ଆଜି ପୁଣି ବସିବ ଶ୍ରୀମନ୍ଦିର ପରିଚାଳନା କମିଟି ବୈଠକ: ରଥଯାତ୍ରା ହେବ ନା ନାହିଁ ସେ ବାବଦରେ ହେବ ଆଲୋଚନା; ସେପଟେ ରଥ ନିର୍ମାଣ କାମ ଆରମ୍ଭ କରିବାକୁ ଦଇତାପତି ନିଯୋଗର ଦାବି
କନକ ବ୍ୟୁରୋ: ଆଜି ବସିବ ଶ୍ରମନ୍ଦିର ପରିଚାଳନ କମିଟି ବୈଠକ । ଗଜପତି ମହାରାଜା ଦିବ୍ୟସିଂହ ଦେବଙ୍କ ଅଧ୍ୟକ୍ଷତାରେ ବସିବ ବୈଠକ । ବୈଠକରେ ମନ୍ଦିର ମୁଖ୍ୟ ପ୍ରଶାସକ, ଜିଲ୍ଲାପାଳ, ଏସପି ଓ ପରିଚାଳନା କମିଟିର ସଦସ୍ୟ ଯୋଗଦେବେ । ଭିଡିଓ କନଫରେନ୍ସିଂ ଜରିଆରେ ହେବ ଆଲୋଚନା । ବୈଠକରେ ରଥଯାତ୍ରା ସମ୍ପର୍କରେ ଆଲୋଚନା ହୋଇପାରେ । ମେ ୩ ତାରିଖରେ ଦ୍ୱିତୀୟ ପର୍ଯ୍ୟାୟ ଲକଡାଉନ ଶେଷ ହେବା ପରେ ସରକାରଙ୍କ ପରବର୍ତି ନିର୍ଦ୍ଦେଶାବଳୀ ଅନୁଯାୟୀ ରଥଯାତ୍ରା ସମ୍ପର୍କୀତ ନିଷ୍ପତି ନିଆଯିବ ବୋଲି ପୂର୍ବରୁ ସୂଚନା ଦେଇଥିଲେ ଗଜପତି ।
Kanak News is now on WhatsApp
Join and get latest news updates delivered to you via WhatsApp
ହେଲେ, ଲକଡାଉନ ଅବଧି ବୃଦ୍ଧି ପରେ ଏବେ ରଥଯାତ୍ରା ହେବ କି ନାହିଁ ସେ ନେଇ ଆଜିର ବୈଠକରେ ଆଲୋଚନା ହୋଇପାରେ ବୋଲି କୁହାଯାଉଛି । ତେବେ ପୁରୀ ଜିଲ୍ଲା ଗ୍ରୀନ ଜୋନରେ ରହିଥିବାରୁ କଟକଣା ଭିତରେ ରଥ ନିର୍ମାଣ କାର୍ଯ୍ୟ ଆରମ୍ଭ କରିବାକୁ ଦାବି କରିଥିଲେ ପରିଚାଳନା କମିଟିର ସଦସ୍ୟ ତଥା ବରିଷ୍ଠ ସେବାୟତ । ତେବେ ବୈଠକରେ କଣ ନିଷ୍ପତି ନିଆଯାଉଛି ତା ଉପରେ ସମସ୍ତଙ୍କ ନଜର ରହିଛି ।
ସେପଟେ ଆଜି ଅପରାହ୍ନରେ ପରିଚାଳନା କମିଟି ବୈଠକ ବସିବାକୁ ଥିବାବେଳେ ରଥ ନିର୍ମାଣ କାମ ଆରମ୍ଭ କରିବାକୁ ଦାବି କରିଛି ଦଇତାପତି ନିଯୋଗ । ନିଯୋଗ କହିଛି, ପୁରୀ ଗ୍ରୀନ ଜୋନରେ ଥିବାରୁ ରଥ ନିର୍ମାଣରେ କୌଣସି ସମସ୍ୟା ନାହିଁ ।