ଦିଲ୍ଲୀର ଶାହିନବାଗ ଅଞ୍ଚଳରେ ଫୁଟିଲା ଗୁଳି । ସିଏଏକୁ ନେଇ ବିରୋଧ ଚାଲିଥିବା ବେଳେ ଜଣେ ଯୁବକ ଗୁଳିଚାଳନା କରିଥିବା ଜଣାପଡିଛି । ଘଟଣା ପରେ ପୁଲିସ ଯୁବକଙ୍କୁ ଅଟକ ରଖି ପଚରାଉଚରା ଆରମ୍ଭ କରିଛି। ଘଟଣାଟି ଜସୋଲା ରେଡ୍ ଲାଇଟ୍ ଅଞ୍ଚଳରେ ସନ୍ଧ୍ୟାରେ ଘଟିଥିବା ବେଳେ ଏହି ଗୁଳିକାଣ୍ଡରେ କେହି ମୃତାହତ ହୋଇନଥିବା ଜଣାପଡ଼ିଛି। ଯୁବକଜଣଙ୍କ ପ୍ରଥମେ ଫାଙ୍କା ଗୁଳିଚାଳନା କରିବା ପରେ ସେଠାରେ ଉପସ୍ଥିତ ଥିବା ପୁଲିସ ଯୁବକଙ୍କୁ କାବୁ କରିନେଇଥିଲା। ଏହି ସମୟରେ ଯୁବକଜଣଙ୍କ କହିଥିଲେ, ‘ଏ ଦେଶରେ କାହାର ରାଜୁତି ଚାଲିବନି। କେବଳ ହିନ୍ଦୁମାନଙ୍କ ରାଜୁତି ଚାଲିବ।’ ଅଭିଯୁକ୍ତର ନାଁ କପିଲ ଗୁଜ୍ଜର ବୋଲି ଚିହ୍ନଟ କରାଯାଇଥିବା ବେଳେ ସେ ପୂର୍ବ ଦିଲ୍ଲୀର ଦଲ୍ଲୁପୁରା ଗାଁର ବାସିନ୍ଦା ବୋଲି ଜଣାପଡ଼ିଛି।
Kanak News is now on WhatsApp
Join and get latest news updates delivered to you via WhatsApp
#WATCH Delhi: Man who fired bullets in Shaheen Bagh has been taken away from the spot by police. The man claims to be Kapil Gujjar, a resident of Dallupura village (near Noida border). pic.twitter.com/6xHxREQOe1
— ANI (@ANI) February 1, 2020
ଦିଲ୍ଲୀର ଶାହିନ୍ ବାଗରେ ଗତ ଦେଢ଼ ମାସ ହେଲାଣି ଲୋକେ ସିଏଏକୁ ବିରୋଧ କରି ଆନ୍ଦୋଳନରେ ବସିଥିବା ବେଳେ ଆଜି ଏଭଳି ଗୁଳିକାଣ୍ଡ ଘଟିଛି। ତେବେ ପୂର୍ବରୁ ଦିଲ୍ଲୀର ଜାମିଆ ନିକଟରେ ସିଏଏ ବିରୋଧୀ ବିକ୍ଷୋଭ ଚାଲିଥିବା ବେଳେ ଜଣେ ଛାତ୍ର ବିକ୍ଷୋଭକାରୀଙ୍କ ଉପରକୁ ଗୁଳିମାଡ଼ କରିଥିଲା। ଏହି ଗୁଳିକାଣ୍ଡରେ ଜଣେ ଜାମିଆ ଛାତ୍ରଙ୍କ ହାତରେ ଗୁଳି ବାଜିବାରୁ ତାଙ୍କୁ ସଙ୍ଗେ ସଙ୍ଗେ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
#WATCH Delhi: Man who had fired bullets in Shaheen Bagh area being taken away from the spot by police. pic.twitter.com/lenDhRcWGD
— ANI (@ANI) February 1, 2020
ତେବେ ପୁଲିସ ଅଟକ ରଖି ପଚରାଉଚରା କରିବା ପରେ ନିଜର ନାଁ ରାମଭକ୍ତ ଗୋପାଳ ବୋଲି କହିବା ସହ ସେ ଶାହିନ୍ ବାଗକୁ ଯାଇ ଗୁଳିଚାଳନା କରିବାକୁ ଚାହୁଥିବା କଥା କହିଥିଲା ଅଭିଯୁକ୍ତ। ଅଟୋ ଚାଳକ ଆଗକୁ ନ ଯିବାରୁ ଅଭିଯୁକ୍ତ ଜାମିଆରେ ଓହ୍ଲାଇ ଛାତ୍ର-ଛାତ୍ରୀଙ୍କୁ ବିରୋଧ ପ୍ରଦର୍ଶନ କରୁଥିବାର ଦେଖିଥିଲା। ଯାହା ପରେ ସେ ଶାହିନ୍ ବାଗ ନଯାଇ ଜାମିଆ ଛାତ୍ରଙ୍କ ଉପରକୁ ଗୁଳି ଚଳାଇବା ପାଇଁ ନିଷ୍ପତ୍ତି ନେଇଥିବା ପୁଲିସକୁ ଜଣାଇଥିଲା ଅଭିଯୁକ୍ତ। ଏହା ସହ ଘଟଣା ପୂର୍ବରୁ ଫେସବୁକରେ ଲାଇଭ୍ ଭିଡିଓ କରିଥିବା ମଧ୍ୟ ପରେ ସାମ୍ନାକୁ ଆସିଥିଲା। ଏହି ଘଟଣାର ଦୁଇ ଦିନ ପରେ ଆଜି ଶାହିନ୍ ବାଗରେ ସମାନ ଘଟଣା ଘଟିଛି।