ରାଜ୍ୟ ସରକାରଙ୍କ ଉପଦେଷ୍ଟା (ଗଣମାଧ୍ୟମ ଓ ଲୋକସମ୍ପର୍କ) ଭାବେ ଦାୟିତ୍ୱ ନେଲେ ମାନସ ମଙ୍ଗରାଜ । କହିଲେ, ମୁଖ୍ୟମନ୍ତ୍ରୀଙ୍କ ‘୫-ଟି’ ମନ୍ତ୍ର ଆଧାରରେ କାର୍ଯ୍ୟ କରାଯିବ ।
ଦାୟିତ୍ୱ ଗ୍ରହଣ କରିବା ଅବସରରେ ମାନସ ମଙ୍ଗରାଜ ବିଭଗୀୟ ଅଧିକାରୀଙ୍କ ସହ ଆଲୋଚନା କରିଛନ୍ତି । ଏହି ସମୟରେ ମୁଖ୍ୟମନ୍ତ୍ରୀଙ୍କ ୫-ଟି ମନ୍ତ୍ରକୁ କାର୍ଯ୍ୟକାରୀ କରିବାରେ ସେ ନିଜେ ଯତ୍ନବାନ ହେବା ସଙ୍ଗେ ସଙ୍ଗେ ଏଥିପାଇଁ ଅଧିକାରୀମାନଙ୍କ ସହଯୋଗ ଲୋଡ଼ଛନ୍ତି ।
କନକ ବ୍ୟୁରୋ: ରାଜ୍ୟ ସରକାରଙ୍କ ଉପଦେଷ୍ଟା (ଗଣମାଧ୍ୟମ ଓ ଲୋକସମ୍ପର୍କ) ଭାବେ ଦାୟିତ୍ୱ ଗ୍ରହଣ କଲେ ମାନସ ମଙ୍ଗରାଜ । ବିଜ୍ଞପ୍ତି ଅନୁସାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ତାଙ୍କର ଦାୟିତ୍ୱ ଗ୍ରହଣ ପତ୍ର ପଠାଇବା ପରେ ତୁରନ୍ତ ସୂଚନା ଓ ଲୋକସମ୍ପର୍କ ବିଭାଗର ଉପଦେଷ୍ଟା ଭାବେ ଦାୟିତ୍ୱ ଗ୍ରହଣ କରିଛନ୍ତି ମାନସ । ତେବେ ଦାୟିତ ନେବା ପରେ ମାନସ ମଙ୍ଗରାଜ କହିଛନ୍ତି କି, ମୁଖ୍ୟମନ୍ତ୍ରୀଙ୍କ ‘୫-ଟି’ ମନ୍ତ୍ରକୁ ନେଇ ସମସ୍ତ ସରକାରୀ ବିଭାଗ ସହ ସମନ୍ୱୟ ରକ୍ଷା କରି କାର୍ଯ୍ୟ କରିବି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଲା କି, ପଂଚମ ଥର ପାଇଁ ରାଜ୍ୟରେ ବିଜୁ ଜନତା ଦଳ ସରକାରକୁ ଆସିବା ପରେ ଅନେକ ଜନହିତକାରୀ ଯୋଜନା ସହ ବିଭିନ୍ନ ପଦକ୍ଷେପ ଗ୍ରହଣ କରୁଛନ୍ତି । ତେଣୁ ଏହାର ଯଥେଷ୍ଟ ପ୍ରଚାର ପ୍ରସାର ତଥା ଆହୁରି ଲୋକାଭିମୁଖୀ କରିବା ପାଇଁ ଗତ ୭ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମାନସ ମଙ୍ଗରାଜଙ୍କୁ ଗଣମାଧ୍ୟମ ଓ ଲୋକସମ୍ପର୍କ ଉପଦେଷ୍ଟା ଭାବେ ରାଷ୍ଟ୍ରପାହ୍ୟା ପ୍ରଦାନ କରି ନିଯୁକ୍ତି