ଅର୍ଡର କରିଥିଲେ ଦାମୀ ଆଇଫୋନ୍ । ପ୍ୟାକେଟରୁ ବାହାରିଲା ଦି ଟେଳା ମାଟି
କନକ ବ୍ୟୁରୋ: ଅର୍ଡର କରିଥିଲେ ଦାମୀ ଆଇଫୋନ୍ ପ୍ୟାକେଟରୁ ବାହାରିଲା ଦି ଟେଳା ମାଟିଏଭଳି ଘଟଣା ଦେଖିବାକୁ ମିଳିଛି ପଶ୍ଚିମବଙ୍ଗ ଅସାନୋଲ ଅଞ୍ଚଳରେ । ଜଣେ ବ୍ୟକ୍ତି ଅନଲାଇନରେ ଦାମୀ ଆଇ ଫୋନ୍ ୪୦ ପ୍ରୋ ମ୍ୟାକ୍ସ ମଗାଇଥିଲେ । ଏଥିପାଇଁ ଅନଲାଇନରେ ୧ ଲକ୍ଷ ୭୦ ହଜାର ଟଙ୍କା ପେମେଣ୍ଟ ମଧ୍ୟ କରିସାରିଥିଲେ । ହେଲେ ଡେଲିଭରୀରେ ଯାହା ପାଇଲେ ସେଥିରେ ତାଙ୍କର ହୋସ୍ ଉଡିଗଲା ।
Kanak News is now on WhatsApp
Join and get latest news updates delivered to you via WhatsApp
ଆଇ ଫୋନ୍ ବଦଳରେ ପ୍ୟାକେଟରୁ ମିଳିଲା ଦି ଟେଳା ଚିକିଟା ମାଟି! ଏଭଳି ଘଟଣା ଘଟିଛି ପଶ୍ଚିମବଙ୍ଗ ଆସାନୋଲ ଅଞ୍ଚଳରେ ଜନୈକ ବ୍ୟକ୍ତିଙ୍କ ସହ । ବ୍ୟକ୍ତି ଜଣଙ୍କର ଅନେକ ଦିନରୁ ଆଇ ଫୋନ୍ କିଣିବକୁ ଇଚ୍ଛା ଥିଲା । ଅନଲାଇନରେ ଏନେଇ ସର୍ଚ୍ଚ କରିଥିଲେ । ଉଚିତ ଅର୍ଥ ଠାରୁ ଭଲ ଅଫର ଥିଲା । ତେଣୁ ସେ ଅନଲାଇନ୍ ଅର୍ଡର କରିଥିଲେ । ଏଥିପାଇଁ ସେ ଅନଲାଇନ୍ ପେମେଣ୍ଟ ମଧ୍ୟ କରିସାରିଥିଲେ । ନିର୍ଦ୍ଧାରିତ ସମୟରେ ପାର୍ସଲ ଆଣି ଡେଲିଭରି ବୟ ଦେଇଥିଲା । ଦାମୀ ଜିନିଷ ହୋଇଥିବାରୁ ଟିକେ ବୁଦ୍ଧି ଖଟାଇ ଡେଲିଭରୀ ବୟ ଆଗରେ ପାର୍ସଲ ଖୋଲିଥିଲେ । ହେଲେ ଫୋନଟି ଠିକ ଭାବେ ପ୍ୟାକେଜିଂ ହୋଇନଥିବା ଦେଖିବା ପରେ ଏନେଇ ପ୍ରଶ୍ନ କରିଥିଲେ । ଏହାର ବିଲ ମଧ୍ୟ ଠିକ୍ ସ୍ଥାନରେ ନଥିବାରୁ ତାଙ୍କର ସନ୍ଦେହ ଘନୀଭୂତ ହୋଇଥିଲା । ହେଲେ କଥା ବୁଲାଇଦେଇ କହିଥିଲା ଡେଲିଭରୀ ବୟ ।
ଜଣେ ପଡୋଶୀଙ୍କୁ ଡାକି ପାର୍ସଲ ଖୋଲିବାର ଭିଡିଓ ସୁଟ କରିବାକୁ କହିଥିଲେ । ପ୍ୟାକେଟ୍ ଖୋଲିବା ପରେ ସେଠାରେ ଥିବା ସବୁ ଲୋକ ମୁଣ୍ଡରେ ହାତ ଦେଇଥିଲେ । ପ୍ୟାକେଟ ଭିତରେ ଦାମୀ ଆଇଫୋନ୍ ନଥିଲା ଥିଲା ଦି ଟେଳା ଚିକିଟା ମାଟି ।
ପାର୍ସଲ ଖୋଲିବା ପରେ ଡରିଯାଇଥିଲା ଡେଲିଭରୀ ବୟ । ପାର୍ସଲ ଫେରସ୍ତ ନେବାକୁ କହିବା ସହ ପେମେଣ୍ଟ ଫେରସ୍ତ କରିବାକୁ ଚେଷ୍ଟା କରୁଛି ବୋଲି କହିଥିଲା । ହେଲେ ଛାଡିନଥିଲେ ଗ୍ରାହକ ଓ ତାଙ୍କ ସମ୍ପର୍କୀୟ । ପୋଲିସ ଡାକି ପୁରା ଘଟଣା କହିବା ପରେ ଡେଲିଭରୀ ବୟକୁ ବାନ୍ଧି ନେଇଛି ପୁଲିସ । ଏହା ସହ ଘଟଣାର ତଦନ୍ତ ଆରମ୍ଭ କରିଛି ।
ଏପରି ଘଟଣା ବାରମ୍ବାର ଘଟୁଥିଲେ ବି ଚେତୁନାହାଁନ୍ତି ଗ୍ରାହକ । ଗ୍ରାହକ ଜଣକ ଅନଲାଇନ୍ କମ୍ପାନୀର ନାଁ ସେ ପ୍ରକାଶ କରିନଥିଲେ ବି ଅନଲାଇନ୍ ଡେଲିଭରୀ ଗ୍ରହଣ କରିବା ସମୟରେ ସତର୍କ ରହିବାକୁ ବାର୍ତ୍ତା ଦେଇଛନ୍ତି ।