ମମିତା ମେହେର ହତ୍ୟା ମାମଲା : ପୁଣି ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କରଙ୍କୁ ଘେରିଲା କଂଗ୍ରେସ
ସାମ୍ବାଦିକ ସମ୍ମିଳନୀ କରି ନେତା କହିଲେ, ବସଙ୍କ ବିରୋଧରେ କେମିତି ତଦନ୍ତ କରିବ ପୁଲିସ; ପ୍ରମାଣ ଥିଲେ ଅଦାଲତକୁ ଯିବା ପାଇଁ ଆହ୍ୱାନ ଦେଲା ବିଜେଡି
କନକ ବ୍ୟୁରୋ : ମମିତା ମେହେର ହତ୍ୟା ମାମଲାରେ ପୁଣି ଗୃହ ରାଷ୍ଟ୍ରମନ୍ତ୍ରି କ୍ୟାପଟେନ ଦିବ୍ୟଶଙ୍କର ମିଶଙ୍କୁ ଘେରିଲା କଂଗ୍ରେସ । କଂଗ୍ରେସ ନେତା ସତ୍ୟପ୍ରକାଶ ନାୟକ କହିଛନ୍ତି, ବିଜେଡି କହିଲା ପ୍ରମାଣ ଦେଲେ କାର୍ଯ୍ୟାନୁଷ୍ଠାନ ଏବଂ ଅଦାଲତକୁ ଯିବା କଥା ମଧ୍ୟ କହିଲେ, ତେବେ ଯଦି ଅଦାଲତ ତଦନ୍ତ କରିବ ତେବେ ପୋଲିସ କଣ କରିବ ବୋଲି ପ୍ରଶ୍ନ କରିଛି କଂଗ୍ରେସ । ବସ୍ଙ୍କ ବିରୋଧରେ ପୋଲିସ କିପରି ତଦନ୍ତ କରିବ ବୋଲି ପ୍ରଶ୍ନ କରିଛି କଂଗ୍ରେସ ।
Kanak News is now on WhatsApp
Join and get latest news updates delivered to you via WhatsApp
ମନ୍ତ୍ରୀ ଗଣମାଧ୍ୟମରେ ହାଲୁକା ବିବୃତି ଦେଇ ଖସିପାରିବେ ନାହିଁ, ସମ୍ପୃକ୍ତି ଅଛି କି ନାହିଁ, ହଁ କିମ୍ବା ନାଁରେ ଉତର ଦିଅନ୍ତୁ ବୋଲି କହିଛନ୍ତି ସତ୍ୟପ୍ରକାଶ ନାୟକ । ପୋଲିସ ଦିବ୍ୟଶଙ୍କରଙ୍କୁ କାହିଁକି ଜେରା କରୁନି କି ତଦନ୍ତ ପରିସରକୁ ନେଉନାହାନ୍ତି । ଏବଂ ରାୟପୁର ବୈଠକ ସମ୍ବନ୍ଧରେ କାହିଁକି ସିଡିଆର ଯାଂଚ ହେଉନି କି ପୋଲିସ ସ୍ପଷ୍ଟ କରୁନି କି ମନ୍ତ୍ରୀ ସେଠାକୁ ଯାଇନାହାନ୍ତି । ଏହାସହ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ରକ୍ତ ଯଦି ଫର୍ଜିର ନୁହେଁ ଫୌଜିର ତେବେ ସେ ଇସ୍ତଫା ଦିଅନ୍ତୁ । ୧୦ଦିନ ମଧ୍ୟରେ ଇସ୍ତଫା ନଦେଲେ ଓଡ଼ିଶା ବନ୍ଦ କରିବ କଂଗ୍ରେସ ।
ସେପଟେ ଏହି ପ୍ରସଙ୍ଗରେ ପ୍ରତିକ୍ରିୟା ରଖିଛି ବିଜେଡି । ବିଜେଡିର ଗୋଟିଏ ଷ୍ଟାଣ୍ଡ ଆଇନ ଅନୁଯାୟୀ କାର୍ଯ୍ୟ ହେବ ବୋଲି କହିଛି ଦଳ । ମମିତା ମେହେର ହତ୍ୟା, ମନ୍ତ୍ରୀଙ୍କ ଇସ୍ତଫା ଓ କଂଗ୍ରେସର ଓଙ୍ଗ଼ିଶା ବନ୍ଦ ପ୍ରସଙ୍ଗରେ ବିଜେଡି ଉପସଭାନେତ୍ରୀ ପ୍ରମିଳା ମଲ୍ଲିକ ପ୍ରତିକ୍ରିୟା ରଖିଛନ୍ତି । ରାଜନୈତିକ ଦଳ ରାଜନୀତି ପାଇଁ ତାଙ୍କ କାର୍ଯ୍ୟ କରୁଛନ୍ତି, କିନ୍ତୁ ଏହି ଘଟଣାରେ ଉଚ୍ଚସ୍ତରୀୟ ତଦନ୍ତ ଚାଲିଛି, ଯିଏ ଦୋଷୀ ହୋଇଥିବା ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ବୋଲି କହିଛି ବିଜେଡି ।