ମହିଳା ଓ ଶିଶୁ ବିକାଶ ମନ୍ତ୍ରୀଙ୍କ ଟ୍ୱିଟକୁ ନେଇ ଘେରିଲା କଂଗ୍ରେସ : ମମିତା ମେହେରଙ୍କ ବାପା, ମାଆଙ୍କ ଭିଡିଓ କେମିତି ପାଇଲେ ବୋଲି କଲା ପ୍ରଶ୍ନ
ସେପଟେ ମନ୍ତ୍ରୀ ଦିବ୍ୟଶଙ୍କର ମିଶ୍ର ଓ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ଟାର୍ଗେଟ
କନକ ବ୍ୟୁରୋ : ମମିତା ମେହେର ହତ୍ୟାକାଣ୍ଡ ମାମଲାରେ ମହିଳା ଓ ଶିଶୁ ବିକାଶ ମନ୍ତ୍ରୀଙ୍କୁ ଘେରିଲା କଂଗ୍ରେସ । ମମିତାଙ୍କ ବାପା-ମାଆଙ୍କ ଏକ ଭିଡିଓ ଟ୍ୱିଟ୍ କରିଥିଲେ ମନ୍ତ୍ରୀ ଟୁକୁନି ସାହୁ । ଏହି ଭିଡିଓ ପୋଷ୍ଟ କରିବା ପାଇଁ ମନ୍ତ୍ରୀଙ୍କୁ କିଏ କହିଲା ବୋଲି ପ୍ରଶ୍ନ କରିଛି କଂଗ୍ରେସ । ମନ୍ତ୍ରୀ ମମିତାଙ୍କ ପରିବାରଠାରୁ ଭିଡିଓ କିପରି ଆଣିଲେ, କେଉଁଠୁ ଆଣି ଭିଡିଓ ପୋଷ୍ଟ କଲେ, ମନ୍ତ୍ରୀଙ୍କଠାରୁ ତାର ଉତର ମାଗିଛି ଦଳ ।
Kanak News is now on WhatsApp
Join and get latest news updates delivered to you via WhatsApp
ଏହା ସହ କଂଗ୍ରେସ କହିଛି, ଯିଏ ଦୋଷ କରିଥାଏ ସେ ଦୋଷ ଲୁଚାଇବା ପାଇଁ ସବୁବେଳେ ପ୍ରମାଣ ମାଗିଥାଏ । ସେହିଭଳି ମନ୍ତ୍ରୀ ଦିବ୍ୟଶଙ୍କର ମିଶ୍ର ଏବେ ପ୍ରମାଣ ମାଗୁଛନ୍ତି । ପ୍ରମାଣ ନଷ୍ଟ କରି ସାରିବା ପରେ ବିଜେଡି ପ୍ରମାଣ ମାଗୁଛି । ତେଣୁ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ପଲିଗ୍ରାଫ୍ ଟେଷ୍ଟ କରାଯାଉ । ଏହା ସହ କଳାହାଣ୍ଡି ଏସ୍ପି, ବଲାଙ୍ଗିର ଏସ୍ପି ଓ ଉତରାଂଚଳ ଡିଆଇଜିଙ୍କ ପଲିଗ୍ରାଫ୍ ଟେଷ୍ଟ କରିବାକୁ ଦଳ ଦାବି କରିଛି ।
ଦୁଇ ଦିନ ତଳେ ମାହାଙ୍ଗା ଡବଲ ମର୍ଡର ମାମଲାରେ ସାଲେପୁର କୋର୍ଟ ସମସ୍ତ ଅଭିଯୁକ୍ତଙ୍କ ସିଡିଆର ଯାଂଚ ପାଇଁ ନିର୍ଦ୍ଦେଶ ଦେଇଛନ୍ତି । ତେଣୁ ମମିତା ହତ୍ୟା ମାମଲାରେ ମଧ୍ୟ ସମସ୍ତଙ୍କ ସିଡିଆର ଯାଂଚ କରାଯାଉ ବୋଲି ଦଳ ଦାବି କରିଛି । ଏଥି ସହ ଦିବ୍ୟଶଙ୍କର ମିଶ୍ରଙ୍କୁ ମୁଖ୍ୟମନ୍ତ୍ରୀ ବହିଷ୍କାର କରି ହାଇକୋର୍ଟଙ୍କ ତତ୍ୱାବଧାନରେ ଗଠିତ ଏସ୍ଆଇଟି ତଦନ୍ତ କରିବାକୁ ଦାବି କରିଛି କଂଗ୍ରେସ ।