କନକ ବ୍ୟୁରୋ : ଉଦ୍ୟୋଗପତି ଆନନ୍ଦ ମହିନ୍ଦ୍ରାଙ୍କୁ ଜଣେ ଯୁବକ ଏପରି ଏକ ପ୍ରସ୍ତାବ ଦେଲେ । ଆଉ ଯୁବକଙ୍କ ପ୍ରସ୍ତାବକୁ ନେଇ ଆନନ୍ଦ ମହିନ୍ଦ୍ରା ଯେଉଁ ଉତ୍ତର ଦେଲେ ତାକୁ ନେଇ ଏବେ ସବୁଆଡେ ଚର୍ଚ୍ଚା । ଯୁବକ ଜଣଙ୍କ ଆନନ୍ଦ ମହିନ୍ଦ୍ରାଙ୍କୁ ଟ୍ୱିଟ୍ କରି କହିଲେ, ‘କଣ ଆପଣ ୧୦ ହଜାରରୁ କମ୍ ଟଙ୍କାରେ କାର ବନାଇପାରିବେ’? ଯାହା ସମ୍ପୁର୍ଣ୍ଣ ଅସମ୍ଭବ ଥିଲା । ଯୁବକଙ୍କ ଏପରି ଅସମ୍ଭବ ପ୍ରସ୍ତାବକୁ ଶୁଣି ନିଜ ଅନ୍ଦାଜରେ ଉତ୍ତର ରଖିଛନ୍ତି ଆନନ୍ଦ ମହିନ୍ଦ୍ରା ।
ଆନନ୍ଦ ମହିନ୍ଦ୍ରା ଟ୍ୱିଟ୍ କରି ଲେଖିଛନ୍ତି, ୧୦ ହଜାର କାହିଁକି, ଆମେ ତାଠାରୁ ବି କମ୍ ଦାମରେ କାର ତିଆରି କରିଛୁ । ଯାହାର ମୂଲ୍ୟ ୧.୫ ହଜାର ଟଙ୍କାରୁ ବି କମ୍ । ଅନଲାଇନରେ ବିକ୍ରି ହେଉଥିବା ମହିନ୍ଦ୍ରା ଥରର ଏକ ଖେଳନା କାରକୁ ଟ୍ୱିଟରରେ ପୋଷ୍ଟ କରି ଏପରି ଲେଖିଛନ୍ତି ଆନନ୍ଦ ମହିନ୍ଦ୍ରା । ଆନନ୍ଦ ମହିନ୍ଦ୍ରାଙ୍କ ଏହି ଟ୍ୱିଟ୍ ଦେଖି ଫଲୋଅର୍ସ ଖୁବ୍ ହସିଛନ୍ତି । ଏହି ଟ୍ୱିଟକୁ ୨ହଜାରରୁ ଅଧିକ ଲାଇକ୍ ଏବଂ କମେଣ୍ଟ ମିଳିଛି ।