କଳିଯୁଗରେ ଶ୍ରବଣ କୁମାର ସାଜିଲେ ଆଦିବାସୀ ଯୁବକ, ବାପାଙ୍କୁ କରୋନା ଟିକା ଦେବାକୁ କରିଲେ ଏଭଳି କାମ
କନକ ବ୍ୟୁରୋ : ବ୍ରାଜିଲର ଅମାଜନ ଠାରେ ଜଣେ ଯୁବକ ନିଜ ପିତାଙ୍କୁ କରୋନା ଟିକା ଦେବାକୁ ନିଜ ପିଠିରେ ବସାଇ ଟିକାକରଣ କେନ୍ଦ୍ରକୁ ନେଇଯାଉଥିବାର ଭିଡିଓ ଏବେ ସୋସିଆଲ ମିଡିଆରେ ବେସ୍ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଦେଖିବାକୁ ମିଳିଛି କି ୨୪ ବର୍ଷିୟ ଯୁବକ ତାବି ନିଜର ୬୭ ବର୍ଷିୟ ପିତାଙ୍କୁ ପିଠିରେ ବସାଇ ଟିକାକରଣ କେନ୍ଦ୍ରକୁ ନେଇ ଯାଉଛନ୍ତି । ତାବିଙ୍କୁ ଏଭଳି ଭାବେ ପୂରା ୬ ଘଂଟା ନିଜ ପିତାଙ୍କୁ ପିଠିରେ ବସାଇ ଚାଲିବା ପରେ ଟିକାକରଣ କେନ୍ଦ୍ରରେ ପହଂଚିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଭଳି ଫଟୋ ଉର୍ତ୍ତୋଳନ କରିଥିବା ଡାକ୍ତର ଏରିକ ଜେନିଙ୍ଗ୍ସ ସିମୋସ କହିଛନ୍ତି କି, ତାବିଙ୍କ ପିତାଙ୍କୁ ପ୍ରାୟତ କିଛି ଦେଖାଯାଉ ନାହିଁ । ଏହାସହ ସେ ବହୁମୁତ୍ର ସମସ୍ୟା କାରଣରୁ ଚଲାବୁଲା ବି କରିପାରୁ ନାହାଁନ୍ତି । ଏନେଇ ଡାକ୍ତର ସିମୋସ ବିିବିସି ନ୍ୟୁଜ ବ୍ରାଜିଲକୁ କହିଛନ୍ତି କି “ଏହା ସେମାନଙ୍କ ଭିତରେ ଥିବା ଗଭୀର ସଂପର୍କର ଏକ ନିଦର୍ଶନ” । ଏହି ଫଟୋ ଜାନୁଆରୀ ୨୦୨୧ ମସିହାରରେ ଉର୍ତ୍ତୋଳନ କରାଯାଇଥିଲା ଯେତେବେଳେ କି ବ୍ରାଜିଲରେ କରୋନା ନିରୋଧୀ ଟିକାକରଣ ଆରମ୍ଭ କରାଯାଇଥିଲା ।
ଏଭଳି ଫଟୋ ଏବେ ଦେଖିବା ପ୍ରାୟ ଅସମ୍ଭବ । ଯେତେବେଳେ ବିଶ୍ୱର ଯୁବକମାନେ ସେମାନଙ୍କ ପିତାମାତାଙ୍କ ପାଇଁ ସାଧାରଣ କର୍ତ୍ତବ୍ୟ କରିବାକୁ କୁଣ୍ଠାବୋଧ କରୁଛନ୍ତି ଓ ଏହି କାରଣରୁ ଦେଶ ବିଦେଶରେ ଜରା ନିବାସ ସଂଖ୍ୟା ବଢିବାରେ ଲାଗିଛି । ସେଭଳି ସ୍ଥଳେ ଜଣେ ୨୪ ବର୍ଷିୟ ଆଦିବାସୀ ଯୁବକଙ୍କ ନିଜ ପିତାଙ୍କ ପ୍ରତି ଥିବା କର୍ତ୍ତବ୍ୟକୁ ଏତେ ନିଷ୍ଠାର ସହ ପାଳନ କରିବାର ଚିତ୍ର ସତରେ ବିଶ୍ୱାସଯୋଗ୍ୟ ନୁହେଁ । ଏହାକୁ ଆମେ ଯଦି ଆମେ ଭାଷାରେ କହିବା ତେବେ ତାବି ବ୍ରାଜିଲର ଜଣେ ଶ୍ରବଣକୁମାରଙ୍କ ଠାରୁ ବି କମ୍ ନୁହଁନ୍ତି ।