କନକ ବ୍ୟୁରୋ: ମମିତା ହତ୍ୟାକାଣ୍ଡ ଘଟଣା: ମହାଲିଙ୍ଗ ଷ୍ଟାଡିୟମରେ ଏମିତି କ’ଣ ଅଛି? କେଉଁ ପ୍ରମାଣକୁ ଖୋଜୁଛି ପୋଲିସ? ଏନେଇ ପୋଲିସର ଖୋଳତାଡ଼ ଆରମ୍ଭ । ଷ୍ଟାଡିୟମ ପରିସରକୁ ଜେସିବି ଆଣି ପୋଲିସ୍ ଆରମ୍ଭ କରିଛି ମାଟି ଖୋଳା । ଅଧିକ ତଦନ୍ତ ପାଇଁ ମହାଲିଙ୍ଗ ଷ୍ଟାଡିୟମରେ ମାଟି ଖୋଳୁଛି ପୁଲିସ୍ । ସ୍ଥାନୀୟ ଦୁଇ ଜଣ ଲୋକଙ୍କ ସହାୟତାରେ ସେହି ଷ୍ଟାଡିୟମ ଖୋଳା ଚାଲିଛି । ତେବେ ଏହାରି ଭିତରେ କିଛି ଗୁରୁତ୍ୱପୂର୍ଣ୍ଣ ତଥ୍ୟ ପ୍ରମାଣ ପୋଲିସ୍ ହାତରେ ଲାଗିଥିବା ସୂଚନା ମିଳୁଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ କିଛି ସମୟ ପୂର୍ବରୁ ମମିତାଙ୍କ ମୃତ ଦେହ ଉଦ୍ଧାର ହୋଇଥିବା ସ୍ଥାନ ପରିଦର୍ଶନ କରିଥିଲେ ଉତ୍ତରାଞ୍ଚଳ ଡିଆଇଜି ଓ ଏସପି । କଳାହାଣ୍ଡିର ମହାଲିଙ୍ଗ ଷ୍ଟାଡିୟମରେ ଛନାଭିନ କରିଛନ୍ତିନ୍ତି ବରିଷ୍ଠ ଅଧିକାରୀ । ତେବେ ମଙ୍ଗଳବାର ଦିନ ଏହି ସ୍ଥାନରୁ ମମିତାଙ୍କ ପୋତା ଯାଇଥିବା ସ୍ଥାନ ଖୋଳାଯାଇଥିଲା । ଏହି ସ୍ଥାନରୁ ମିଳିଥିଲା ପାଉଂଜି, ସୁନା ଚେନ୍ ଓ ବ୍ୟାଗ୍ । ୮ ତାରିଖରେ ମମିତାଙ୍କୁ ହତ୍ୟା କରାଯିବା ପରେ ଏହି ସ୍ଥାନରେ ପୋତା ଯାଇଥିବା ପୋଲିସ କହିଥିଲା ।
ତେବେ ଖଣ୍ଡ ଖଣ୍ଡ କରି କଟା ଯାଇଥିଲା ମମିତା ମେହେରଙ୍କ ମୃତଦେହ । ପୋଡିବା ପୂର୍ବରୁ ମୃତଦେହକୁ ଖଣ୍ଡଖଣ୍ଡ କରି କଟାଯାଇଥିଲା । ଘଟଣାର ତଦନ୍ତ କରୁଥିବା ଜଣେ ସାଇଂଟିଫିକ୍ ଟିମ୍ ଅଧିକାରୀଙ୍କ ସୂଚନା ଅନୁସାରେ ପୋଡିବା ସହଜ କରିବାକୁ ଏପରି କରାଯାଇଥିଲା । ଗୋବିନ୍ଦ ସାହୁ ଓ ତାଙ୍କ ସହଯୋଗୀ ମିଶି ଏପରି କରିଥିବା ସନ୍ଦେହ କରୁଛି ପୋଲିସ । ମମିତାଙ୍କ ମୃତଦେହ ପ୍ରାୟ ନଷ୍ଟ ହୋଇଯାଇଥିଲା । ତଳେ କାଠ ପ୍ଲାଏ ଉପରେ ଟାୟାର ରଖି ମମିତାଙ୍କୁ ପୋଡାଯାଇଥିଲା ।