ଦେଇଥିଲେ । ଚିଲିକା ନିର୍ବାଚନମଣ୍ଡଳୀରୁ ଆସୁଥିବା ମାନସ ମଙ୍ଗରାଜ ସାମ୍ବାଦିକଙ୍କ ସମସ୍ୟା ଓ ଗଣମାଧ୍ୟମ ସମସ୍ୟା ଦୂର କରିବା ଦିଗରେ ଅଧିକ ଫୋକସ ଦେବା ସହ ମୁଖ୍ୟମନ୍ତ୍ରୀଙ୍କ ୫-ଟି ମନ୍ତ୍ରକୁ ସୁପରିଚାଳନା ପାଇଁ ସଂକଳ୍ପ କରିଛନ୍ତି ।
ଗଣମାଧ୍ୟମ ଓ ଲୋକସଂପର୍କ ଉପଦେଷ୍ଟା ଭାବେ ଦାୟିତ୍ୱ ଗ୍ରହଣ କଲେ ମାନସ ମଙ୍ଗରାଜ । ମୁଖ୍ୟମନ୍ତ୍ରୀଙ୍କ ‘୫-ଟି’ ମନ୍ତ୍ରକୁ ନେଇ ସମସ୍ତ ସରକାରୀ ବିଭାଗ ସହ ସମନ୍ୱୟ ରକ୍ଷା କରି କାର୍ଯ୍ୟ କରିବେ ବୋଲି କହିଛନ୍ତି ମାନସ ମଙ୍ଗରାଜ @IPR_Odisha @ManasMangaraj6 #Odisha pic.twitter.com/LfySk4o8nE
— Kanak News (@kanak_news) September 11, 2019
ଅନ୍ୟପଟେ ଦାୟିତ୍ୱ ଗ୍ରହଣ କରିବା ଅବସରରେ ମାନସ ମଙ୍ଗରାଜ ବିଭଗୀୟ ଅଧିକାରୀଙ୍କ ସହ ଆଲୋଚନା କରିଛନ୍ତି । ଏହି ସମୟରେ ମୁଖ୍ୟମନ୍ତ୍ରୀଙ୍କ ୫-ଟି ମନ୍ତ୍ରକୁ କାର୍ଯ୍ୟକାରୀ କରିବାରେ ସେ ନିଜେ ଯତ୍ନବାନ ହେବା ସଙ୍ଗେ ସଙ୍ଗେ ଏଥିପାଇଁ ଅଧିକାରୀମାନଙ୍କ ସହଯୋଗ ଲୋଡ଼ିଛନ୍ତି । ଏପରିକି ଅଗାମୀ ଦିନରେ ଗଣମାଧ୍ୟମ ଓ ଲୋକ ସମ୍ପର୍କ ବିଭାଗ, ସମ୍ବାଦ ପତ୍ର ଏବଂ ସମସ୍ତ ସରକାରୀ ବିଭାଗ ସହ କିଭଳି ସମନ୍ୱୟ ରକ୍ଷା କରି ମୁଖ୍ୟମନ୍ତ୍ରୀଙ୍କ ‘୫-ମନ୍ତ୍ର’ ଆଧାରରେ କାର୍ଯ୍ୟ କରାଯିବ , ସେନେଇ ଦିଆଯିବ ବୋଲି ମାନସ ମଙ୍ଗରାଜ କହିଛନ୍ତି । ତେବେ ଦାୟିତ୍ୱ ଗ୍ରହଣ ଅସରରେ ମାନସ ମଙ୍ଗରାଜଙ୍କୁ ବିଭାଗର ନିର୍ଦ୍ଦେଶକ କୃପାସିନ୍ଧୁ ମିଶ୍ର , ଅତିରିକ୍ତ ନିର୍ଦ୍ଦେଶକ ନିରଞ୍ଜ ସେଠୀ , ଡଃ. ଲେନିନ୍ ମହାନ୍ତି , ଯୁଗ୍ମ ନିର୍ଦ୍ଦେଶକ ବିପିନି ବିହାରୀ ବାରିକଙ୍କ ସହ ବରିଷ୍ଠ ଅଧିକାରୀ ଏବଂ କର୍ମଚାରୀମାନଙ୍କ ତରଫରୁ ସ୍ୱାଗତ କରାଯାଇଥିଲା ।