦେହକୁ ଉଦ୍ଧାର କରାଯାଇଥିଲା

- ନୟାଗଡ ଜିଲ୍ଲା ରଣପୁର ଥାନା ବଧିପାଟଣା ନିକଟସ୍ଥ ପାହାଡ ତଳୁ ଉଦ୍ଧାର ହୋଇଥିଲା ମାନସଙ୍କ ମୃତଦେହ

- ମାଟିତଳୁ ମାନସଙ୍କ ମୃତଦେହ ମିଳିବା ପରେ ନୂଆ ନୂଆ ତଥ୍ୟ ସାମ୍ନାକୁ ଆସିବାରେ ଲାଗିଲା

- ହତ୍ୟାକାଣ୍ଡରେ ସୂଚନା ଓ ଲୋକସମ୍ପର୍କ ବିଭାଗର ତତ୍କାଳୀନ ନିର୍ଦ୍ଦେଶକ ନିରଞ୍ଜନ ସେଠୀଙ୍କ ସମ୍ପୃକ୍ତି ନେଇ ପ୍ରମାଣ ମିଳିଲା

- ମାର୍ଚ୍ଚ ୨୧ ତାରିଖରେ ସୂଚନା ଓ ଲୋକସମ୍ପର୍କ ବିଭାଗର ତତ୍କାଳୀନ ନିର୍ଦ୍ଦେଶକ ନିରଞ୍ଜନ ସେଠୀଙ୍କୁ ଗିରଫ କରାଗଲା

- ମାର୍ଚ୍ଚ ୨୩ ତାରିଖରେ କ୍ରାଇମବ୍ରାଞ୍ଚକୁ ଘଟଣାର ତଦନ୍ତ ଭାର ଦିଆଗଲା

- ମାର୍ଚ୍ଚ ୨୮ ତାରିଖରେ ଭଦ୍ରକ ପୋଲିସ ଓ କ୍ରାଇମବ୍ରାଞ୍ଚର ମିଳିତ ଟିମ ଶର୍ମିଷ୍ଠା ରାଉତ ଓ ତାଙ୍କ ସହଯୋଗୀ ଝୁନା ଭୋଇଙ୍କୁ ଗିରଫ କଲା

- ଭଦ୍ରକ ଜିଲ୍ଲା ନଳାଙ୍ଗରୁ ଉଭୟ ଗିରଫ ହେଲେ