ଭାରତୀୟ ବାୟୁସେନାର ଏୟାର ଷ୍ଟ୍ରାଇକକୁ ନେଇ ମମତା ବାନାର୍ଜୀ ଉଠାଇଲେ ପ୍ରଶ୍ନ ! ସରକାରଙ୍କୁ କହିଲେ ପ୍ରମାଣ ଦିଅ ।
ପାକିସ୍ତାନ ସ୍ଥିତ ଆତଙ୍କବାଦୀ ଠିକଣାରେ ଭାରତୀୟ ବାୟୁସେନା ତରଫରୁ ୪ ଦିନ ପୂର୍ବେ ଯେଉଁ ଏୟାର ଷ୍ଟ୍ରାଇକ୍ କରାଯାଇଥିଲା ଉକ୍ତ ଘଟଣାକୁ ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ପ୍ରଶ୍ନ ଉଠାଇଛନ୍ତି । ମମତା ବାନାର୍ଜୀ ସରକାରଙ୍କୁ ଏୟାର ଷ୍ଟ୍ରାଇକର ସମ୍ପୁର୍ଣ୍ଣ ବିବରଣୀ ମାଗିଛନ୍ତି । ଗୁରୁବାର ସେ କହିଥିଲେ ଏୟାର ଷ୍ଟ୍ରାଇକ ପରେ ପ୍ରଧାନମନ୍ତ୍ରୀ ମୋଦି କୌଣସି ପ୍ରକାର ପାର୍ଟି ବୈଠକ ଡକାଇନଥିଲେ । ସେ ମଧ୍ୟ ବାୟୁସେନା ଅପରେସନ୍ ର ସମ୍ପୁର୍ଣ୍ଣ ବିବରଣୀ ଜାଣିବାକୁ ଚାହାନ୍ତି । କେଉଁ କେଉଁ ସ୍ଥାନରେ ବୋମା ପଡିଥିଲା ଏବଂ କେତେ ଜଣ ଲୋକ ଏଥିରେ ମରିଥିଲେ ସେ ସବୁ ଜାଣିବାକୁ ଚାହାଁନ୍ତି କହିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ମମତା ବାନାର୍ଜୀ ବିଦେଶୀ ମିଡିଆର ରିପୋର୍ଟର କଥା କହି କହିଥିଲେ ସେ କିଛି ବିଦେଶୀ ମିଡିଆ ରିପୋର୍ଟ ପଢିଛନ୍ତି । କିଛି ରିପୋର୍ଟରେ କୁହାଯାଇଛି ଯେ ଏହି ଏୟାର ଷ୍ଟ୍ରାଇକରେ କାହାର ମଧ୍ୟ ଜୀବନ ଯାଇନାହିଁ ଏବଂ ଆଉ କିଛି ରିପୋର୍ଟରେ ଜଣେ ଜୀବନ ହରାଇଥିବା କୁହାଯାଉଛି । ମମତା କହିଛନ୍ତି ଯେ ସେ ଏହି ବିଷୟ ଉପରେ ପୁଙ୍ଖାନୁପୁଙ୍ଖ ଜାଣିବାକୁ ଚାହୁଁଛନ୍ତି । ଭାରତୀୟ ବାୟୁସେନା ତରଫରୁ ଫେବୃୟାରୀ ୨୬ ତାରିଖ ଭୋର ୩.୪୫ ସମୟରେ ପାକିସ୍ତାନ ଆତଙ୍କବାଦୀ ଅଜହର ମସୁଦର କ୍ୟାମ୍ପ ଉପରେ ହୋଇଥିବା ଆକ୍ରମଣରେ ୨୦୦ ହଭ ୩୦୦ ଆତଙ୍କବାଦୀ ମରିଥିବାର ସ୍ପଷ୍ଟୀକରଣ କରାଗଲା । ତେବେ ବର୍ତ୍ତମା ମମତା ବାନାର୍ଜୀ ଏହି ସ୍ପଷ୍ଟୀକରଣକୁ ନମାନି ସରକାରଙ୍କୁ ଏହି ଆକ୍ରମଣର ସମ୍ପୁର୍ଣ୍ଣ ବିବରଣୀ ମାଗିଛନ୍ତି ।