ଆମେରିକା ବ୍ଲାକ ହକ୍ ହେଲିକପ୍ଟରରେ ଶବକୁ ବାନ୍ଧି ଝୁଲାଇବା ଘଟଣା : ଜଣାପଡ଼ିଲା ଭାଇରାଲ ଭିଡିଓର ସତ
ଦୌଡ଼ି ସାହାଯ୍ୟରେ ଝୁଲି ଏକ ସରକାରୀ କୋଠାରେ ପତାକା ଲଗାଇବାକୁ ଚେଷ୍ଟା କରୁଥିଲେ ବ୍ୟକ୍ତି
କନକ ବ୍ୟୁରୋ : ଏକ ଭିଡିଓ ଏବେ ସୋସିଆଲ ମିଡିଆରେ ଖୁବ ଜୋରରେ ଭାଇରାଲ ହେବାରେ ଲାଗିଛି । ଏଥିରେ ଆମେରିକାର ବ୍ଲାକ ହକ ହେଲିକପ୍ଟରରୁ ଜଣେ ବ୍ୟକ୍ତି ଝୁଲି ରହିଥିବା ଦେଖାଯାଉଛି । ଭିଡିଓଟି ଭାଇରାଲ ହେବା ସହିତ ଦାବି କରାଯାଉଥିଲା ଯେ, ତାଲିବାନୀମାନେ ଜଣେ ବ୍ୟକ୍ତିଙ୍କୁ ହତ୍ୟା କରି ତାଙ୍କ ଶବକୁ ଏଭଳି ଝୁଲାଇ ଆଫଗାନିସ୍ତାନର କାନ୍ଦାହାର ପ୍ରଦେଶରେ ଉଡାଇଛନ୍ତି । ଏପରିକି ଏହି ଭିଡିଓକୁ ନେଇ ଆମେରିକାରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ହେଲେ ଆମେରିକା ପ୍ରତିରକ୍ଷା ବିଭାଗ ପକ୍ଷରୁ ଏହି ଭିଡିଓକୁ ନେଇ ସ୍ପଷ୍ଟୀକରଣ ଦିଆଯାଇଛି । ଭିଡିଓରେ ହେଲିକପ୍ଟରରୁ ଝୁଲି ରହିଥିବା ବ୍ୟକ୍ତି ଜଣକ ଜୀବିତ ଥିବା ଦାବି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ସେ ଏକ ସରକାରୀ କୋଠାରେ ପତାକା ଲଗାଇବା ପାଇଁ ହେଲିକପ୍ଟରରୁ ଡଉଡି ସାହାଯ୍ୟରେ ଝୁଲି ଏଭଳି ଯାତ୍ରା କରୁଥିବା କୁହାଯାଇଛି । ଅର୍ଥାତ ଜଣଙ୍କୁ ହତ୍ୟା କରି ତାଲିବାନୀମାନେ ଆମେରିକାର ବ୍ଲାକ ହକ ହେଲିକପ୍ଟରରୁ ଝୁଲାଇ କାନ୍ଦାହାରରେ ଉଡାଇବା ଖବର ଗୁଜବ ବୋଲି କୁହାଯାଇଛି । ଭିଡିଓରେ ବ୍ୟକ୍ତି ଜଣକ ଜୀବିତ ଥିବା କୁହାଯାଇଛି । ତେଣୁ ଏହିଭଳି ଏକାଧିକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ସହ ଗୁଜବ ବ୍ୟାପି ଚାଲିଥିବା ଦେଖାଯାଉଛି ।