ମୋଦିଙ୍କୁ କାଳିଦାସଙ୍କ ସହ ତୁଳନା କଲେ ମମତା ! କହିଲେ ଯେଉଁ ଡାଳରେ ବସୁଛନ୍ତି ସେହି ଡାଳକୁ କାଟୁଛନ୍ତି ମୋଦି ।
ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମିଛ କହୁଥିବାର ଅଭିଯୋଗ ଲଗାଇ ତାଙ୍କ ତୁଳନା କାଳିଦାସଙ୍କ ସହ ତୁଳନା କରିଛନ୍ତି । ସଂସ୍କୃତର ମହାନ ଲେଖକ ହେବା ପୂର୍ବରୁ କାଳିଦାସଙ୍କୁ ମୁର୍ଖ ବୋଲି କୁହାଯାଉଥିଲା । ପଶ୍ଚିମବଙ୍ଗର ହୁଗୁଳୀର ଏକ ଜନସଭାରେ ମମତା କହିଥିଲେ,ଆପଣ ସବୁ କାଳିଦାସଙ୍କ କାହାଣୀ ବିଷୟରେ ଜାଣିଥିବେ । ସେ ଗଛର ଯେଉଁ ଡାଳରେ ବସୁଥିଲେ ସେହି ଡାଳକୁ ହିଁ କାଟୁଥିଲେ । ନରେନ୍ଦ୍ର ମୋଦି ମଧ୍ୟ ସେହି ଡାଳକୁ କାଟୁଛନ୍ତି ଏବଂ ଦେଶ,ରାଜ୍ୟ ଏବଂ ଲୋକଙ୍କୁ ମଧ୍ୟ ବାଣ୍ଟିବାର କାମ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମମତା ବାନାର୍ଜୀ କହିଥିଲେ ଯଦି ପ୍ରଧାନମନ୍ତ୍ରୀ ଏଠାକୁ ଆସି କହୁଛନ୍ତି କି ଆମେ ଲୋକଙ୍କୁ ମାରି ଝୁଲାଇ ଦେଲୁ । ଏହା ଅଧିକ କିଛି ନାହିଁ ଲୋକଙ୍କୁ କେବଳ ଉସୁକାଇବା ପାଇଁ କୁହାଯାଉଛି । ପଶ୍ଚିମବଙ୍ଗ ମୁଖ୍ୟମନ୍ତ୍ରୀ କହିଥିଲେ ଯେ କିଛି ଲୋକ ଦୁଃଖ କାରଣରୁ ଆତ୍ମହତ୍ୟା କରିଥାନ୍ତି । ସେ କହୁଛନ୍ତି ଯେ ଆମେ ତାଙ୍କ କାର୍ଯ୍ୟକର୍ତ୍ତାଙ୍କୁ ମାରିଛୁ , କିନ୍ତୁ ପୋଷ୍ଟମର୍ଟମ୍ ରିପୋର୍ଟରେ ଆତ୍ମହତ୍ୟାର ମାମଲା ସାମ୍ନାକୁ ଆସୁଛି ।