ମାନସ ହତ୍ୟା ମାମଲା: ସେ ‘ଚିପ୍’ରେ ଅଛି କ’ଣ? କାହିଁକି ଗୋଟିଏ ଚିପ୍ ପାଇଁ ମାନସକୁ ମାରିଦେଲେ?

କନକ ବ୍ୟୁରୋ: ମାନସ ହତ୍ୟା ପଛରେ କେବଳ ଗୋଟିଏ ‘ଚିପ୍’ର ଭୂମିକା ରହିଛି । ସେଥିରେ କ’ଣ ଅଛି ତାହା ଏଯାଏଁ ସ୍ପଷ୍ଟ ହୋଇନି । ଏହି ଚିପ୍ ପାଇଁ ହିଁ କ୍ୟାମେରାମ୍ୟାନ୍ ମାନସ ସ୍ୱାଇଁକୁ ହତ୍ୟା କରାଯାଇଛି ବୋଲି ସ୍ପଷ୍ଟ କରିଛି ଭଦ୍ରକ ଚାନ୍ଦବାଲି ପୋଲିସ । ଏହି ଘଟଣାରେ ବଡ଼ ଖୁଲାସା କରି ହତ୍ୟା ମାମଲାରେ ଅବସରପ୍ରାପ୍ତ ଓଆଇଏସ୍ ନିରଞ୍ଜନ ସେଠୀ ଓ ଭୁବନେଶ୍ୱର ରାଜ୍ କମ୍ୟୁନିକେସନର ମୁଖ୍ୟ ଗିରଫ । ଏନେଇ ସୂଚନା ଦେଇଛି ଚାନ୍ଦବାଲି ପୋଲିସ । ହତ୍ୟାକାଣ୍ଡ ପଛରେ ନିରଞ୍ଜନ ସେଠୀଙ୍କ ସମ୍ପୃକ୍ତି ରହିଛି । ହତ୍ୟା ଯୋଜନା, ଶବକୁ ନଷ୍ଟ କରିବାରେ ସମ୍ପୃକ୍ତି ରହିଥିବା ପୋଲିସ କହିଛି । ଅନ୍ୟ ପକ୍ଷରେ ଶର୍ମିଷ୍ଠା, ଝୁନାଙ୍କୁ ଏବେ ବି ଖୋଜୁଛି ପୋଲିସ୍ ।

ଅନ୍ୟପଟେ ଯେଉଁ ଚିପ୍ ପାଇଁ ହିଁ ଏହି ହତ୍ୟାକାଣ୍ଡ ଘଟିଛି ସେ ଚିପରେ କ’ଣ ଅଛି ଜଣାପଡ଼ିନି । ଅଶ୍ଳୀଳ କ୍ଳିପ୍ ଥିବା ଚର୍ଚ୍ଚାକୁ ସ୍ୱୀକାର କରିନାହିଁ ପୋଲିସ, କିନ୍ତୁ ପୋଲିସ ହାତରେ ଏ ପର୍ଯ୍ୟନ୍ତ ସେ ଚିପ୍ ଲାଗିନି ବୋଲି କହିଛି ପୋଲିସ୍ ।