ଏମିତି ବାହାଘର କେବେ ଦେଖିଛନ୍ତି…? ବେଦୀ ଗୋଟିଏ, ବର ଜଣେ, ହେଲେ କନ୍ୟା ଥିଲେ ଦୁଇ ଜଣ । ଏକାଥରେ ଦୁଇ ପ୍ରେମିକାଙ୍କୁ ବିବାହ କଲେ ପ୍ରେମିକ, ଆଶୀର୍ବାଦ ଦେଲା ପୂରା ଗାଁ ।
କନକ ବ୍ୟୁରୋ : ଜଣେ ବର, ଦୁଇ ଜଣ କନିଆ । ନିଆରା ବାହାଘରକୁ ନେଇ ଚର୍ଚ୍ଚା । ଆପଣ ଅନେକ ବାହାଘର ଦେଖିଥିବେ । ସବୁଠି ଜଣେ ବର ଜଣେ କନ୍ୟାଙ୍କ ସହ ବିବାହ କରିଥାନ୍ତି । କିନ୍ତୁ ଆଜି ଆମେ ଆପଣଙ୍କୁ ଏମିତି ଏକ ବାହାଘର ବିଷୟରେ କହିବୁ, ଯାହା ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଏହା ଏମିତି ଏକ ନିଆରା ବାହାଘର ଥିଲା, ଯେଉଁଠି ବର ତ ଜଣେ ଥିଲେ, କିନ୍ତୁ ମଣ୍ଡପରେ ଥିଲେ ଦୁଇ ଜଣ କନ୍ୟା ।
Kanak News is now on WhatsApp
Join and get latest news updates delivered to you via WhatsApp
ଚଳିତମାସ ୧୪ ତାରିଖରେ ତେଲେଙ୍ଗାନାର ଉନ୍ନୁର ଅଂଚଳର ଧନପୁର ଗାଁରେ ହୋଇଥିବା ଏହି ବାହାଘର ସମସ୍ତଙ୍କ ପାଇଁ ଆକର୍ଷଣର କେନ୍ଦ୍ରବିନ୍ଦୁ ରହିଥିଲା । ଅର୍ଜୁନ ନାମକ ଏହି ବ୍ୟକ୍ତି ମଣ୍ଡପରେ ଏକା ସଙ୍ଗେ ଦୁଇ ଜଣ କନ୍ୟାଙ୍କ ସହ ବିବାହ କରିଥିଲେ ।
ମିଳିଥିବା ସୂଚନା ଅନୁଯାୟୀ, ଅର୍ଜୁନଙ୍କୁ ଏକାସଙ୍ଗେ ଦୁଇଜଣ ଯୁବତୀଙ୍କ ସହ ପ୍ରେମ ହୋଇଥିଲା । ଆଉ ସମ୍ପର୍କ ଏତେ ମଜଭୁତ ହୋଇଯାଇଥିଲା ଯେ, ନିଜ ଦୁଇ ପ୍ରେମିକାଙ୍କ ମଧ୍ୟରୁ କାହାକୁ ମଧ୍ୟ ଦୂରେଇ ଦେବା ଅର୍ଜୁନଙ୍କ ପାଇଁ ଅସମ୍ଭବ ହୋଇପଡିଥିଲା । ଆଉ ଏହା ପରେ ସେ ଦୁଇଜଣଙ୍କୁ ବିବାହ କରିବା ପାଇଁ ନିଷ୍ପତି ନେଇଥିଲେ । ଆଉ ଅର୍ଜୁନଙ୍କ ଏହି ନିଷ୍ପତିରେ ଦୁଇ ଜଣ ଯୁବତୀ ମଧ୍ୟ ରାଜି ହୋଇଯାଇଥିଲେ । ଏହି ନିଆରା ବାହାଘରକୁ ଦେଖିବା ପାଇଁ ପୂରା ଗାଁ ଏକାଠି ହୋଇଥିଲା ।
ଯେତେବେଳେ ଉଭୟ ବରର ପରିବାର ଏବଂ ଦୁଇ କନ୍ୟାଙ୍କ ପରିବାର ଲୋକେ ଏକଥା ଜାଣିଥିଲେ, ପ୍ରଥମେ ଏହି ବାହାଘର ପାଇଁ ରାଜି ହୋଇନଥିଲେ । କିନ୍ତୁ ପରେ ସେମାନେ ଏହି ବାହାଘରକୁ ଅନୁମତି ଦେଇଥିଲେ । ବାଜା ରୋଷଣୀ ସହ ନିଜ ଗାଁରେ ଧୂମଧାମରେ ହୋଇଥିଲା ଏହି ନିଆରା ବାହାଘର । ସବୁ ରୀତିନୀତି ସମ୍ପନ୍ନ ହୋଇଥିଲା । ଆଉ ଅଗ୍ନିକୁ ସାକ୍ଷୀ ରଖି ନିଜ ଦୁଇ ପ୍ରେମିକାଙ୍କୁ ସାତ ଜନମର ସାଥୀ କରିଥିଲେ ଅର୍ଜୁନ ।