ବୁଦାରୁ ମିଳିଲା ୨୪ ବର୍ଷୀୟ ଯୁବକର ଶବ, ଆଖି ଓ କାନ ଗାଏବ । ଆତଙ୍କରେ ଲୋକେ

ଦିଲ୍ଲୀରେ ଅପରାଧିକ ଘଟଣା ବନ୍ଦ ହେବାର ନାଁ ନେଉନି । ଏଠି ଅପରାଧୀଙ୍କ ମଧ୍ୟରେ ପୁଲିସ୍ ର ଡର ନାହିଁ । ଗତ ଦିନରେ ହତ୍ୟା, ଚୋରୀ, ଅପହରଣର ଘଟଣା ସାମନାକୁ ଆସିଛି । ଦିଲ୍ଲୀର ପ୍ରହଲ୍ଲାଦପୁର ଅଂଚଳରେ ଏକ ମାମଲା ସାମନାକୁ ଆସିଛି । ଯେଉଁଠି ବୁଦା ମୂଳେ ଜଣେ ଯୁବକଙ୍କ ଶବ ମିଳିଛି, ଯାହା ସେହି ଅଂଚଳରେ ଆତଙ୍କ ଖେଳାଇଛି । ଯୁବକଙ୍କ ଶବରୁ ଆଖି ଓ କାନ ଗାଏବ ଅଛି । ପୁଲିସ୍ ସୂଚନା ମିଳିବା ପରେ ଶବକୁ ନିଜ ଅଧିନକୁ ନେଇଛି ।

ସୂଚନା ମୁତାବକ, ଦିଲ୍ଲୀର ପ୍ରହଲ୍ଲାଦପୁର ଅଂଚଳରେ ଶୁକ୍ରବାର ବୁଦାରୁ ୨୪ ବର୍ଷୀୟ ଯୁବକଙ୍କ ଶବ ଜବତ କରାଯାଇଛି । ଆଶଙ୍କା କରାଯାଉଛି କି ପଶୁ ମାନେ ଶବର ଆଖି ଓ କାନ ରାମ୍ପୁଡି ନେଇଛନ୍ତି । ମୃତକଙ୍କୁ ତାଙ୍କ ଭାଇ ଚିହ୍ନିଛନ୍ତି । ତାଙ୍କ ନାଁ ପୁନିତ୍ ଓ ସେ ସଂଗମ ବିହାରରେ ରହନ୍ତି । ଜଣାପଡିଛି ଯେ, ଶବର ମୁଣ୍ଡ ଓ ବେକରେ କ୍ଷତ ଚିହ୍ନ ଅଛି । ଶବର ଆଖି ଓ କାନ ଗାଏବ ।