କନକ ବ୍ୟୁରୋ: କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟା ମାମଲାରେ ବଡ଼ ଖୁଲାସା । ମାନସ ହତ୍ୟା ମାମଲାରେ ଅବସରପ୍ରାପ୍ତ ଓଆଇଏସ୍ ନିରଞ୍ଜନ ସେଠୀ ଓ ଭୁବନେଶ୍ୱର ରାଜ କମ୍ୟୁନିକେସନର ମୁଖ୍ୟ ଗିରଫ । ଏନେଇ ସୂଚନା ଦେଲା ଚାନ୍ଦବାଲି ପୋଲିସ । ହତ୍ୟାକାଣ୍ଡ ପଛରେ ନିରଞ୍ଜନ ସେଠୀଙ୍କ ସମ୍ପୃକ୍ତି ରହିଛି । ହତ୍ୟା ଯୋଜନା, ଶବକୁ ନଷ୍ଟ କରିବାରେ ସମ୍ପୃକ୍ତି ରହିଥିବା ପୋଲିସ କହିଛି । ଅନ୍ୟ ପକ୍ଷରେ ଶର୍ମିଷ୍ଠା, ଝୁନାଙ୍କୁ ଏବେ ବି ଖୋଜୁଛି ପୋଲିସ୍ । ତେବେ ଗୋଟିଏ ଚିପ୍ ପାଇଁ ହିଁ ଏହି ହତ୍ୟାକାଣ୍ଡ, ସେ ଚିପରେ କ’ଣ ଅଛି ଜଣାପଡ଼ିନି, ପୋଲିସ ହାତରେ ଏ ପର୍ଯ୍ୟନ୍ତ ସେ ଚିପ୍ ମିଳୁନି ।