ମମିତା ମେହେର ହତ୍ୟା ମାମଲା : ୫ ଦିନିଆ ରିମାଣ୍ଡ ସରିବା ପରେ ଜେଲ ଗଲା ଅଭିଯୁକ୍ତ ଗୋବିନ୍ଦ ସାହୁ
ସହଯୋଗୀ ରାଧେଶ୍ୟାମ କାଣ୍ଡିଙ୍କୁ ରିମାଣ୍ଡରେ ଆଣି ପଚରାଉଚରା କରିପାରେ ପୁଲିସ
କନକ ବ୍ୟୁରୋ : ମହାଲିଙ୍ଗ ସନସାଇନ୍ ସ୍କୁଲ ଅଧ୍ୟକ୍ଷା ମମିତା ମେହେର ହତ୍ୟା ମାମଲାରେ ଜେଲ ଗଲେ ଗୋବିନ୍ଦ ସାହୁ । ୫ ଦିନିଆ ରିମାଣ୍ଡ ଅବଧି ଶେଷ ହେବା ପରେ ଗୋବିନ୍ଦଙ୍କୁ ଆଜି କଂଟାବାଞ୍ଜି ମାଜିଷ୍ଟ୍ରେଟଙ୍କ ପାଖରେ ହାଜର କରାଇଥିଲା ପୋଲିସ । ଏହା ପରେ ଗୋବିନ୍ଦ ସାହୁଙ୍କୁ ଜେଲ ପଠାଇ ଦିଆଯାଇଛି । ଏବେ କଂଟାବାଞ୍ଜି ଜେଲ ହାଜତରେ ରହିବେ ଗୋବିନ୍ଦ ସାହୁ । ଏବେ ଡ୍ରାଇଭର ରାଧେଶ୍ୟାମ୍ କାଣ୍ଡିଙ୍କୁ ରିମାଣ୍ଡରେ ଆଣିପାରେ ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ତେବେ କେବଳ ମମିତା ହତ୍ୟା ମାମଲାର ତଦନ୍ତ କରୁଥିବା ପୋଲିସ, ଗୋବିନ୍ଦଙ୍କ ବିରୋଧରେ ଆସିଥିବା ଅନ୍ୟ ଅଭିଯୋଗର ତଦନ୍ତ ନେଇ କୌଣସି ସୂଚନା ଦେଉନାହିଁ । ମମିତାଙ୍କୁ ହତ୍ୟା କରିବାରେ ଗୋବିନ୍ଦଙ୍କୁ କିଏ ସହାୟତା କରିଥିଲେ, ପୋଲିସ ବାରାକରୁ ଫେରାର ହେବା ପଛରେ କାହାର ହାତ ଥିଲା, ଏସବୁ ଏବେବି ଅସମାହିତ ହୋଇ ରହିଛି । ତେଣୁ ପୋଲିସର ତଦନ୍ତକୁ ନେଇ ସାଧାରଣରେ କେତୋଟି ପ୍ରଶ୍ନ ଉଠୁଛି ।
– କେବଳ ମମିତା ମେହେର ହତ୍ୟା ମାମଲା ନେଇ ତଦନ୍ତ କରୁଛି କି ପୋଲିସ ?
– ହତ୍ୟାରେ ତାକୁ ସହାୟତା କରିଥିବା ଲୋକଙ୍କୁ ତଦନ୍ତ ପରିସରଭୁକ୍ତ କରାଯାଇଛି ତ ?
– ଗୋବିନ୍ଦ ପଛରେ କେଉଁ ବଡବଡିଆଙ୍କ ସମର୍ଥନ ଥିଲା ତାର ତଦନ୍ତ ହେଉନାହିଁ କି ?
– ରାଧେ ଘରୁ ମିଳିଥିବା ମୋବାଇଲ କାହାର ଓ ଏହାର କଲ ରେକର୍ଡ ଯାଂଚ୍ ହେଉଛି ତ ?
– ମିଳିଥିବା ମୋବାଇଲ ଫୋନ ସଂପର୍କରେ ପୋଲିସ ଏଯାଏଁ କିଛି କହୁନାହିଁ କାହିଁକି ?
– ଗୋବିନ୍ଦର ସେକ୍ସ ସ୍କାଣ୍ଡାଲ ନେଇ ହେଉଥିବା ଅଭିଯୋଗର ତଦନ୍ତ କରାଯିବ କି ?
– ଅନ୍ୟ ସନ୍ଦିଗ୍ଧମାନଙ୍କ ମୋବାଇଲ କଲ ରେକର୍ଡ ଯାଂଚ୍ କରୁନାହିଁ କି ପୋଲିସ ?
– ପୋଲିସ ବାରାକରୁ ଚମ୍ପଟ୍ ମାରିବାରେ ଗୋବିନ୍ଦକୁ କେଉଁମାନେ ସହାୟତା କରିଥିଲେ ?
– ଗୋବିନ୍ଦ ଫେରାର ହେବା ପରେ କେଉଁ ପ୍ରଭାବଶାଳୀଙ୍କ ସହ କଥା ହୋଇଥିଲା ?